35 استخدام غير متوقع لبلسم الشعر

ريهام محمود
ريهام محمود
12157

البلسم يعتبر جزء اساسي في روتين العناية بالشعر وبيحافظ على ترطيب ولمعان الشعر, لكن اللي احنا منعرفوش ان البلسم هو اكتر من انه مجرد مرطب للشعر, البلسم ممكن نستغله في حاجات كتير جدا, والنهاردة من خلال موضوعنا هنقولك استخدامات بلسم الشعر وازاي تستفادي منه في حاجات كتير.

استخدامات بلسم الشعر:

1- تلميع الاحذية الجلد:

لو مش متوفر عندك ملمع احذية, بكل بساطة هاتي قطعة قماش ناعمة حطي عليها كمية من البلسم ولمعي الشوز, كمان البلسم ليه ميزة انه بيحافظ على الجلد لاطول فترة وبيخليه ميشققش.

استخدامات بلسم الشعر 1
استخدامات بلسم الشعر 1

2- تلميع الاكسسوارات:

لو عندك اكسسوارات لمعتها اطفت, تقدري تمسحيها بالبلسم هيساعد انه يرجع لمعتها.

استخدامات بلسم الشعر 2
استخدامات بلسم الشعر 2

3- لسوستة الهدوم:

بيحصل كتير معانا ان السوستة تعلق او تشبك في الهدوم, عشان تخليها تفتح معاكي تاني بسهولة, خدي كمية صعيرة من البلسم على اطراف صوابعك وادهني بيها السوستة, هتلاقيها اتفتحت معاكي بسهولة.

استخدامات بلسم الشعر 3
استخدامات بلسم الشعر 3

4- لصوت الباب:

اوقات كتير اي باب في الشقة ممكن يكون صوت في الفتح والقفل ويسبب ازعاج, تقدري تتخلصي من الصوت ده بكل بساطة باستخدام البلسم تدهني بيه مفصلات الباب.

استخدامات بلسم الشعر 4
استخدامات بلسم الشعر 4

5- عشان تعملي ويفي للشعر:

البلسم مش بس لاستخدامه اثناء الشاور, ممكن كمان تحطيه على الشعر وتسيبيه من غير ما تغسليه وتخرجي بيه كده, هيدي للشعر ستايل ويفي وهيديه كثافة اكتر.

استخدامات بلسم الشعر 5
استخدامات بلسم الشعر 5

6- فك تشابك الشعر:

لو بتعاني من تشابك الشعر ممكن تتخلصي منه بسهولة جدا, ادهني شعرك بالبلسم وسيبيه من 10 – 15 دقيقة وبعدين اغسليه, هيخلصك من التشابك.

استخدامات بلسم الشعر 6
استخدامات بلسم الشعر 6

7- لهيشان وتجعد الشعر:

حطي طبقة خفيفة من البلسم على اطراف الشعر, وافركيه بايدك مع شد الشعر بالراحة, هيخلصك من الهيشان والتجعد.

استخدامات بلسم الشعر 7
استخدامات بلسم الشعر 7

8- لغسيل الهدوم:

لو خلص من عندك مسحوق الغسيل, تقدري تستخدمي البلسم لغسل الهدوم, املي الطبق مية سخنة وضيفي لها معلقة صغيرة بلسم, وسيبي الهدوم منقوعة 30 دقيقة وبعدين اشطفيها بالمية.

استخدامات بلسم الشعر 8
استخدامات بلسم الشعر 8

9- لفرد الشعر:

البلسم ممكن يساعد على فرد الشعر, اخلطي مية, مع معلقة صغيرة بلسم, ومعلقة صغيرة ملح, ومعلقة صغيرة جل, حطي الخليط في ازازة ببخاخ ورجيها كويش, ورشي بيه الشعر هيفرده ويديه كثافة.

استخدامات بلسم الشعر 9
استخدامات بلسم الشعر 9

10- لعلاج تشققات الكعبين:

لو بتعاني من جفاف وتشققات كعوب الرجل, ادهني الكعب والرجل كلها بطبقة من البلسم وسيبيه طول الليل, واغسليه الصبح هتلاقي الكعوب والرجل ناعمة.

استخدامات بلسم الشعر 10
استخدامات بلسم الشعر 10

11- مزيل مكياج:

ممكن تستخدميه كمزيل للمكياج ومكياج العيون, حتى المكياج الووتر بروف او ضد المية بيشيله بسهولة جدا, بس لازم تاخدي بالك ان البلسم ميدخلش جوه العين.

استخدامات بلسم الشعر 11
استخدامات بلسم الشعر 11

12- تلميع الستانلس ستيل:

البلسم يعتبر ملمع رائع جدا للستانلس ستيل, خدي منه على قطعة قماش ولمعي بيها اي حاجة ستانلس ستيل عندك.

