ازاي تلبسي ال Chunky sneakers وتنسقيه بشكل انيق
ال Chunky sneakers هو ستايل السنيكرز الضخم, وممكن يكون الستايل ده بنات كتير بيترددوا يلبسوه لانهم مش بيعرفوا ينسقوه مع اللبس, لكن النهاردة من خلال موضوعنا هنقولك ازاي تلبسي ال Chunky sneakers وتنسقيه بشكل انيق مع لبسك.
ستايل ال Chunky sneakers ممكن يتلبس تقريبا على كل حاجة عندك في الدولاب, تقدري تلبسيه على البنطلون الجينز وتنسقي معاه سويتر وجاكيت او بالطو, او شيميز مع جاكيت جينز, ممكن كمان تلبسيه على السالوبيت الجينز بيبقى حلو جدا.
تقدري كمان تلبسيه على البنطلون الكلاسيك وتنسقي معاه سويتر وجاكيت جينز, او توب مع بليزر.
ممكن كمان تلبسيه على البنطلون الجلد وتنسقي معاه سويتر وجاكيت, وكمان من الحاجات المناسبة اوي مع التشانكي سنيكرز اللبس الرياضي.
وللبنات اللي بيفضلوا لبس الجيبات او الفساتين, كمان يقدروا يلبسوا التشانكي سنيكرز مع الجيبة الماكسي او القصيرة او الميدي, وكمان مع الفستان الطويل او الميدي او القصير.
يعني الستايل ده من السنيكرز مش هتحتاري ابدا في تنسيقه لانه تقريبا هيمشي على كل حاجة عندك.