افضل الاكلات لفترة الدورة الشهرية..والاكلات اللي المفروض تتجنبيها

ريهام محمود
ريهام محمود
في
صحة
1952

فترة الدورة الشهرية عادة بتكون اصعب فترة علينا في الشهر, بسبب كل الاعراض اللي بتمر علينا من تقلبات المزاج والتقلصات, وتغير الهرمونات في الفترة دي ممكن يأثر على الوزن وعلى الجسم كله بشكل عام بطرق مختلفة, وواحدة من اسوأ الاعراض اللي بنمر بيها في فترة الدورة الشهرية هي الرغبة المفرطة في الاكل, واكيد دي عادة غير صحية لاننا في الفترة دي شهيتنا دايما بتروح على الاكلات الغير صحية اللي ممكن تسبب لنا زيادة في الوزن, عشان كده النهاردة من خلال المقال بتاعنا هنقول لكل بنات حوا افضل الاكلات لفترة الدورة الشهرية, وكمان ايه الاكلات اللي المفروض تتجنبيها.

افضل الاكلات لفترة الدورة الشهرية:

1- الخضروات الورقية الخضرا:

الخضار الورقي اللي لونه اخضر يعتبر واحد من افضل الاكلات لفترة الدورة الشهرية, زي السبانخ, اللفت الاخضر, الجرجير, الخس, البقدونس, الكرنب. الملوخية, كل الخضروات الخضرا مفيدة جدا في الفترة دي لانها غنية بالحديد وبتعوض الجسم بالحديد اللي بيفقده اثناء فترة الدورة الشهرية.

ممكن تدخلي الخضروات دي في طبق السلطة, او تدخليها في اطباقك اليومية باي شكل تفضليه, وممكن تعملي سموزي العصير الاخضر بخليط منهم كلهم.

افضل الاكلات لفترة الدورة الشهرية 1
افضل الاكلات لفترة الدورة الشهرية 1

2- سمك السلمون:

السلمون مفيد جدا في فترة الدورة الشهرية, لانه غني بفيتامين B12, واوميجا 3, 612 من الاحماض الامينية, والاحماض دي بتلعب دور مهم جدا في تهدئة العضلات وتخفيف الالم والتقلصات المرتبطة بالدورة الشهرية, عشان السلمون يعتبر من الاكلات اللي هتسهل عليكي الفترة دي جدا, ولو مش بتاكلي السلمون ممكن تستبدليه بالجوز او الافوكادو لانهم بيحتوا كمان على الاوميجا 3.

تقدري تعملي السلمون مشوي مع صوص زبادي بالشبت, وجنبه خضروات ورقية خضرا عشان تكملي الوجبة.

افضل الاكلات لفترة الدورة الشهرية 2
افضل الاكلات لفترة الدورة الشهرية 2

3- الشوكولاتة الغامقة:

الشوكولاتة الغامقة كل ما كانت غامقة اكتر وطعمها مر هتبقى افضل لانه ده معناه انها مش بتحتوي على سكر, الشوكولاتة الغامقة بتحتوي على مضادات الاكسدة, والمغينسيوم, وده بيساعد على تقليل تقلبات المزاج اللي بتحصل في فترة الدورة الشهرية, كمان بتساعد على تنظيم هرمون السيروتونين “هرمون السعادة” عشان كده بتساعد في تعديل المزاج, لو اكلتي منها كام مربع هتساعدك كمان على تقليل شهيتك في الفترة دي.

افضل الاكلات لفترة الدورة الشهرية 3
افضل الاكلات لفترة الدورة الشهرية 3

4- الحبوب الكاملة:

الحبوب الكاملة تعتبر مصدر هايل جدا للمغنيسيوم, وده بيساعد على تقليل توتر العضلات, وبيخلي الحبوب الكاملة واحدة من افضل الاكلات لتقليل تقلصات الدورة الشهرية, كمان بتحتوي على فيتامين E, B اللي بتساعد على مكافحة التعب والاكتئاب, واحسن ميزة للحبوب الكاملة انها بتحسسك بالشبع لفترة اطول وده هيخليكي متاكليش كتير.

افضل الاكلات لفترة الدورة الشهرية 4
افضل الاكلات لفترة الدورة الشهرية 4

5- الزبادي:

الزبادي من افضل الاكلات المناسبة جدا لفترة الدورة الشهرية لانها غنية بالكالسيوم اللي بيساعد على ارخاء العضلات, كمان بيحسن عملية الهضم, لكن اتأكدي انك تختاري نوع زبادي صحي.

ولو عايزة مصدر غير منتجات الالبان ويكون فيه كالسيوم ممكن تستبدلي الزبادي بالبروكلي او اللفت او اللوز, يعني اي اكل يكون فيه كالسيوم هيبقى مفيد جدا لتقليل تقلصات الدورة الشهرية.

افضل الاكلات لفترة الدورة الشهرية 5
افضل الاكلات لفترة الدورة الشهرية 5

6- الموز:

الموز يعتبر من افضل مصادر البوتاسيوم, وبيحتوي كمان على فيتامين B6 وغيرها من الفيتامينات اللي بتساعد على تحسين المزاج, الموز بيساعد كمان على تنظيم حركة الامعاء, اللي تعتبر واحدة من المشاكل اللي بيعاني منها كتير من البنات اثناء فترة الدورة الشهرية.

افضل الاكلات لفترة الدورة الشهرية 6
افضل الاكلات لفترة الدورة الشهرية 6

الاكلات اللي المفروض تتجنبيها في فترة الدورة الشهرية:

بعد ما عرفنا افضل الاكلات لفترة الدورة الشهرية هنعرف ايه الاكلات اللي المفروض تتجنبيها.