استخدامات بلسم الشعر 12
استخدامات بلسم الشعر 12

13- تمدد الهدوم:

اوقات كتير بيحصل ان ممكن الهدوم تكش بعد الغسيل, عشان تعالجي المشكلة دي وتعملي تمدد للهدوم وترجعيها لحجمها الطبيعي, حطي شوية مية في طبق وضيفي لهم كمية بسيطة من البلسم, وسيبي الهدوم في المية لمدة 5 دقايق تقريبا تمتص الخليط كويس, وبعدين طلعيه واشطفيه البلسم بيتفاعل مع النسيج بتاع القماش وبيساعد انه يتمدد تاني ويرجع لحجمه الطبيعي خصوصا القطن.

استخدامات بلسم الشعر 13
استخدامات بلسم الشعر 13

14- بيقوي شعيرات فرش المكياج:

بلسم الشعر بيقوي شعيرات فرش المكياج بنفس الطريقة اللي بينعم بيها الشعر, لو استخدمتيه في تنضيف الفرش باستمرار, بيطول عمر الفرشة ويخليها تقعد معاكي فترة اطول, كل اللي هتعمليه انك هتنضفي الفرش بمية دافية وشوية بلسم.

استخدامات بلسم الشعر 14
استخدامات بلسم الشعر 14

15- بيحمي الشعر من التلف بسبب الكلور:

لو بتنزلي حمام السباحة, البلسم هيساعد انه يحمي شعرك من تأثير الكلور المضر على الشعر, قبل ما تنزلي حمام السباحة حطي بلسم على اطراف الشعر قبل ما تغطيه بطاقية السباحة, ممكن كمان تعملي نفس الطريقة قبل نزول البحر هيحمي الشعر من الملح.

استخدامات بلسم الشعر 15
استخدامات بلسم الشعر 15

16- تليين خيط الغزل:

لو انتي من هواه الغزل سواء كورشيه او تيريكو, البلسم بيساعد على تليين الخيط, وده هيساعد ان الشغل بيه يبقى اسهل, انقعيه بس في شوية مية فيهم بلسم واشطفيه وسيبيه ينشف وبعدين اشتغلي بيه.

استخدامات بلسم الشعر 16
استخدامات بلسم الشعر 16

17- ترطيب الجلد حوالين الضوافر:

البلسم ممكن كمان يساعد في علاج جفاف الجلد اللي حوالين الضوافر, ادهني الجلد بطبقة خفيفة من البلسم هتساعد على ترطيب الجلد.

استخدامات بلسم الشعر 17
استخدامات بلسم الشعر 17

18- منع الصدا:

البلسم بيساعد على منع الادوات من الصدا, ادهني طبقة خفيفة من البلسم على الادوات المعدنية, وتقدري تدهني منه طبقة تانية اي وقت لو لقيتي عليهم رطوبة زيادة.

استخدامات بلسم الشعر 18
استخدامات بلسم الشعر 18

19- ازالة لاصق الجروح:

عشان تشيلي لاصق الجروح من غير ما يسبب لك اي افركي الحواف بتاعته بالبلسم قبل ما تشيليه.

استخدامات بلسم الشعر 19
استخدامات بلسم الشعر 19

20- عشان تقلعي الخاتم الضيق بسهولة:

لو الخاتم ضيق عليكي ومش عارفة تقلعيه, حطي طبقة من البلسم وافركي بيها الجلد من تحت ومن فوق, هتلاقي الخاتم طلع معاكي بسهولة.

استخدامات بلسم الشعر 20
استخدامات بلسم الشعر 20

21- لترطيب الجسم:

ممكن تضيفي كام نقطة من البلسم للمية في البانيو وتقعدي فيها شوية, هتساعد على تنعيم بشرة الجسم.

استخدامات بلسم الشعر 21
استخدامات بلسم الشعر 21

22- عشان تسلكي انسداد الحوض:

لو الحوض مسدود حطي على الصفاية شوية من البلسم, وبعدين افتحي عليه مية سخنة.

استخدامات بلسم الشعر 22
استخدامات بلسم الشعر 22

23- لتنعيم الهدوم:

عشان تنعمي الهدوم مش محتاجة تشتري منتجات غالية, كل اللي هتعمليه حطي شوية بلسم على الهدوم وحطيها في المجفف, هتخرج ناعمة.

استخدامات بلسم الشعر 23
استخدامات بلسم الشعر 23

24- معطر للهدوم:

عشان تخلي الهدوم ريحتها حلوة, ممكن تعملي معطر بالبلسم, ضيفي شوية من البلسم مع ضعف الكمية 9 مرات مية وحطيهم في ازازة ببخاخ, ورشي بيها الهدوم.

