اتخلصي من الشعر الزائد بطريقة الحلاقة الجافة
الحلاقة هي واحدة من اسرع واسهل طرق ازالة الشعر خصوصا لو معندكيش وقت وعايزة تتخلصي من الشعر بطريقة سريعة او بشرتك حساسة من وسائل ازالة الشعر التانية زي السويت والشمع فهتكون الحلاقة هي انسب اختيار ليكي, لكن اكيد الحلاقة عشان متسببش احمرار او حكة في الجلد محتاجة انك تستخدمي معاها زيت او رغوة الحلاقة لكن دول كمان ممكن ياخدوا منك وقت لو انتي مستعجلة او عندك حالة طارئة, عشان كده النهاردة من خلال موضوعنا هنقولك طريقة ازالة الشعر بالحلاقة الجافة اللي هتوفر عليكي الوقت والمجهود وتقدري تعمليها في اي مكان.
تعالوا الاول نتعرف على فوايد المكونات:
الطريقة سهلة وبسيطة جدا وبتتكون من مكونين اتنين بس هما النشا وزيت شجرة الشاي, هنتعرف على فوايد كل واحد فيهم للبشرة.
– النشا: النشا بيسهل الحلاقة الناعمة للبشرة, من غير ما يسبب اي مشاكل للجلد, كمان بيزيل العرق من على البشرة اللي ممكن يسبب صعوبة في الحلاقة وضرر الجلد, وبيرطب البشرة.
– زيت شجرة الشاي: بيساعد على تعقيم الجلد, لانه بيحتوي على خصائص مضادة للالتهابات ومضادة للميكروبات, اللي هتساعد على منع نتوءات الحلاقة وحب الشباب.
طريقة ازالة الشعر بالحلاقة الجافة:
الحاجات اللي هتحتاجيها:
1/3 كوباية نشا ذرة.
10 نقط من زيت شجرة الشاي.
شوفي من هنا ازاي تعملي كريم الحلاقة بنفسك في البيت.
طريقة التحضير:
في طبق اخلطي النشا مع زيت شجرة الشاي وقلبيهم مع بعض كويس لحد ما يبقى الخليط مافيش فيه اي كتل.
احفظي الخليط في برطمان محكم الغلق في مكان بارد وجاف.
شوفي من هنا 17 وصفة طبيعية لعلاج الحبوب اللي بتسببها مكنة الحلاقة بعد ازالة الشعر.
طريقة الاستخدام:
طريقة استخدامة سهلة وبسيطة جدا كل اللي هتعمليه, هتاخدي من البودر اللي انتي حضرتيها وتوزعيها على الاماكن اللي عايزة تشيلي منها الشعر, وبمكنة الحلاقة تبدأي تشيلي الشعر بالطريقة العادية عكس اتجاه نمو الشعر.
بعد ما تخلصي ازالة كل الشعر, اغسليه بالمية ورطبي البشرة.
نصايح هتفيدك لو بتفضلي استعمال مكنة الحلاقة
