ازاي تحسني الدورة الدموية بطرق طبيعية

ريهام محمود
ريهام محمود
في
صحة
1363

هل دايما ايدك او صوابعك لونها ازرق او دايما اطرافك باردة ؟ هل بتحسي بشعور بالارهاق او التعب بعد القعدة او الوقوف فترات طويلة ؟ ده بالظبط اللي بيحصل لما بيكون في تعطل في الدورة الدموية, وعلى الرغم من ان تدفق الدم عادة بيرجع لطبيعته مع شوية حركة, لكن احيانا تعطل او عدم انتظام الدورة الدموية ممكن يأدي لمضاعفات ومشاكل صحية في بعض الحالات, عشان كده مهم جدا انها تشتغل بشكل سليم, ومن خلال المقال بتاعنا النهاردة هنعرف اسباب المشكلة دي, و طرق طبيعية لتحسين الدورة الدموية.

– تعالوا نعرف الاول ايه هو ضعف الدورة الدموية ؟

نظام الدورة الدموية, والمعروف كمان باسم نظام القلب والاوعية الدموية, هو المسؤول عن نقل الدم والاكسجين والمواد المغذية في جميع اجزاء الجسم, ولما بينخفض تدفق الدم لاجزاء معينة في الجسم, بتبدأ ظهور اعراض ضعف الدورة الدموية, وده بيحصل نتيجة اسباب كتير هنعرف اهمها مع بعض.

– اسباب ضعف الدورة الدموية:

– امراض الشرايين الطرفية, وهي حالة الدورة الدموية اللي بتأدي لتضييق الشرايين والاوعية الدموية, وده ممكن يأدي لضعف الدورة الدموية في الساقين.

– جلطات الدم, تخثر الدم او جلطات الدم ممكن تعطل تدفق الدم لاجزاء مختلفة من الجسم بشكل جزئي او كلي, وعلى الرغم انها ممكن تظهر في اي مكان في الجسم, لكن جلطات الدم اللي بتتكون بشكل خاص في الذراعين والساقين ممكن تسبب مشاكل ضعف الدورة الدموية.

– الدوالي, العروق لما تبقى بارزة وكبيرة نتيجة فشل الصمام, بينتج عن ده الدوالي, والاوردة دي عشان بتبقى تالفة متقدرش تنقل الدم بكفاءة زي الاوردة العادية او السليمة, وده بيأدي لضعف الدورة الدموية.

– مرض السكر, كمان مرض السكر ممكن يكون واحد من الاسباب اللي تأدي لضعف الدورة الدموية في مناطق معينة في الجسم.

– زيادة الوزن, الاشخاص اللي بيعانوا من زيادة الوزن او السمنة, ممكن يواجهوا مشاكل ضعف في الدورة الدموية او قعدوا او وقفوا لفترات طويلة.

– علامات واعراض ضعف الدورة الدموية:

– شعور بالوخز في اجزاء مختلفة من الجسم.

– شعور بالتنميل.

– الم قوي, خصوصا في الاطراف.

– تشنجات العضلات.

لو حسيتي باي احساس مش طبيعي يقولك انك بتعاني من ضعف الدورة الدموية, ممكن تحسنيها بطرق طبيعية, والنهاردة احنا جمعنالكم افضل الاطعمة والطرق الطبيعية اللي ممكن تساعد في تحسين الدورة الدموية في كل اجزاء الجسم.

طرق طبيعية لتحسين الدورة الدموية 1
طرق طبيعية لتحسين الدورة الدموية 1

طرق طبيعية لتحسين الدورة الدموية:

– اكلات لتحسين الدورة الدموية:

1- التوت:

كل اللي هتحتاجيه كوباية توت, اعمليها عصير واشربيه بشكل يومي, التوت يعتبر من افضل الطرق لتحسين الدورة الدموية, لانه مصدر غني بالعناصر الغذائية المختلفة اللي بتساعد على تحفيز خلايا الدم الجديدة وتنقية الدم.