استخدامات بلسم الشعر 24
استخدامات بلسم الشعر 24

25- تنضيف الدهون من الحوض:

البلسم يعتبر فعال جدا في التخلص من الدهون اللي بتتراكم على صفاية الحوض, حطي شوية بلسم على الصفاية وسيبيه 20 دقيقة, وبعدها افتحي عليه المية السخنة.

استخدامات بلسم الشعر 25
استخدامات بلسم الشعر 25

26- كريم حلاقة لازالة الشعر:

لو مش متوفر عندك كريم حلاقة ممكن تستخدمي بداله البلسم, حكيه على الرجل وشيلي الشعر بالشفرة بالطريقة العادية, هيشيل الشعر وهيرطب الجلد.

استخدامات بلسم الشعر 26
استخدامات بلسم الشعر 26

27- غسل الملابس الداخلية:

حطي كمية من البلسم مع المية هيبقى عندك صابون ناعم لغسيل الملابس الداخلية, هتحافظ عليها ناعمة ومش كده بس كمان هتخلي ريحتها حلوة جدا.

استخدامات بلسم الشعر 27
استخدامات بلسم الشعر 27

28- ازالة التاتو المؤقت:

لو عندك اطفال بيستخدموا التاتو المؤقت ومش عارفة تتخلصي منه, افركيه بالبلسم هيتشال من الايد بكل سهولة.

استخدامات بلسم الشعر 28
استخدامات بلسم الشعر 28

29- تنضيف وتلميع اوراق الزرع:

لو عندك زرع في البيت, ممكن تستخدمي البلسم تنضفي وتلمعي بيها الورق بتاعه, حطي نقطة واحدة على كل ورقة وامسحيها بالراحة هتلاقيها نضفت وبتلمع.

استخدامات بلسم الشعر 29
استخدامات بلسم الشعر 29

30- حماية الشعر من التفتيح:

التفتيح كلنا عارفين هو قد ايه مضر وبيتلف الشعر, استخدمي البلسم بعد التفتيح هيساعد على ترطيب الشعر.

استخدامات بلسم الشعر 30
استخدامات بلسم الشعر 30

31- فرد كرمشة الهدوم:

تقدري تعملي خليط مضاد لتجاعيد وكرمشة الهدوم, اخلطي كميات متساوية مية وخل وبلسم, وصبيهم في ازازة ببخاخ ورشي بيه الهدوم المكرمشة.

استخدامات بلسم الشعر 31
استخدامات بلسم الشعر 31

32- لستارة الحمام:

عشان تنضفي البار بتاعة ستارة الحمام, افركيه بشوية بلسم.

استخدامات بلسم الشعر 32
استخدامات بلسم الشعر 32

33- تنضيف الملابس الحرير:

الخامة الحرير عشان ناعمة ورقيقة اوي بتحتاج صابون خفيف لغسلها, والبلسم ممكن يقوم بالمهمة دي, املي طبق بمية دافية “او مية باردة للالوان”, وضيفي لها معلقة كبيرة بلسم, انقعي فيها الهدوم الحرير لمدة دقايق, وبعدين اشطفيها بالمية.

استخدامات بلسم الشعر 33
استخدامات بلسم الشعر 33

34- ازالة الستيكر:

لو عندك اطفال اكيد هتكوني بتعاني من المشكلة دي, انهم بيلزقوا الستيكرات في اي مكان, وبيكون صعب انه يتشال, لكن البلسم هيخلصك منهم بسهولة جدا لو فركتيهم بيه هيطلعوا على طول من غير ما يسيبوا اثر.

استخدامات بلسم الشعر 34
استخدامات بلسم الشعر 34

35- لحماية جلد الشوز:

البلسم مش بس ممكن نستخدمه لتلميع جلد الاحذية, كمان بيحميها من اثار التلج, حطي طبقة من البلسم على الشوز وهو ناشف, وبعدين امسحيها بقطعة قماش نضيفة.

استخدامات بلسم الشعر 35
استخدامات بلسم الشعر 35

10 استخدامات غير تقليدية لقشر الموز

استخدامات قشر الموز
استخدامات قشر الموز

مقالات متعلقه

Makeup Remover اعملى بنفسك  فى البيت مزيل مكياج بمكونات طبيعية للبشرة اللى بتعانى من حبوب الشباب

Makeup Remover اعملى بنفسك فى البيت مزيل مكياج بمكونات طبيعية للبشرة اللى بتعانى من حبوب الشباب

6 طرق لعمل بلسم الشعر بمكونات طبيعية لشعر ناعم وصحي

6 طرق لعمل بلسم الشعر بمكونات طبيعية لشعر ناعم وصحي

اعرفي معانا طرق لعمل مزيل مكياج طبيعي بنفسك في البيت

اعرفي معانا طرق لعمل مزيل مكياج طبيعي بنفسك في البيت