10 تريندات جديدة من مكياج الخريف لازم تجربيهم

آية حسان

في

1506

لو زهقتى من الميكب اليومى اللى بتحطيه كل يوم ومحتاجه تغيرى من روتين الميكب بشكل ميكونش ملفت ويكون هادى وبسيط، وكمان بما اننا بنجدد من دولابنا وستايل لبسنا عشان نستقبل الخريف و الشتاء لازم كمان نجدد من ألوان و تريندات المكياج اللي بنستخدمها، عشان كده في المقال ده هنقولك على 10 تريندات جديدة من مكياج الخريف لازم تجربيهم، خلينا نبدأ على طول..

10 تريندات جديدة من مكياج الخريف لازم تجربيهم

1- الآيلاينرالملون:

متخليش الكحل الأسود أو البنى هو مظهرك لكل يوم، حاولى تجربى الكحل الأزرق أو الكحلى أو الأبيض، ممكن كمان تجربى الايشادو بألوان هادية هيديكى لوك بسيط وهادى .

2- الايشادو المجنح:

وانتى بتحطى الايشادو ممكن تخليه يكون شكله مجنح شوية، زي الايلاينر بظبط، لو م بتعرفى تنفذيه جربى الشريط اللاصق والزقيه عشان تحافطى على رسمة العين . جربى اللون الأحمر الغامق لو عوزة مظهر يكون جرىء وجميل. أو ممكن تستخدمى أي لون هادى بتحبيه ليومك الطويل.

3- الجليتر على العيون :

إضافتك للجليتر على العين بيدى لوك مختفل وجميل ممكن تضيفى معاه الايلاينر باللون الأسود.

4- اللون البنى :

عشان يكون مظهرك مختلف وجرىء، جربى تحطى روج من درجات البنى على حسب لون بشرتك وتضيفيه ليومك الروتينى المعتاد.

5- البرونزر بدل البلاشر :

معظم البنات بتفكر ان البرونزر استخدامه يبقي في الصيف بس، لكن ده مش صحيح لأنك لو اختارتي الدرجة المناسبة ليكي ممكن تستخدمي البرونزر طول السنة، خصوصا لو كنتى من أصحاب البشرة الخمرية، جربي تستخدمي البرونزر بدل البلاشر عشان تعملى لوك مشرق أكتر.

6-الآيشادو الميتاليك :

بمعة خفيفة على جفونك خصوصا في زوايا العين هتخلى عنيكي تبان أوسع ومشرقة أكتر، جربي تستخدمي لمعة خفيفة أوي في وايا العين وعلى طرف الجفن عشان تعملى لوك منور ومشرق أكتر.

7- الروج بلون التوت :

درجات التوت الغامقة والموفات هتخليكي تقدرى تعملى لوك جرئ ومناسب للخريف، افردي بقة خفيفة أوي من الكونسيلر على شفايفك علشان تخلى الروج يثبت أكتر وبعد كده استخدمي الروج بدرجتك المفضلة من درجات ألوان التوت الغامقة.

8- الخدود الموّردة :

الخدود محتاجين ديما تكون شكلها ملون بلون هادى لانها بتجذب فى الشكل، ديما خلى خدودك تظهر بشكل جذاب وده بلون أحمر الخدود اللى بتحبيه وبيليق على بشرتك الجميلة .

9- العيون اللامعة :

مكياج العيون أكتر حاجه بتكون جذابة وبتلفت النظر وبتفر جدا مع ملامح وشك، عشان كده اهتمى ديما تحطى ألوان تبرز جمال عينيكى من الأزرق أو الارجوانى أو البنى، وبلمسة بسيطة من أحمر الشفاه الخاص بيكى لمظهر ممتع.

10- الحواجب العريضة :

شكل الحواجب الجريئة بتعمل مظهر رائع لشكل وشك، وتقدرى تعملى شكلها بكل بساطة بالمكياج املى الفراغات اللى موجوده فى حواجبك بالميكب براحة وبعدين سرحيهم بفرشة الحواجب عشان يمتزجوا سوا ويكون شكلهم طبيعى .