طرق طبيعية لتحسين الدورة الدموية 2
طرق طبيعية لتحسين الدورة الدموية 2

2- المكسرات:

هتحتاجي كوباية صغيرة لوز وجوز, تاكليهم يوميا, اللوز والجوز من افضل الاطعمة اللي بتساعد على زيادة الدورة الدموية, لانها تعتبر مصادر غنية بمضادات الاكسدة اللي بتعزز تدفق الدم عن طريق توسيع الاوعية الدموية.

طرق طبيعية لتحسين الدورة الدموية 3
طرق طبيعية لتحسين الدورة الدموية 3

3- الثوم:

هتحتاجي كام فص ثوم مفروم, ياما تضيفيه لاطباقك بشكل يومي, او تاكلي فصوص الثوم بشكل مباشر, الثوم بيحتوي على الاليسين اللي بيحتوي على خصائص مضادة للاكسدة قوية بتساعد على تنقية الدم وتحسين تدفق الدورة الدموية, كمان بيحتوي على خصاص مضادة للالتهابات اللي ممكن تساعد على منع التهاب الجسم.

طرق طبيعية لتحسين الدورة الدموية 4
طرق طبيعية لتحسين الدورة الدموية 4

4- الفلفل الحار او الشطة:

ضيفي الشطة او الفلفل الحار البودر للسلطة او لاطباقك بشكل يومي, الشطة بتساعد على تحسين اداء الاوعية الدموية وبيقوي الشرايين, لانها بتحتوي على خصائص تحفيز طبية.

طرق طبيعية لتحسين الدورة الدموية 5
طرق طبيعية لتحسين الدورة الدموية 5

5- الجنزبيل:

ضيفي الجنزبيل المبشور بشكل يومي في اكلاتك او لطبق السلطة, الجنزبيل مش بس مفيد للهضم, لكن كمان هو اختيار ممتاز جدا لتحسين الدورة الدموية, لانه بيحتوي على خصائص مضادة للاكسدة ومضادة للالتهابات بتساعد على تنقية الدم وحماية الجسم من ضرر الجذور الحرة.

طرق طبيعية لتحسين الدورة الدموية 6
طرق طبيعية لتحسين الدورة الدموية 6

6- البطيخ:

كلي كل يوم طبق بطيخ مقطع, الليكوبين اللي في البطيخ بيساعد على تحسين الدورة الدموية بسبب خصائصه المضادة للاكسدة.

طرق طبيعية لتحسين الدورة الدموية 7
طرق طبيعية لتحسين الدورة الدموية 7

7- الفواكة الحمضية:

الفواكة الحمضية زي البرتقان واليوسفي والجريب فروت والليمون, ممكن تاكلي شريحة من كل نوع بشكل يومي, الفواكة الحمضية غنية بفيتامين C, اللي يعتبر مضاد للاكسدة, وكمان بتحتوي على خصائص قوية مضادة للالتهابات اللي بتساعد على منع الالتهاب داخل الجسم, ومزيج من الخصائص دي كلها بتساعد على تنقية الدم وتحسين الدورة الدموية.

طرق طبيعية لتحسين الدورة الدموية 8
طرق طبيعية لتحسين الدورة الدموية 8

8- الشوفان:

ممكن تاكلي كل يوم طبق من الشوفان المطبوخ, او تضيفيه لاي نوع سموزي تفضليه, الشوفان بيحتوي على خصائص مضادة للالتهابات ومضادات الاكسدة, اللي بتساعد على توسيع الاوعية الدموية وحماية الجسم من ضرر الجذور الحرة.

طرق طبيعية لتحسين الدورة الدموية 9
طرق طبيعية لتحسين الدورة الدموية 9

9- الشوكولاتة الغامقة:

ممكن تاكلي بشكل يومي بار صغير او قطعة صغيرة من الشوكولاتة الغامقة, الشوكولاتة الغامقة هي مصدر غني بالكاكاو اللي بيحتوي على مركبات الفلافونويد اللي بتحتوي على مضادات عالية للاكسدة وبتحسن من تدفق الدم.

