بالصور والخطوات: أحسن وصفات للبشرة والجسم و الشعر من الزبادي
الوصفات المنزلية والطبيعية أوقات كتير بتكون الأفضل، وعشان تحافظى على بشرتك هنقولك بالصور والخطوات: أحسن وصفات موصفات للبشرة والجسم و الشعر من الزبادي
بالصور والخطوات: أحسن وصفات للبشرة والجسم و الشعر من الزبادي
1- ماسك الزبادي و العسل:
الماسك ده هيساعدك تعملي ديتوكس لبشرتك بشكل كبير و تخلصيها من أي ئوائب وكمان تمنحيها ترطيب عميق، ويساعدك في تفتيح بشرتك.
المكونات:
اربع معالق من الزبادي كامل الدسم.
معلقة عسل نحل.
الطريقة :
امزجي العسل مع الزبادي وقلبيهم كويس.
افردي الماسك على الوش كله و سيبيه من 15 لـ 20 دقيقة.
اغسلى وشك بمياة دافية و جفيفه بفوطة قطنية ناعمة.
ماسك الزبادي والعسل
2- سكرب الجسم من الزبادي و الشوفان:
لو كنتى حاسه ان بشرتك جافة ومجهدة بزيادة وشكلها احب، السكرب ده هيساعدك تقشري خلايا البشرة الميتة والزبادي هيساعدك ترطبي بشرتك وتخليها نضرة وحيوية.
المكونات:
كوبايتين من الزبادي كامل الدسم.
كوباية من الشوفان الخشن.
الطريقة :
في طبق، امزجي الزبادي مع الشوفان.
افردي السكرب على جسمك او المنطقة اللي انتى حددتيها، وافركي بلطف، وبعد كده امسحيه بفوطة قطنية دافية.
عشان تستفيدي أكتر، انقعي رجليكي وإيديكي في السكرب ده من 15 لـ 20 دقيقة وبعد كده اغسليهم بمية دافية.
3- ماسك الزبادي و البيض للشعر :
لو شعرك خرج عن سيطرتك من كتر الإجهاد وبقى خشن و هايش و مش ناعم زي الأول، الماسك ده هيساعدك ترطبي شعرك بعمق و ترجعيه ناعم تانى زي الأول و تخليه يستعيد صحته، وممكن تضيفي ليمونة عشان تساعدك تقللي التشابك والجفاف.
المكونات:
بيضة.
كوباية زبادي كامل الدسم.
ليمونة.
الطريقة :
اضربي البيضة و ضيفلها الزبادي والليمون وقلبي كويس.
وزعي الماسك على شعرك بعد ما تقسمي الشعر أجزاء، ركزي على الجذور
بعد ما توزعي الماسك كله، لفى شعرك كله على شكل Bun.
اشطفى الماسك بمياة فاترة وشامبو خال من السلفات.
اعرفى معانا كمان 24 وصفة طبيعية لبشرة صحية خالية من العيوب
