أفكار وتنسيقات إزاي تعملي ستايلات باستخدام الحزام
كلنا بنحب يكون عندنا لبس كتير ومختلف وستايلاته حلوة ومبهجة، النهارده جبنالك حل بسيط لو بتحبى تغيرى فى ستايلك، ولأن الحزام بيعتبر من أكتر الاكسسورات اللى تقدر تغير شكل لبسك ببنسبة كبيرة كبير وبتخلى الستايل يطلع مختلف تماما ،زى مثلا لو جربتي فستانك اللى متعودة عليه مع حزام هتلاقي شكله بيطلع مختلف وجديد،عشان كده في المقال ده هنساعدك تقدرى تعرفى أفكار وستايلات اكتر تقدرى تعمليها بالحزام اعرفي أفكار وتنسيقات إزاي تعملي ستايلات باستخدام الحزام
أفكار وتنسيقات إزاي تعملي ستايلات باستخدام الحزام
لو عندك شغل الصبح، تقدرى تلبسى جاكت اسود مع قميص أبيض، وبنطلون بنى وحزام جلد نفس لون البنطلون، بنظارة شمسية هيكون شكلك مختلف وشيك لأنك ستايلك ده هيكون مستوحى من الطراز القديم، و لو عاوزة لبسك يكون شكله حيوى وكاجوال، دايما احرصى انك تلبسى الحزام على البناطيل الشورتات الجينز.
من احلى الاستيلات اللى ممكن تنفذيها إنك تلبسى حزام على فستانك المفضل، وده بيكون لوك مبهج جدا للبحر او لحفلة صغيرة أو اي مناسبة خاصة ومختلفة بتحضريها، أما لو بتحبى تكونى على أحدث موضه وعايزة تعملى لوك سيمي فورمال شوية ممكن تجربى الجيبة السوده الماكسى مع قميص بيج وحزام لونه كريمى أو بيج أو بأي درجة تفضليها من الدرجات الترابية.
البلوزات الفلورى من أحلى الاستيلات اللى بتليق على أى بنت ومكملة معانا طول السنة سزاء في صيف أو في شتاء، عشان كده جربي تظهري بيها بلوك مختلف بإنك تلبسيها مع حزام أسود ونظارتك الشمسية المفضلة. .
كمان لو عندك خروجه بليل جربي تلبسي بلوزة أو توب أو فستان من اللون الأزرق لأنه هيكون هو الاختيار الأفضل مع حزام مطرز أو لامع وهيخليكي تظهري بلوك شيك وأنيق.
انلبس الكاجوال طبعا مابنستغناش عنه وبيكون مريح عشان كده بنحتاجه طول الوقت، فلو عندك خروجه سريعة أو رايحة الكلية او الشغل جربي تلبسي بنطلون جينز مع تيشرت منقوش لونه رصاصى أو أبيض، مع كعب عالى لونه بيج ومعاهم حزام جلد.
ولعشاق اللون الأبيض تقدرى تكسرى اللون بحزام دهبى يكون انيق لمناسبة بسيطة أو خروجه بليل. .
اعرفي معانا كمان نصايح وأفكار إزاي تلبسي السويت بانتس sweat pants بأكتر من طريقة عملية وشيك