طرق طبيعية لتحسين الدورة الدموية 10
طرق طبيعية لتحسين الدورة الدموية 10

10- الافوكادو:

كلي بشكل يومي طبق من الافوكادو المقطع, او ضيفيه للسلطة, او تخلطي الافوكادو مع اللبن وتعملي بيه سموزي, الافوكادو بيحتوي على حمض اميني بيحسن الايض, وبيزود فقدان الدهون, وبيحسن من الدورة الدموية وخاصة في الدماغ.

طرق طبيعية لتحسين الدورة الدموية 11
طرق طبيعية لتحسين الدورة الدموية 11

11- السلمون:

ممكن تاكلي شريحة من السلمون كل كام يوم, سمك السلمون يعتبر مصدر غني للاحماض الدهنية الاوميجا 3 اللي بتحتوي على خصائص مضادة للالتهابات ومضادات الاكسدة, وده بيساعد على تعزيز صحة القلب والاوعية الدموية وزيادة الدورة الدموية.

طرق طبيعية لتحسين الدورة الدموية 12
طرق طبيعية لتحسين الدورة الدموية 12

– الزيوت الاساسية لتحسين الدورة الدموية:

1- زيت الجنزبيل:

الحاجات اللي هتحتاجيها:

12 نقطة من زيت الجنزبيل.

30 مل من اي زيت ناقل “زيت جوز الهند او زيت الزيتون”.

الطريقة:

اخلطي زيت الجنزبيل مع اي نوع زيت ناقل هتستخدميه, امزجيهم مع بعض كويس, ودلكي الجسم كله بالخليط ده لمدة من 2 – 5 دقايق, وبعدين سيبيه لمدة 20 دقيقة وبعدين خدي شاور, كرري الطريقة دي من 2 – 3 مرات في الاسبوع.

زيت الجنزبيل بيحتوي على خصائص مضادة للاكسدة ومضادة للالتهاب قوية بتساعد على تقليل الالتهاب داخل وخارج الجسم ومحاربة ضرر الجذور الحرة, وده بيأدي في النهاية لتحسين الدورة الدموية.

طرق طبيعية لتحسين الدورة الدموية 13
طرق طبيعية لتحسين الدورة الدموية 13

2- زيت الاوكالبتوس:

الحاجات اللي هتحتاجيها:

12 نقطة من زيت الاوكالبتوس.

30 مل من اي زيت ناقل “زيت جوز الهند او زيت الزيتون”.

الطريقة:

اخلطي زيت الاوكالبتوس مع الزيت الناقل, امزجيهم كويس مع بعض, ادهني جسمك كله بالخليط, وبعدين سيبيه لمدة من 15 – 20 دقيقة, بعدها خدي شاور, كرريها من 2 – 3 مرات في الاسبوع.

زيت الاوكالبتوس بيحتوي على مادة الاوكاليبتول اللي بتساعد على توسيع الاوعية الدموية, وبالتالي تحسين تدفق الدم في الجسم.

طرق طبيعية لتحسين الدورة الدموية 14
طرق طبيعية لتحسين الدورة الدموية 14

– المساج:

تدليك الجسم كله باي نوع زيت ناقل يعتبر طريقة ممتازة جدا لزيادة دوران الدم في كل انحاء الجسم, وتحسين تدفق الدم بيعزز الصحة بشكل عام.

طرق طبيعية لتحسين الدورة الدموية 15
طرق طبيعية لتحسين الدورة الدموية 15

– التمارين واليوجا لتحسين الدورة الدموية:

اكيد التمارين واليوجا من الحاجات الفعالة اللي ممكن تساعد على تحسين الدورة الدموية.

التمارين:

1- المشي:

المشي يعتبر تمرين للقلب, وبيسلعد على ضخ الدم في جميع انحاء الجسم, ممكن تمارسي المشي يوميا من 20 – 30 دقيقة.

