11 علامة تنبهك ان جسمك فيه نسبة عالية من الاستروجين

ريهام محمود
ريهام محمود
في
صحة
27718

الاستروجين هو الهرمون الانثوي الاساسي المسؤول عن تطوير وتنظيم الجهاز التناسلي والخصائص الجنسانية زي شعر الابطين ونمو الثديين وانتظام الدورة الشهرية, عشان كده مهم جدا اننا نبقى مسيطرين عليه ونحافظ على مستواه الطبيعي لان الاستروجين الزيادة او اللي بيكون بشكل مفرط في الجسم ممكن يسبب السرطان, عشان كده النهاردة من خلال المقال بتاعنا هنعرف مع بعض اعراض و علامات ارتفاع الاستروجين في الجسم, وايه هي اسباب زيادة نسبة الاستروجين.

– تعالوا نعرف الاول اسباب زيادة انتاج هرمون الاستروجين:

في سببين بيزودوا مستويات هرمون الاستروجين بشكل طبيعي وده بيكون خلال فترة البلوغ وفترة الحمل, لكن الزيادة المفرطة للاستروجين ممكن تحصل لاسباب تانية زي البيئة ونظامنا الغذائي خصوصا دلوقتي في كتير من الاطعمة اللي بيبقى فيها مبيدات الاعشاب وهرمونات النمو, عشان كده لما نيجي نشتري اي حاجة من السوبر ماركت لازم نبص على مكان الانتاج عشان نتأكد انها مضمونة.

وغير الاسباب دي ممكن تكون في اسباب تانية لزيادة هرمون الاستروجين, ممكن يحصل بسبب الافراط في تناول ادوية معينة, امراض القلب والسكر والسمنة وارتفاع ضغط الدم, والضغط العصبي.

علامات ارتفاع الاستروجين في الجسم 1
علامات ارتفاع الاستروجين في الجسم 1

– علامات ارتفاع الاستروجين في الجسم:

1- تورم والم في الثديين:

كتير من النساء بيحسوا بتغييرات في الثديين اثناء فترة الدورة الشهرية والحمل لان الثديين حساسين جدا للهرمونات, فلو انتي بتعاني من الم الثديين او لاحظتي فيهم انتفاخ اكتر من الطبيعي, ده ممكن يكون بسبب ان الاستروجين عالي في جسمك.

علامات ارتفاع الاستروجين في الجسم 2
علامات ارتفاع الاستروجين في الجسم 2

2- تقلب المزاج:

الاستروجين بيأثر على حالتك العقلية والمشاعر والمزاج, وهنلاحظ ان المشاعر دي بتحصل اثناء فترة الدورة الشهرية, ممكن تحسي باكتئاب او قلق, وهتلاقي مشاعرك متقلبة وكل ساعة بحال من غير اي سبب, ده معناه ان الاستروجين عالي في الجسم.

علامات ارتفاع الاستروجين في الجسم 3
علامات ارتفاع الاستروجين في الجسم 3

3- كتل في الثديين:

لو عندك هرمون الاستروجين عالي هتلاحظي بوجود كتل في الثديين, وممكن تبقى مؤلمة, وفي الحالة دي متتردديش انك تروحي للدكتور لو حسيتي باي كتل غريبة في انسجة الثديين.

علامات ارتفاع الاستروجين في الجسم 4
علامات ارتفاع الاستروجين في الجسم 4

4- تساقط الشعر:

لما يكون هرمون الاستروجين عالي, ممكن يسبب في تساقط الشعر اكتر من الطبيعي, وده ممكن يسببلك اكتئاب زيادة, لكن لازم نعرف كمان ان عدد او كمية الشعر المتساقط بيعتمد كمان على اسلوب حياتك.

علامات ارتفاع الاستروجين في الجسم 5
علامات ارتفاع الاستروجين في الجسم 5

5- زيادة الوزن:

لو انتي مش بتاكلي زيادة وبتتحركي كتير كل يوم, لكن مع ذلك لاحظتي ان منطقة الوركين فيها وزن زيادة, ده ممكن يكون علامة على زيادة هرمون الاستروجين, وممكن كمان يخليكي دايما حاسة بانتفاخ ويخلي عملية انقاص الوزن صعبة حتى مع اتباع نظام غذائي لتخسيس الوزن.