1- الكافيين:

الكافيين واحد من الحاجات الرئيسية اللي المفروض تتجنبيها في فترة الدورة الشهرية, لان الكافيين ممكن يسبب زيادة ضغط الدم ومعدل ضربات القلب, وده ممكن يزود اعراض متلازمة ما قبل الدورة الشهرية, عشان كده الافضل ان تتجنبي اي حاجة بتحتوي على مادة الكافيين في فترة الدورة الشهرية, ولو انتي من محبات القهوة جربي في الفترة دي بدائل القهوة اللي هتديكي نفس التأثير المنشط زي المكسرات والموز والجنزبيل والحمضيات والشوكولاتة الغامقة.

الاكلات اللي المفروض تتجنبيها في فترة الدورة الشهرية 1
الاكلات اللي المفروض تتجنبيها في فترة الدورة الشهرية 1

2- الاكلات المملحة:

في فترة الدورة الشهرية طبيعي بتبقي حاسه بانتفاخ كأن الجسم بيكون فيه كمية مية اكتر من الطبيعي, عشان كده الافضل تتجنبي الاكلات اللي بتحتوي على نسبة عالية من الصوديوم خلال فترة الدورة الشهرية, لان ده ممكن يزود من احتباس المية في الجسم.

الاكلات اللي المفروض تتجنبيها في فترة الدورة الشهرية 2
الاكلات اللي المفروض تتجنبيها في فترة الدورة الشهرية 2

3- الاكلات المصنعة او الغنية بالدهون:

المفروض تتجنبي الاكلات المصنعة في فترة الدورة الشهرية لانها في الغالب بتحتوي على مستويات عالية من الملح, كمان الاكلات المصنعة ممكن تكون عالية الدهون الغير صحية زي الدهون المشبعة والغير مشبعة, والاكلات اللي فيها نسبة عالية من الدهون ممكن تأثر على نشاطك الهرموني “مستويات هرمون الاستروجين”, وده هيخليكي تحسي باحساس اسوأ.

الاكلات اللي المفروض تتجنبيها في فترة الدورة الشهرية 3
الاكلات اللي المفروض تتجنبيها في فترة الدورة الشهرية 3

4- الاكلات السكرية او الغنية بالسكر:

في فترة الدورة الشهرية حاولي تتجنبي الاكلات اللي بتحتوي على نسبة عالية من السكر لانها ممكن تأثر على الهرمونات لانها بتسبب تذبذب مستويات السكر في الدم, وده ممكن يأدي لتقلبات مزاجية اسوأ ومشاعر احباط.

الاكلات اللي المفروض تتجنبيها في فترة الدورة الشهرية 4
الاكلات اللي المفروض تتجنبيها في فترة الدورة الشهرية 4

5- منتجات الالبان:

منتجات الالبان زي اللبن والجبن والايس كريم مش بس بتأدي لزيادة الانتفاخ, لكن كمان ممكن تزود التقلصات, لانها بتحتوي على حمض الاراكيدونيك اللي ممكن يزود الالتهاب ويزود من التقلصات والتشنجات المرتبطة بفترة الدورة الشهرية, عشان كده من الافضل تجنبها في الفترة دي.

الاكلات اللي المفروض تتجنبيها في فترة الدورة الشهرية 5
الاكلات اللي المفروض تتجنبيها في فترة الدورة الشهرية 5

6- المشروبات الغازية:

المشروبات الغازية ممكن تزود من الانتفاخ في فترة الدورة الشهرية, وتسبب تقلصات وتشنجات بشكل اقوى, عشان كده بننصحك انك تبعدي عنها في الفترة دي من الشهر.

الاكلات اللي المفروض تتجنبيها في فترة الدورة الشهرية 6
الاكلات اللي المفروض تتجنبيها في فترة الدورة الشهرية 6

7- البقوليات:

البقوليات زي العدس والفاصوليات البيضا واللوبيا والحمص وغيرها من البقوليات تعتبر من الاكلات اللي ممكن تسبب الانتفاخ, عشان كده الافضل تجنبها في فترة الدورة الشهرية.

الاكلات اللي المفروض تتجنبيها في فترة الدورة الشهرية 7
الاكلات اللي المفروض تتجنبيها في فترة الدورة الشهرية 7

في النهاية فترة الدورة الشهرية ممكن تكون مش مريحة لحد كبير, لكن بدل ما تعيشي نفسك اسبوع صعب كل شهر, تقدري تعملي بعض التغييرات البسيطة اللي هتعمل معاكي نتيجة كبيرة وفعالة انك تسهل عليكي الفترة دي, وقايمة الاكلات اللي احنا قولناها هتساعدك في ده اكيد من خلال اختيار افضل الاكلات للوقت ده من الشهر, وتجنب الاكلات اللي ممكن تزود المشاكل, واعتمدي دايما على نظام غذائي غني بالفواكة والخضروات الطازة والحبوب الكاملة واللحوم الخالية من الدهون, هتلاقي جسمك بيستجيب بشكل رائع جدا لو اختارتي الحاجات الصح ليه.

افضل 10 وصفات طبيعية لتأخير ميعاد الدورة الشهرية

وصفات لتأخير ميعاد الدورة الشهرية
وصفات لتأخير ميعاد الدورة الشهرية

مقالات متعلقه

علامات بيديهالك جسمك تعتبر تحذيرات مهمة لمشاكل صحية

علامات بيديهالك جسمك تعتبر تحذيرات مهمة لمشاكل صحية

وصفات سناكس صحية من غير زيت

وصفات سناكس صحية من غير زيت

تاكلي ايه بالليل عشان تخسري وزن وانتي نايمة

تاكلي ايه بالليل عشان تخسري وزن وانتي نايمة