طرق طبيعية لتحسين الدورة الدموية 16
طرق طبيعية لتحسين الدورة الدموية 16

2- رفع الاوزان:

رفع الاوزان مش بيساعد بس في بناء العضلات, لكن كمان بيساعد على زيادة تدفق الدم, وتحسين صحة القلب والاوعية الدموية, ممكن تكرري تمرين رفع الوزن من 12 – 15 مرة يوميا.

طرق طبيعية لتحسين الدورة الدموية 17
طرق طبيعية لتحسين الدورة الدموية 17

اليوجا:

1- التنفس العميق:

جلسة التنفس العميق ممكن تساعد على زيادة تدفق الدم, لان اثناء التنفس بعمق ده بيهدي العضلات, وده بدوره بيساعد على توسيع الاوعية الدموية, وبيأدي في النهاية لتحسين الدورة الدموية, ممكن تكرري تمرين التنفس 10 مرات يوميا.

طرق طبيعية لتحسين الدورة الدموية 18
طرق طبيعية لتحسين الدورة الدموية 18

2- تمرين “Tadasana “Mountain Pose:

التمرين ده بيساعد على تحسين الدورة الدموية عن طريق زيادة مرونة الاوعية الدموية, اثبتي على الوضع ده لمدة من 2 – 5 دقايق يوميا.

طرق طبيعية لتحسين الدورة الدموية 19
طرق طبيعية لتحسين الدورة الدموية 19

3- تمرين “Utkatasana “Chair Pose:

التمرين ده بيساعد على عمل تمدد للجسم, وزيادة تدفق الدم لكل اعضاء الجسم, اثبتي على الوضع من 30 ثانية لدقيقتين, كرريه يوميا.

طرق طبيعية لتحسين الدورة الدموية 20
طرق طبيعية لتحسين الدورة الدموية 20

4- تمرين “Viparita Karani “Legs up the wall pose:

التمرين ده يعتبر من افضل التمارين لزيادة الدورة الدموية لانه بيزود تدفق الدم للاطراف السفلية من الجسم, اثبتي على الوضع ده من 5 – 15 دقيقة, كرريه يوميا.

طرق طبيعية لتحسين الدورة الدموية 21
طرق طبيعية لتحسين الدورة الدموية 21

– العلاج بالابر:

العلاج بالابر هو العلاج اللي بيعتمد على الضغط على نقط معينة في القدم, وهو معروف انه بيقوي جهاز المناعة وبيحسن الدورة الدموية في كل انحاء الجسم.

طرق طبيعية لتحسين الدورة الدموية 22
طرق طبيعية لتحسين الدورة الدموية 22

– ترطيب الجسم:

اخر نصيحة هي شرب كمية كفاية من المية يوميا عشان تحافظي على رطوبة الجسم اللي بيساعد بدوره على زيادة تدفق الدم في جميع انحاء الجسم.

كمان زيادة اكل الاطعمة الغنية بالفيتامينات B, C, E, زي اللبن, البيض, الجبنة, الفراخ, الحمضيات, الخضروات الورقية, والصويا, كلها اكلات بتساعد على تحسين الدورة الدموية.

طرق طبيعية لتحسين الدورة الدموية 23
طرق طبيعية لتحسين الدورة الدموية 23

ازاي تزودي طولك وتخلي ضهرك مفرود وشكله ومثالي في اسبوع واحد

تمارين زيادة الطول
تمارين زيادة الطول

مقالات متعلقه

ليه بتحسي بالتعب بعد الاكل؟

ليه بتحسي بالتعب بعد الاكل؟

9 حاجات هتحصل لجسمك لو مارستي تمرين تحية الشمس كل يوم

9 حاجات هتحصل لجسمك لو مارستي تمرين تحية الشمس كل يوم

8 طرق سهلة لتحسين جسمك من غير ما تصرفي فلوس

8 طرق سهلة لتحسين جسمك من غير ما تصرفي فلوس