ازاي الوظائف السابقة ممكن تخلي عندك ثقة اكتر بنفسك في حياتك المهنية

ريهام محمود
ريهام محمود
450

اكيد في كتير مننا ممكن يتنقل بين اكتر من وظيفة, ومهما كانت الوظيفة بسيطة او كبيرة, فأي فرصة بتقابلنا في مجال معين اشتغلنا فيه بتوسع آفاقنا وبتدينا خبرة للمستقبل, وممكن يمر وقت على اي حد يحس ان الوظيفة اللي هو فيها مش مناسبة لاهدافة او هو يستحق حاجة احسن منها وهيبقى عايز فرصة تانية او وظيفة جديدة ممكن يحقق فيها اهدافة, ومهما كنا مش بنحب الوظيفة القديمة فهي في النهاية تعتبر خطوة ممكن تساعدنا للمستقبل, والنهاردة من خلال السطور الجاية هنقولك ازاي الوظائف السابقة تزود ثقتك بنفسك في حياتك المهنية في المستقبل وتخليكي تحسي بامتنان او حب ناحية اي وظيفة سابقة وكنتي حاسه انك مش حباها.

ازاي الوظائف السابقة تزود ثقتك بنفسك:

1- الوظائف السابقة بتعلمك قيمة الاشياء زي خدمة العملاء والتوقيت المناسب:

اول حاجة ممكن تدهالك اي وظيفة سابقة اشتغلتي فيها هي قيمة خدمة الاخرين, رغم اختلافنا في بعض الاوقات على جميلة “الزبون دايما على حق” وممكن تحسسنا انها بتهدر حقنا, لكن مع ذلك هي ممكن تعملنا الصبر من خلال انك بتدي اولوية لاشخاص تانيين كموظفة في المكان وده شغلك, ودايما خليكي عارفة ان الموظفين الجيدين او الشاطرين هيقدروا يكتسبوا النفوذ والثقة من خلال الطريقة اللي بيعاملوا بيها الاخرين, وفكرة خدمة الناس دي هتعلمك قيمة الوقت انك تعملي كل حاجة في التوثيت المناسب, وانك تعاملي الناس بكرم, وانك تبقي دقيقة, ده كله هيساعدك اكيد في مستقبلك في اي وظيفة تانية, وهتلاقي اكيد تقدير من ادارة المكان اللي انتي بتشتغلي فيه وهيقدروا فيكي الصفات دي.

ازاي الوظائف السابقة تزود ثقتك بنفسك 1
ازاي الوظائف السابقة تزود ثقتك بنفسك 1

2- بتظهر نقط ضعفنا وقوتنا, والفرق بين الصح والغلط:

لازم نعرف كويس ان مافيش شخص كامل, كل واحد ممكن يقع في غلطات ويبقى عنده نقط ضعف, لكن المشكلة بتكون اننا في اوقات كتير ممكن نخلي الغلطات دي تتحكم في مستقبلنا في اي وظيفة تانية, لكن مع ذلك لو اخدنا الغلطات دي كدروس نتعلم منها ونعرف نفرق ما بين الصح والغلط ونعتبرها فرصة تانية لينا ومنحاولش نكررها, مع الوقت هتلاقي الغلطات دي بقت نقطة قوة وخلت شخصيتك تبقى ناضجة اكتر, ودايما في مقولة كده بتقول “ان اللي مش بيفشل يبقى مش بيحقق حاجة في حياته”, اهم حاجة ان الغلطات متتكرش ونتعلم منها, لو خليتي الغلطات دي حافز ايجابي ليكي, هتلاقي نفسك احسن واقوى بكتير في اي وظيفة جديدة.

ازاي الوظائف السابقة تزود ثقتك بنفسك 2
ازاي الوظائف السابقة تزود ثقتك بنفسك 2

3- بتقدم لنا التوجيه لاهدافنا المهنية او العملية:

الوظيفة القديمة هتوجهك انك تختاري الوظيفة الجديدة بشكل افضل, وتوضح لك اللي انتي محتاجاه بالظبط يكون موجود في الشغل الجديد, فكري كده في الحاجات اللي كنتي بتحبيها في شغلك القديم, ودوري عليها في الوظيفة الجديدة بالاضافة للحاجات التانية اللي انتي عايزاها تكون موجودة وحطيهم جنب بعض قدامك في اختيار الوظيفة الجديدة, خدي كل الايجابيات وسيبي كلي السلبيات وراكي, وزي ما المدير في الشغل بيدور على صفات وتوقعات معينة في الموظف اللي يشتغل عنده, انتي كمان كموظفة لازم يكون في صفات وتوقعات في مديرك المحتمل, يعني الوظيفة القديمة هتوضح لنا اكتر اللي بنحبه واللي مش بنحبه عشان نعرف احنا بندور على ايه في الوظيفة الجديدة.

ازاي الوظائف السابقة تزود ثقتك بنفسك 3
ازاي الوظائف السابقة تزود ثقتك بنفسك 3

4- بتساعدنا نبني شبكة مهنية واجتماعية:

بناء وتأسيس العلاقات اكيد ده يعتبر مكسب لينا في حياتنا, ومهما كان الوقت اللي انتي قضتيه في شغلك سواء مدة قصيرة او طويلة, فكل شخص اتعاملتي معاه خلال الفترة دي بيدينا فرصة اننا ننمي جذور لشبكة العلاقات الاجتماعية, هتلاقي نفسك انك ممكن تكوني لسه متواصلة مع زملاء الشغل في الوظيفة القديمة, لان انتي متعرفيش ايه اللي ممكن تعملوه سوا في المستقبل, وحاولي ان التواصل يستمر مع زملاء الشغل القديم بأي شكل سواء برسايل نصية, او مكالمات, او ايميل, او حتى رسالة على اي وسيلة من وسائل التواصل الاجتماعي, لانك انتي مش عارفة اتصال او رسالة بسيطة ممكن توصلك لفين, والاهم من ده واكبر من المصلحة او تعاملات الشغل انك من خلال العلاقات دي ممكن تكتسبي صداقات العمر في الطريق.

ازاي الوظائف السابقة تزود ثقتك بنفسك 4
ازاي الوظائف السابقة تزود ثقتك بنفسك 4

في النهاية اي تجربة عملية بنمر بيها مهما كانت بنكتسب منها خبرة اكتر, وبتخلي شخصيتنا تنضج اكتر وتبقى افضل لاي حاجة تانية في المستقبل, وبتخلينا نواجه التحديات والصعوبات بشكل اقوى.

نصايح وأفكار تتصرفي إزاي لو ماخدتيش الترقية اللي كنتي مستنياها

نصايح وأفكار تتصرفي إزاي لو ماخدتيش الترقية اللي كنتي مستنياها
نصايح وأفكار تتصرفي إزاي لو ماخدتيش الترقية اللي كنتي مستنياها

مقالات متعلقه

ليه الاشخاص لازم ياخدوا فترة راحة كل 90 دقيقة حسب كلام الباحثين

ليه الاشخاص لازم ياخدوا فترة راحة كل 90 دقيقة حسب كلام الباحثين

نصايح وأفكار ازاى تترقي في شغلك وتوصلى لمناصب أعلى

نصايح وأفكار ازاى تترقي في شغلك وتوصلى لمناصب أعلى

نصايح وافكار تعملى ايه لو بتكرهى وظيفتك

نصايح وافكار تعملى ايه لو بتكرهى وظيفتك