6 انواع اساسية من حمالات الصدر المفروض يكونوا عندك

بقلمريهام محمود فيموضة وأزياء visibility3486

لو عندك مجموعة من حمالات الصدر ومع ذلك اوقات بتلاقي ان مافيش ولا واحد فيهم مناسب للبسك او بتبقي مش مرتاحة فيه, في الحالة دي معناه ان انتي معندكيش بعض الانواع الاساسية لحمالات الصدر اللي المفروض تكون موجودة في دولابك, والنهاردة من خلال موضوعنا هنقول لكل بنات حوا على 6 انواع اساسية لحمالات الصدر المفروض تكون عندك.

انواع اساسية لحمالات الصدر:

1- حمالة صدر T-Shirt بلون البشرة:

ممكن يكون تقريبا معظم البنات عندهم النوع واكتر نوع ممكن يتلبس بشكل يومي, عشان كده هتكوني محتاجة منهم اتنين تبدلي فيهم, وستايل حمالة الصدر ال T-Shirt بتكون مبطنة من جوه ببطانة خفيفة, وبتكون ناعمة ومافيهاش تفاصيل وده هيضمن لك انها مش هتبان من تحت الهدوم, واختيار الستايل ده بلون محايد زي لون البشرة بالظبط هتقدري تلبسيه مع كل الالوان من الابيض للبينك للاصفر وهتبقي ضامنة انه مش هيبان.

انواع اساسية لحمالات الصدر
انواع اساسية لحمالات الصدر

2- حمالة الصدر من غير حمالة وتقدري تحوليها:

في انواع من حمالات الصدر بتكون بحمالة منفصلة, وتقدري تحوليها وتلبسيها باكتر من طريقة, تقدري تلبسيها بشكل مستقيم بالطريقة العادية, او تشيلي الحمالة خالص, او تلبسيها بشكل كروس, او تلبسي شريط واحد حوالين الرقبة, حسب اللبس بتاعك تقدري تختاري الشكل المناسب.

انواع اساسية لحمالات الصدر
انواع اساسية لحمالات الصدر

انواع اساسية لحمالات الصدر

3- حمالة صدر باللون الاسود:

حمالة الصدر السودا مناسبة للبنات اللي بيحبوا دايما يلبسوا الوان غامقة, لو لابسة حاجة غامقة بنسيج تقيل في الحالة دي مش هيهم لون حمالة الصدر لانها مش هتبان من تحت الهدوم, لكن لو اللبس نسيجه خفيف وممكن يبين اللي تحته يبقى هنا افضل اختيار هي الحمالة اللي باللون الاسود, يعني لو لابسة توب او شيميز بلون غامق ونسيج خفيف اكيد لو لبستي تحته برا بلون ابيض هيبان وهيكون مش مناسب, عشان كده الافضل هنا هي البرا الاسود.

انواع اساسية لحمالات الصدر
انواع اساسية لحمالات الصدر

4- حمالة صدر رياضية:

لو بتعملي اي نشاط بدني, سواء التمارين اللي ليها تأثير خفيف زي اليوجا او البيلاتس, لحد التمارين اللي ليها تأثير قوي زي الجري وغيره, بننصحك في الحالة دي انك تلبسي حمالة الصدر الرياضية, لانها هتفرق معاكي جدا في التمارين وهتخليكي تحسي انك مرتاحة اكتر, لانك لو لبستي الحمالة العادية اثناء ممارسة التمارين الرياضية هتبقي مش مرتاحة ده غير انها هتتمدد وتبوظ اسرع بكتير.

انواع اساسية لحمالات الصدر
انواع اساسية لحمالات الصدر

5- حمالة الصدر المنخفضة ال Low-Back:

لو محظوظة ممكن تلاقي حمالة الصدر المنخفضة في الستايل اللي احنا اتكلمنا عليها فوق اللي تقدري تحوليه, وفي الحالة دي هتقدري تحوليها لحمالة صدر منخفضة لو لابسة فستان Backless, او تقدري تشتري حمالات منفصلة ممكن تتلبس بشكل منخفض, او تشتري حمالة الصدر اللي بتكون اصلا الستايل بتاعها معمول مخصوص بحمالة منخفضة.

انواع اساسية لحمالات الصدر
انواع اساسية لحمالات الصدر

6- حمالة صدر Bralette:

ممكن يعدي عليكي ايام كتير تكوني عايزة يبقى في دعم للصدر لكن في نفس الوقت مش عايزة تلبسي برا, في الحالة دي هيكون مناسب ستايل حمالة الصدر ال Bralette لانها بتعمل دعم للصدر وفي نفس الوقت مش بتقيد او بتضايق في اللبس, وبتكون مناسبة جدا تلبسيها تحت التوب.

انواع اساسية لحمالات الصدر
انواع اساسية لحمالات الصدر

9 حيل للبس حمالة الصدر بشكل مثالي مكنتيش تعرفيهم قبل كده !

حيل للبس حمالة الصدر بشكل مثالي