5 طرق لزيادة هرمون السيروتونين “هرمون السعادة” في المخ

بقلمريهام محمود فيصحة visibility731

هرمون السيروتونين او اللي المعروف “بهرمون السعادة” يعتبر ناقل عصبي ونوع من انواع المواد الكيمائية اللي بتساعد على نقل الاشارات من مكان واحد في المخ لمكان تاني, يعني هو اللي بيساعد على التواصل بين خلايا المخ المختلفة, وبيأثر على مجموعة من وظائف الجسم النفسية والعقلية زي المزاج والشهية والنوم وغيرها من الوظايف, ولو قل بيسبب الاكتئاب, والنهاردة من خلال السطور الجاية هنتعرف على 5 طرق لزيادة هرمون السيروتونين في المخ, وايه هي وظايفة كلها وازاي نزوده.

تعالوا نعرف الاول ايه وظائف السيروتونين في الجسم:

1- السيروتونين بيساعد على تحسين عملية الهضم من خلال التحكم في حركة الامعاء وعملها بشكل سليم.

2- السيروتونين بينظم حالة المزاج, بيخليكي اكتر سعادة وهدوء وتركيز وبيساعد على استقرار الحالة العاطفية, وبيقلل من القلق والاكتئاب, لان مستويات السيروتونين المنخفضة مرتبطة بالاكتئاب.

3- السيروتونين بيساعد على النوم لان هو المسئول عن تحفيز اجزاء الدماغ اللي بتتحكم في النوم والصحيان.

4- السيروتونين يعتبر جزء من مسببات الغثيان, لانه بيرتفع عشان يدفع الاكل الضار او المزعج خارج الجسم عن طريق الاسهال.

5- بيساعد على على شفاء الجروح.

6- المعدل الطبيعي للسيروتونين بيلعب دور مهم في صحة العظام, لكن المستويات العالية من السيروتونين ممكن تأدي لهشاشة العظام والاصابة بمتلازمة السيروتونين, والمفروض ان المعدل الطبيعي للسيروتونين في الجسم تكون ما بين 101 – 283 نانوجرام/مل.

7- بيساعد على تقوية الرغبة الجنسية وتنظيمها.

8- بيساعد على الحفاظ على صحة القلب.

9- بيدعم عملية تجديد الكبد.

طرق لزيادة هرمون السيروتونين
طرق لزيادة هرمون السيروتونين

5 طرق لزيادة هرمون السيروتونين:

1- احصلي على التربتوفان:

السيروتونين بيتكون من حمض اميني هو التربتوفان, والدراسات اثبتت ان الحمض ده فعال جدا في علاج القلق والاكتئاب والارق وارتفاع ضغط الدم, والتيربتوفان بيعمل كل الحاجات دي من خلال تحفيز انتاج السيروتونين.

كمان التربتوفان اثبتت الدراسات ان ليه تأثيرات ايجابية على مستويات الوزن, لانه بيساعد على تقليل الشهية, وفي دراسة اتعملت في جامعة ايطالية اثبتت ان النساء اللي دخلوا التربتوفان في نظامهم الغذائي خسروا وزن اكتر مرتين في خلال اسبوعين عن النساء اللي مكنش موجود التريبتوفان في نظامهم الغذائي خلال نفس المدة.

وعشان توصلي للنتايج المطلوبة من التربتوفان, بينصح ان الجرعة منه تكون ما بين 100 – 400 ملليجرام في اليوم, والجرعة ممكن تقسميها ما بين التلات وجبات الفطار والغدا والعشا, وتوقعي نتيجة منه خلال من 4 – 6 اسابيع عشان تحسي بنتيجة ملموسة.

التربتوفان هتلاقيه في اكلات زي البيض, الجبنة, الديك الرومي, المكسرات وبشكل خاص عين الجمل, سمك السلمون, الاناناس, الشوكولاتة الغامقة, اللبن ومنتجات الالبان بشكل عام, الموز, الجزر, الكرفس, القرنبيط, التين, التمر, والحبوب, اللحوم.

طرق لزيادة هرمون السيروتونين
طرق لزيادة هرمون السيروتونين

2- خدي فيتامين B:

فيتامين B6 بشكل خاص بيساعد على تطوير وظيفة السيروتونين في الدماغ, عشان كده الاشخاص اللي معرضين للاجهاد بننصح انهم يدخلوا في نظامهم الغذائي فيتامين B المركب سواء بالاكل او بالمكملات الغذائية.

