ازاي تزودي طولك وتخلي ضهرك مفرود وشكله ومثالي في اسبوع واحد

بقلمريهام محمود فيصحة visibility1852

اليس روبنسون واحدة من البلوجر المهتمة بالصحة من انجلترا, اختبرت مجموعة تقنيات من المنتشرة او المعروفة انها بتزود الطول, واتفاجأت بالنتيجة انها فعلا زودت طولها حوالي 1.5 سم في اسبوع واحد بس وحبت انها تشارك تجربتها, والتقنيات او التمارين اللي هي استخدمتها بتساعد على تمديد العمود الفقري وزيادة ارتفاعه بمقدار من 1 – 2 ملم تقريبا, وبالتالي ده هيضيف للطول, والنهاردة من خلال موضوعنا هنقولكم على تمارين زيادة الطول اللي هي مشيت عليها وجابت معاها النتيجة دي.

تمارين زيادة الطول:

الواقع ان الطول بيزيد اثناء النوم 5 ملم لو نمتي على ضهرك لمدة 10 دقايق, وده بيحصل بسبب ان العمود الفقري بيحصل فيه تقلص اثناء فترة النهار, وبيرجع لشكله الطبيعي لما بتنامي على ضهرك.

بس لما لازم نعرف ان التمارين دي لو سنك عدى 25 سنة هتجيب نتايج بسيطة جدا وممكن متجبش نتيجة, لان بعد ال 25 بتكون مناطق النمو اتقفلت وهيبقى صعب يحصل تغيير, لكن اللي اقل من 25 سنة التمارين اللي هنعرفها مع بعض النهاردة هتجيب معاهم نتايج كويسة.

1- ركوب العجل:

عشان تزودي الطول من ركوب العجل, ظبطي مكان القعدة بتاعة العجلة وارفعيها بحيث انك تمدي رجلك وتفرديها عشان توصلي للدواسة, بس متخليهوش مرتفع اوي لانه ممكن يتلف المفاصل.

تمارين زيادة الطول
تمارين زيادة الطول

2- العُقلة:

رياضة العقلة من الرياضات المعروفة من زمان انها بتزود الطول, وهو تمرين بسيط وسهل جدا, كل اللي هتعمليه هتمسكي في البار وتفضلي على الوضع ده لاطول فترة ممكنة, وزودي الوقت بشكل تدريجي يوميا, والتمرين كمان بيساعد على تقوية عضلات العمود الفقري والبطن.

تمارين زيادة الطول
تمارين زيادة الطول

3- الوقوف على الكتفين:

في التمرين ده ارفعي جسمك كله لفوق وافرديه على قد ما تقدري, وخلي الكتفين على الارض بحيث تبقي ساندة عليهم, وادعمي ضهرك بانك تسنديه بايدك, اثبتي على الوضع ده وقت على قد ما تقدري, ولما تيجي تنزلي بجسمك نزليه بالتدريج مش مرة واحدة عشان متأذيش نفسك.

تمارين زيادة الطول
تمارين زيادة الطول

4- تمرين الكوبرا:

التمرين ده غير انه بيزود الطول وكويس للعمود الفقري, كمان بيعمل تمدد للضهر, والبطن, والجزء الخلفي من الوركين, والارداف.

تمارين زيادة الطول
تمارين زيادة الطول

5- انحناء الجسم:

اثناء الانحناء, حاولي تحافظي على الساقين بشكل مستقيم ومفرودين, والمسي صوابع رجلك بصوابع ايدك, وابدأي الانحناء بالتدريج وبعدين تزودي لحد ما توصلي لانحناء كامل وتزودي الوقت.

تمارين زيادة الطول
تمارين زيادة الطول

6- نط الحبل:

نط الحبل او لعب كرة السلة او حتى النط في المكان بس, بيساعد على تقوية العضم والعضلات, ومع الوقت هيزود الطول.

تمارين زيادة الطول
تمارين زيادة الطول

7- تمرين الجسر:

التمرين ده بيساعد على زيادة الطول, وتقوية منطقة اسفل الضهر اثناء رفع البطن والارداف.

تمارين زيادة الطول
تمارين زيادة الطول

8- السباحة:

السباحة بتيجي في اول قايمة الرياضات اللي بتساعد على زيادة الطول, لان في المية بيكون التركيز العضم اللي بين الفقرات, والمفاصل بتبقى في حالة حركة زيادة, وبالتالي ده بيخلي زياد الطول اسهل.

تمارين زيادة الطول
تمارين زيادة الطول

 وممكن تعملي تمرين السباحين في البيت.

تمارين زيادة الطول

– بعض العوامل التانية اللي بتأثر على الطول:

– نظامك الغذائي.

– النوم العميق.

عشان تبقي اطول, لازن تدخلي في نظامك الغذائي كمية اكتر من الكالسيوم والحديد وفيتامين D وكل العناصر والفيتامينات اللي بيحتاجها الجسم عشان يشتغل بشكل صح.

الافضل تنامي على سطح صلب, الافضل تختاري مرتبة طبية مناسبة للعضم, وكمان مخدة طبية.

تمارين زيادة الطول
تمارين زيادة الطول

ياللا جربوا التمارين وشاركونا النتايج.

التغييرات اللي ممكن تحصل لجسمك لو رفعتي رجلك لمدة 20 دقيقة كل يوم

تمرين رفع الرجل