7 أخطاء مالية في العشرينات اعرفيهم وتجنبي تعمليهم

بقلمآية حسان فيمنوعات visibility378

فكرة إنك تبقى بالغة وفى فترة العشرينات موضوع مش ممتع زى ما حنا متخيلين، للاسف الموضوع بيكون صعب مش بس حياتك بتبقى مقتصرة على مسيرتك المهنية والعلمية بس، لازم كمان تكونى متمكنة من إدارتك لشؤونك المالية الخاصة بيكى، ممكن بعض الظروف أو بحكم شغلك تتحطى فى موقف دائم انك تديرى شؤونك المالية مع إنك ممكن متعرفيش تتعاملى مع الموضوع إزاى، بس متقلقيش، فى بعض الحاجات اللى لازم تتجنبيها فى سنك وانتى صغيرة عشان يكون مستقبلك مبهر وناجح .

7 أخطاء مالية في العشرينات اعرفيهم وتجنبي تعمليهم

1- تجاهل المستقبل:

فى مقولة كلنا بنأيدها وهى “عيش انهارده” ودى بتشجع جدا على المغامرة والعفوية فى حياتك، مين فينا مفكرش فى بكره ونفسه يبقى ايه ويعمل ايه. فكرة إنك تخططى لمستقبلك المالى مش بيحتاج للتفكير فيها الى للى بيكونو كبار فى السن، ومع ذلك، إنتى دايما محتاجه تفكرى دايما فى أهدافك واستراتيجيتك المالية هتكون إزاى وده على المدى الطويل، زى إنك نفسك تشترى بيت، تسافرى بلد، هتعملى لو سبتى شغلك لأى سبب معين ؟

مهم تفكري فى خططك المستقبليه، هتعملى ايه فى حياتك، أو ايه اللى ممكن تعمليه عشان تشترى بيت، حاولى دايما تحوشى تعملى صندوق للطوارىء لأى حاجه تحصل

تجاهل المستقبل

2- عدم تحديد الميزانية :

لازم يبقى عندك خطة لمرتبك وبتقدري قيمته وتعرفي متوسط نفقات المرتب عشان تقدرى تعملى ميزانية شخصية ليكى، لأن وضع الميزانية بيكون له علاقة طردية مع تحديد خطتك المالية المستقبلية فى حياتك، زى مثلا إنك بتحبى تاكل فى مكان معين كل فترة، بتحبى تعملى شوبينج كل فترة، حطى الحسابات دى المزانية اللى بتعمليها عشان تكونى متأكدة إن خطتك دى هتكون ماشية مع الميزانية اللى عملتيها مش ضدها .

عدم تحديد الميزانية

3- بتعتمدى على الكريدت كارد: 

 التعامل مع بطاقات الائتمان  وانك دايما تدفعي من خلالها وتعتمدي عليها هيضر خططك المالية بشكل كبير لأنك ببساطة هتصرفي مبالغ كبيرة من غير ما تسي وفي الأخر هتتفاجئي بالنتيجة! وهتقعي في حفرة ديون الكريديت كارد وان كل الي حوشتيه ضاع من ايديكي من غير ماتحسي، عشان كده حاولى دايما تدفعي كاش في اي حاجة بتصرفي فيها فلوسك و ماتطلعيش الكريديت كارد الا للضرورة القصوي، عشان تبقي مدركة دايما نتى صرفتي قد ايه وفي ايه.  

بتعتمدى على الكريدت كارد

4- مابتطلبيش المرتب اللى تستحقيه: 

أيا كانت طبيعة شغلك، كلنا بنتكسف وبنتحرج من اننا نطلب زيادة في مرتباتنا او نحدد المبلغ اللي نستحقه في شغلنا قصاد المجهود اللي بنبذله، بس ده مش صح، لأن مديرك او زمايلك غالبا مش هيسحوا ان اللي بتقبضيه قليل ومش هيبقوا واخدين بالهم الا اذا طلبتي انت زيادة، فلو فعلا حلسه انك تستحقي مبلغ اكتر ماتتكسفيش انك تطلبيه وماترضيش بأقل من اللي تستحقيه. 

5-بتصرفي فلوس عشان شكلك يبقى حلو قدام الناس :

مش اى حاجه عينك تقع عليها تشتريها، مش اى حاجه نفسك تشتريها وغاليه تروحى تشتريها، قيمتك وقيمتها الذاتية مربوطة بشكل مباشر بمؤسساتك المالية، عشان كده مش محتاجه تشترى كل أنواع اللبس، الأكل والمشروبات اللى نفسك تشربيها أو تجيبى أحدث أيفون، افتكرى إنك دايما جميلة فى كل حالاتك البسيطة.

بتصرفي فلوس عشان شكلك يبقى حلو قدام الناس

6- الإنفاق بتهور :

إحساس أو مرتب ليكى طبعا بتحسى بفرحة وفخر عظيم، فتبدأ تكافئى نفسك ، بس خدى بالك ف فرق بين انك تحتفلى وبين إن ده يبقى اول فاتورة الانفاق اللى هتصرفيها كل مرة، دايما اعملى حساب توفير خاص بيكى فتقدرى تاخدى منه نسبة معينة كل فترة، والباقى يفضل موجود فى الحساب، ودى تعتبر أحسن وسيلة استراتيجية فعالة.

 7- التفكير فى إن الفلوس كل حاجه:

آخر نقطة عاوزة أعرفك بيها، المال مش هو المعنى للسعادة، لان بعض الأغنياء الموجودين فى العالم هما من الأشخاص البائسين، عشان كده متلخطيش النجاح مع الفلوس، أيوة إداراتك لمسؤوليتك المالية مهمة بس الفلوس مش هى الحياة السعيدة ، بس ديما من وقت للتانى حاولى تكافئى نفسك وتستمتعى بنتيجة شغلك من فترة لآخرى.

اعرفي معانا كمان 17 حيلة جمالية هتوفرلك في الفلوس كل بنت بتحب المكياج محتاجة تعرفهم