فيتامين B6 و B12 الاتنين بيساعدوا بشكل فعال في تخفيف اعراض الاكتئاب, واثبتت الدراسات ان الاشخاص اللي بيدخلوا في نظامهم الغذائي فيتامين B بيقل عندهم اعراض الاكتئاب.

والكمية اللي بينصح بيها من فيتامين B زي المكملات هي ما بين 50 – 100 ملليجرام يوميا, وبالنسبة للاشخاص اللي بيعانوا من اعراض اضافية زي التعب والارهاق والاجهاد المزمن, بننصح انهم يضيفوا حمض البانتوثونيك, وزيادة جرعة فيتامين B5 ل 250 ملليجرام يوميا, هتكون كافية جدا لتخفيف الاعراض.

ومن الاكلات الغنية بفيتامين B المكسرات, الموز, الافوكادو, الشوفان, الطماطم, القرع, السبانخ والخضروات الورقية بشكل عام, البطاطا, الفول السوداني, الحمص والفاصوليا والبقوليات بشكل عام.

طرق لزيادة هرمون السيروتونين
طرق لزيادة هرمون السيروتونين

شوفي من هنا افضل 10 اكلات هتساعدك تتخلصي من الاكتئاب.

3- اتعرضي لضوء الشمس:

ضوء الشمس ليه تأثير ايجابي جدا لانه بيساعد على زيادة مستويات هرمون السيروتونين, حتى لو في يوم بارد اشعة الشمس بردو هتكون مؤثرة.

عشان كده تعتبر من الحاجات المفيدة جدا التمشية في الشمس ببطء لمدة من 15 – 20 دقيقة مرة او مرتين في اليوم, والافضل المشي الصبح لسببين, اول حاجة انك هتحرقي سعرات حرارية اكتر, والسبب التاني ان اشعة الشمس زي ما قولنا هتزود مستويات هرمون السيروتونين وهتخليكي مستعدة ذهنيا لليوم.

والرياضة بشكل عام من الحاجات المفيدة جدا اللي بتساعد على زيادة مستويات السيروتونين وخصوصا تمارين الايروبكس.

طرق لزيادة هرمون السيروتونين
طرق لزيادة هرمون السيروتونين

4- المساج:

المساج بيدي احساس بالراحة والاسترخاء وده اللي كلنا عارفيه, لكن اللي منعرفوش ان المساج ليه تأثير مباشر على مستويات السيروتونين, وفعال جدا في تقليل هرمون الكورتيزول المسئول عن الاجهاد, لان لما السيروتونين بينشط بيمنع انتاج الكورتيزول.

واكد الباحثين ان المساج بيقلل من مستويات الكورتيزول بنسبة 31% تقريبا, ولما يتم منع انتاج الكورتيزول, المخ هيكون في حالة مثالية لانتاج السيروتونين, وكفايدة اضافية كمان المساج ممكن يساعد على انتاج الدوبامين المسئول كمان عن تعديل المزاج.

والخبراء بيأكدوا ان المساج يعتبر هو الطريقة الرئيسية اللي ممكن تساعد على زيادة مستويات السيروتونين والدوبامين في المخ.

طرق لزيادة هرمون السيروتونين
طرق لزيادة هرمون السيروتونين

5- التأمل:

كتير من الدراسات العلمية اثبتت الفوائد الجسدية والنفسية للتأمل, والتأمل بكل اشكاله مفيد في زيادة انتاج السيروتونين, ومن اكتر اشكال التأمل اللي ليها تأثير على مستويات السيروتونين هو التأمل التجاوزي او “TM” اللي هو بسكل بساطة بيكون انك تقعدي مربعة في مكان مريح وتغمضي عنيكي وتصفي ذهنك لمدة من 15 – 20 دقيقة مرتين في اليوم, والطريقة دي تعتبر منبه قوي لمستويات السيروتونين, لانهم اكتشفوا ان في علاقة مباشرة ما بين زيادة التركيز وارتفاع مستويات السيروتونين في المخ, وزي المساج كمان التأمل بيساعد على تقليل هرمون الكورتيزول في المخ.

طرق لزيادة هرمون السيروتونين
طرق لزيادة هرمون السيروتونين

11 علامة تنبهك ان جسمك فيه نسبة عالية من الاستروجين

علامات ارتفاع الاستروجين في الجسم