16 طريقة سهلة وافكار ستايلات مختلفة تعملي بيهم القوصة

القوصة ممكن تغير اللوك تماما, ممكن تديكي لوك غامض او جريء, او تحدد الوش, ولو انتي اصلا عندك قوصة اكيد بعد فترة هتزهقي من شكلها وهتبقي عايزة تغيريها, عشان كده النهاردة من خلال المقال بتاعنا هنشوف مع بعض افكار ستايلات للقوصة.

افكار ستايلات للقوصة:

عشان تغيري القوصة مش محتاجة انك تروحي للكوافير, غالبا مش هتحتاجي اكتر من مشط ومنتج تصفيف شعر, وبنس او اكسسوارات شعر, وتقدري بيهم تلعبي وتغيري في شكل القوصة زي ما انتي عايزة.

1- قوصة تقيلة مع ديل حصان:

بكل بساطة ممكن تعملي شعرك ديل حصان, وتعملي قدام قوصة تقيلة, الستايل ده بيحدد شكل الوش وبيدي لوك حلو جدا.

2- ضفيرة جانبية مع قوصة:

الضفيرة الجانبية مع القوصة تسريحة سهلة جدا وبسيطة تقدري تعمليها لخروجاتك اليومية.

3- قوصة مقسومة مع رفع جزء من الشعر:

ممكن تعملي قوصة مقسومة نصين قد بعض او جزء اكبر من جزء او متوزعة بشكل مش متساوي على الجبهة يعني تقدري تعمليها بأكتر من طريقة, مع رفع جزء من الشعر على ورا, عشان تظهري شكل القوصة اكتر.

4- قوصة تقيلة مع رفع جزء من الشعر:

دي تقريبا بنفس الطريقة اللي فاتت بس الاختلاف انك هتعملي قوصة تقيلة مع رفع جزء من الشعر لو حابه تعملي لوك ريترو او قديم.

5- ديل حصان مع قوصة وباندانا:

ممكن ترفعي الشعر ديل حصان عالي مع قوصة امامية, وتلبسي باندانا.

6- قوصة كيرلي مقسومة:

لو انتي صاحبة شعر كيرلي ممكن تجربي الستايل ده تعملي قوصة كيرلي مقسومة.

7- قوصة امامية مع كحكة وباندانا:

التسريحة دي تعتبر كلاسيكية, ارفعي الشعر كحكة عالية مع باندانا وقوصة امامية, وممكن تسيبي خصل شعر نازلة حوالية الوش للمسة رومانسية ناعمة.

8- قوصة جانبية على ورا:

في بعض الاوقات بنبقى عايزين نبعد القوصة عن الوش, للاوقات دي ممكن تعتمدي على القوصة الجانبية اللي على ورا.

9- قوصة ناعمة مع شعر مفرود:

مش محتاجة دايما انك تعملي تصفيف للقوصة, ممكن تلعبي في تقسمية القوصة وتعمليها بأكتر من طريقة مختلفة بشكل عشوائي.

10- قوصة فوضوية:

ممكن تعملي قوصة بلوك فوضوي او مش مترتب.

11- قوصة ويفي:

ممكن تعملي قوصة ويفي, والستايل ده ينفع مع كل انواع الشعر سواء الكيرلي او المفرود.

12- قوصة مع شعر ويفي وقبعة:

القوصة مع القبعة بتدي لوك حلو ومختلف لو عايزة تظهري يوم بلوك مميز.

13- كحكة فوضوية مع قوصة كيرلي:

ستايل للوك طبيعي ارفعي الشعر كحكة فوضوية مع قوصة كيرلي.

14- قوصة مفرودة مع جزء صغير مقسوم:

ممكن تعملي قوصة مفرودة مع جزء بسيط مقسوم من النص.

15- رفع الشعر كحكة مع قوصة تقيلة:

ارفعي الشعر كله لفوق كحكة عالية, مع قوصة تقيلة امامية.

16- قوصة بلون مختلف:

لو انتي بتحبي اللوك الجريء ممكن تعملي القوصة بلون مختلف من الوان الصبغة المؤقتة زي البينك او الازرق.

ازاي تختاري القوصة المناسبة لشكل وشك !