علامات ارتفاع الاستروجين في الجسم 6
علامات ارتفاع الاستروجين في الجسم 6

6- عدم انتظام الدورة الشهرية:

دي علامة مهمة وواضحة جدا لما يكون في عدم انتظام في الدورة الشهرية سواء بتيجي بدري او متأخر عن ميعادها, لان مستويات الهرمونات في الجسم هي اللي بتتحكم في فترة الدورة الشهرية, ولو حصل خلل في واحد من الهرمونات, ممكن تلغبط لك مواعيد الدورة الشهرية بشكل كبير.

علامات ارتفاع الاستروجين في الجسم 7
علامات ارتفاع الاستروجين في الجسم 7

7- بتحسي بالارهاق طول الوقت:

لو عندك مشكلة في النوم, طبيعي في الحالة دي انك ممكن تحسي بالارهاق طول الوقت, لكن لو لاحظتي بتعب وارهاق اكتر من الطبيعي برغم انك مغيرتيش اسلوب حياتك او روتينك اليومي, دي ممكن تكون علامة واضحة تحذرك انك لازم تتأكدي من مستويات هرمونات جسمك.

علامات ارتفاع الاستروجين في الجسم 8
علامات ارتفاع الاستروجين في الجسم 8

8- مشكلة في النوم:

الاستروجين العالي ممكن يسبب مشاكل مختلفة في النوم, ممكن يخلي دايما عندك ارق ومبتعرفيش تنامي, او العكس انه يخليكي حاسه انك عايزة تنامي طول الوقت, عشان كده لو اتغيرت عادات نومك فجأة من غير سبب واضح او اتغيرت مستويات القلق, دي علامة ان مستويات الاستروجين في جسمك زيادة.

علامات ارتفاع الاستروجين في الجسم 9
علامات ارتفاع الاستروجين في الجسم 9

9- خلل الغدة الدرقية:

كتير من النساء خصوصا في فترة التلاتينات ممكن يحصلهم مشاكل في الغدة الدرقية بسبب ارتفاع الاستروجين, وده بيحصل لان لما الاستروجين بيرتفع بيزود بروتين ربط الغدة الدرقية المعروف باسم الجلوبيولين, ولما ده بيحصل, هرمونات الغدة الدرقية بتنخفض, وده هيمنع هرمونات الغدة الدرقية من دخول الخلايا, وده ممكن يأدي لاعراض فرط نشاط الغدة الدرقية.

علامات ارتفاع الاستروجين في الجسم 10
علامات ارتفاع الاستروجين في الجسم 10

10- مشاكل في الذاكرة:

زي ما قولنا في النقطة اللي فاتت ان من علامات ارتفاع الاستروجين هي مشاكل الغدة الدرقية, واللي ممكن تأدي لفرط نشاط الغدة الدرقية, وفرط نشاط الغدة الدرقية ممكن يسبب مشاكل في الذاكرة, وده بيحصل لان الجسم مش بيكون قادر على انتاج هرمون ضروري لعملية استقلاب الطاقة.

علامات ارتفاع الاستروجين في الجسم 11
علامات ارتفاع الاستروجين في الجسم 11

11- الصداع:

الصداع من الاعراض الشائعة جدا المرتبطة بالتقلبات الهرمونية, والحمل وحبوب منع الحمل والدورة الشهرية ليها قدرة على التأثير على مستويات هرمون الاستروجين بشكل كبير, واللي ممكن يأدي للصداع لو كان الهرمون مرتفع جدا وكمان لو منخفض جدا.

علامات ارتفاع الاستروجين في الجسم 12
علامات ارتفاع الاستروجين في الجسم 12

ازاي تحسني الدورة الدموية بطرق طبيعية

طرق طبيعية لتحسين الدورة الدموية
طرق طبيعية لتحسين الدورة الدموية

مقالات متعلقه

افضل 8 وجبات خفيفة بعد التمرين لانقاص الوزن وزيادة العضلات

افضل 8 وجبات خفيفة بعد التمرين لانقاص الوزن وزيادة العضلات

علامات بيديهالك جسمك تعتبر تحذيرات مهمة لمشاكل صحية

علامات بيديهالك جسمك تعتبر تحذيرات مهمة لمشاكل صحية

استخدام موبايلك في الحمام ممكن يسبب لك المشكلة دي!

استخدام موبايلك في الحمام ممكن يسبب لك المشكلة دي!