نصايح وأفكار تتصرفي إزاي لو ماخدتيش الترقية اللي كنتي مستنياها

آية حسان
آية حسان
435

بتجرى وبتبذلى مجهود عشان تترقى فى شغلك وعندك امل انك توصلى لدرجات اعلى فى سلم النجاح،  والامل الكبير ده  بيخلى اى حاجة تحصل اقل من التوقعات  تضايق وتبقى مش مبلوعة وبتفكرى انك موصلتيش اللى المفروض توصليله وراحت الفرصة لحد تانى

قلبك وقع فى رجلك وانتى بتفكرى فى حاجة زى ديه صح؟وبعد ما غرقتى فى موجة من خيبة الامل وعايزة ترجعى تبداى من جديد، سبتى وراكى سؤال مهم “اعمل ايه دلوقتى؟” ازاى اقدر امشى خطوة لقدام، هنقولك نصايح وأفكار تتصرفي إزاي لو ماخدتيش الترقية اللي كنتي مستنياها

نصايح وأفكار تتصرفي إزاي لو ماخدتيش الترقية اللي كنتي مستنياها

1-خدى وقتك فى الزعل:

الاول خلينا نرجع لشعور خيبة الامل ده للحظة..رغم انى مابقولكيش انه عادي انك تقعى فى وسط يأسك ولكن مفيش مشكلة انك تزهقى او تزعلى من اللى حصل، ادى نفسك يوم واحد حتى تشتكى لاصحابك وتطلعى زعلك في  الاكل والحلويات وتضايقى من سوء حظك بس لما ترجعى المكتب الصبح ابقى مستعده انك تبقى الشخص المهنى العادى اللى كنتى عليه.

استنفاذ الطاقة وانه مايبقيش ليكى نفس للشغل بسبب عدم ترقيتك حاجة طبيعبة، بس لازم مايبقاش تنفيسك عن غضبك يبقى فى الشغل،  والتفكير فى مين اللى خد المنصب ده منك وليه مش هيفيدك فى حاجة

خدى وقتك فى الزعل
خدى وقتك فى الزعل

2-اسالى عن التقييم واطلبي النصيحة:

على الرغم من انى حقيقة رفضك مزعجة بس ممكن تكون مفيده برده،اسالى الناس اللى شاركوا فى اختيار الشخص التانى عن سبب اختيارهم وتعليقاتهم عنه وحاولى تعرفى انتى مقصرة فى ايه وايه اللى المفروض تركزى عليه عشان توصلى وفى نفس الوقت اعرفى ايه اللى بيميزك وحاولى تستخدميه لصالحك، كل ده هيساعدك فى انك تحطى خطة عشات تطلعى درجة كمان من السلم.

اسالى عن التقييم واطلبي النصيحة
اسالى عن التقييم واطلبي النصيحة

3-ارجعى قيمى اللى انتى عايزاه فعلا:

مفيش احسن من التأمل والتوقف للحظة  للتفكير فى اللى انتى عايزاه، بعد اما عرفتى ان الفرصة مش عايزة تيجى، فكرى فى اللى خليكى عايزاه من البداية، هل انتى عايزة توصلى عشان بس مايتقلش عليكى انك بتتهربى من الموقف ولا عشان انتى واثقة من امكانياتك فى انك تاخدى خطوة لقدام، اعرفى ايه اهدافك، والمفروض تعملى ايه اكتر او ايه اقل ساعتها تقدرى توضحى لنفسك الامور وتعرفى تحددى الطريق اللى تكملى فيه احسن من انك تتنكسى نكسة تانية.

ارجعى قيمى اللى انتى عايزاه فعلا
ارجعى قيمى اللى انتى عايزاه فعلا

4-اتكلمى بصراحه مع مديرك:

حاجة مهمة لازم تعمليها  عشان تعرفي تتصرفي إزاي لو ماخدتيش الترقية اللي كنتي مستنياها هي  انك تتكلمى بصراحة مع مديرك انا عارفة ان ده وقت تحطيم الاعصاب بس لازم تعرفى ان ده مهم جدا عشان تتقدمى..وضحيله ايه اللى عايزة توصليله وهل انتى عايزه تتحملى مسئولية المشاريع الصعبة ولا عايزة تمثلى شركتك قدام الناس ولا عايزة تتعاملى اكتر مع قسم معين ولا عايزة تتعلمى اكتر ولازم يكون مديرك متعاون ومنفتح عشان يسمع منك لو مكانش مديرك متعاون وقادر يستقبل منك المناقشه دي او لو انتى مقررة ان ترقيتك دي هى اللى انتى محتاجاه دلوقتى، فممكن يكون الوقت جه عشان تبدأى تدورى على  وظيفة جديدة وتكون أهدافك واضحة قدامك!!

5- خدي خطوة لقدام: 

بغذ النظر عن اللي حسيتي بيه وقت ما الترقية ضاعت منك، جه الوقت انك تاخدي نفس عميق وتقررى انك تاخدي خطوة لقدام، دي مش نهاية الطريق، انتي لسه في أوله. عشان كده ماتسمحيش لنسك انك تستخدمي اللى حصل في انك تتراجعى و ترجعى خطوات لورا انتى تعبتي فى انك تتقدميها، بدل ما ده يحل خلى اللي حصل يقويكي وطوري من نفسك عشان المرة الجاية تنجحي. 

خدي خطوة لقدام
خدي خطوة لقدام

اعرفي معانا كمان نصايح وأفكار ازاى تترقي في شغلك وتوصلى لمناصب أعلى

مقالات متعلقه

الخط الفاصل بين الشغل والحياة الشخصية رفيع.. اعرفي إزاي تسيطري علي عواطفك في الشغل

الخط الفاصل بين الشغل والحياة الشخصية رفيع.. اعرفي إزاي تسيطري علي عواطفك في الشغل

5 نصايح تطوير كارير تقدري تحسني بيهم من حياتك العملية والمهنية بخطوات واضحة وناجحة

5 نصايح تطوير كارير تقدري تحسني بيهم من حياتك العملية والمهنية بخطوات واضحة وناجحة

نصايح ازاي تبقي خبيرة تجميل محترفة

نصايح ازاي تبقي خبيرة تجميل محترفة