افكار وستايلات لتنسيق السويتر والسويتر دريس
السويتر من القطع الاساسية في دولابنا في الشتا, ويعتبر من القطع التريندي اللي مش بتبطل ابدا كل موسم شتا بتبقى معانا, لانه بيدفي ومريح وفي نفس الوقت انيق, وهنلاقي منه السويتر القصير العادي والسويتر دريس الطويل, والنهاردة من خلال موضوعنا هنشوف مع بعض افكار للبس السويتر والسويتر دريس.
افكار للبس السويتر والسويتر دريس:
السويتر هنلاقيه نازل بكل الالوان والطبعات المختلفة اللي بتدينا مجال كبير اننا نختار من بينهم اللي نفضله اكتر, يعني اكيد كل بنت هتلاقي اللي يناسب ذوقها.
والستايلات بتاعته هنلاقي منه الستايل العادي, وال Cropped, وال Oversized, وال Turtleneck.
تقدري تنسقي السويتر مع البنطلون الجينز للوك يومي كاجوال, او مع بنطلون كلاسيك للشغل, او حتى مع الجيبة للوك ستريت ستايل.
ممكن كمان تلبسي السويتر دريس, وتنسقيه مع بوت طويل لحد الركبة, وكمان تقدري تختاري ما بين مجموعة كبيرة من الوانه ما بين الالوان المحايدة زي البيج او الرمادي او الاسود, او تختاري الوان عصرية وزاهية.