الجاكيت بالزونط الفرو: ازاي تختاريه صح وشوفي بالصور ستايلاته المختلفة

بقلمريهام محمود فيموضة وأزياء visibility507

في ايام الشتا والبرد الفرو هيكون مناسب جدا عشان يدفيكي في الجو ده, ومن الحاجات التريندي جدا لموسم الشتا الجاكيت بالزونط الفرو, المصممين دمجوا ما بين الاحساس بالدفا والاناقة في الستايل ده, والنهاردة من خلال موضوعنا هنقول لكل بنات حوا ازاي تختاري الجاكيت بالزونط الفرو بطريقة صح.

ازاي تشتري الجاكيت بالزونط الفرو:

عشان تشتري جاكيت بزونط بالفرو الصناعي في حاجات لازم تحطيها في اعتبارك وانتي بتشتريه عشان تختاري جاكيت صح, زي الستايل, والجودة وغيرها من الحاجات اللي هنعرفها من بعض لازم تاخدي بالك منها وانتي بتشتري.

1- نعومة الفرو:

لما تيجي تشتري اختاري الفرو اللي يكون ملمسه ناعم, لان في انواع كتير موجودة في المحلات بتكون من نوع فرو رخيص, وده مش بس ممكن يأذي بشرتك لما يعمل معاها احتكاك وهيكون غير مريح, لكن كمان مش هيعيش معاكي فترة طويلة.

2- مرونة الفرو:

في علامة مهمة جدا تقولك ان الفرو ده جودته كويسة وهي المرونة, بمعنى ان الياف الفرو بترجع تاني لشكلها الطبيعي بعد ما تلمسيها, لانه في الحالة دي الجاكيت اللي بزونط فرو جودته عالية هيرجع لشكله الاصلي بغض النظر عن عدد المرات اللي هتلمسيه فيه او شكله هيتغير.

3- بصي على الملصق بتاعه:

الملصق او ال Label اللي بيكون موجود على اي قطعة ملابس ومكتوب فيه خامات القطعة, لازم تبصي عليها عشان تشوفي خامات الجاكيت, شوفي هل الجاكيت داخل فيه الياف اكريليك ؟ لان في الغالب معظمهم بيكون داخل فيهم اكريليك, وعادة الاكريليك بيكون مصنوع من اشكال كتير ومش كله بيكون بنفس الجودة, عشان كده اختاري دايما الجاكيت المصنوع من الكانيكرون والاكريليك لان النسيج بتاعه بيكون ناعم وبيدوم اطول.

باقي الحاجات اللي تعتمدي عليها بقى لما تيجي تشتري هتتوقف على ذوقك الشخصي في ستايل الجاكيت, واتأكدي ان اي ستايل بزونط فرو هيكون تريندي, وكمان كل الالوان تقدري تختاري اللون اللي يناسبك اكتر لو بتحبي اللوك الجريء ممكن تختاري الالوان الزاهية, ولو بتحبي الالوان التقليدية بكل بساطة خليكي ما بين الاسود اوالبني اوالبيج الكلاسيكي الطويل, بحيث انك تقدري تنسقيه مع اي حاجة عندك في الدولاب.

تعالوا نشوف مع بعض ستايلات مختلفة من الجاكيت بالزونط الفرو:

افكار وستايلات لتنسيق السويتر والسويتر دريس

افكار للبس السويتر والسويتر دريس
افكار للبس السويتر والسويتر دريس