طرق ازاي تنسقي البنطلون الجلد
البنطلون الجلد من القطع اللي عمرها ما بتبطل ابدا وهتفضل مستمرة معانا دايما في اتجاهات الموضة, عشان كده هو يعتبر قطعة المفروض تكون في دولابك لانك تقدري تلبسيه في اي وقت تقريبا وتنسقي عليه حاجات كتير عندك, والنهاردة من خلال موضوعنا هنشوف مع بعض طرق تنسيق البنطلون الجلد.
طرق تنسيق البنطلون الجلد:
1- بنطلون جلد مع تيشرت ابيض:
البنطلون الجلد مع التيشرت الابيض من اسهل الستايلات اللي ممكن تعمليها للوك يومي.
2- بنطلون جلد مع قميص جينز:
ممكن تنسقيه كمان مع القميص الجينز.
3- بنطلون جلد مع تيشرت Vintage:
للوك كلاسيكي البسي البنطلون الجلد مع تيشرت Vintage وممكن تلبسي فوقيهم جاكيت فرو في الايام البرد.
4- بنطلون جلد مع قميص ابيض:
البنطلون الجلد الاسود مع القميص الابيض من اللوك اللي بتطلع حلوة جدا.
5- بنطلون جلد مع جاكيت جلد:
اعملي لوك جري ونسقي البنطلون الجلد مع الجاكيت الجلد واعملي ستايل Biker انيق, وعشان تكملي اللوك ممكن تلبسي نضارة شمس كبيرة.
6- البسي البنطلون الجلد الملون مع الوان محايدة:
لو عايزة تغيري من اللون الاسود وتلبسي بنطلون جلد الوان, نسقي معاه الوان محايدة, زي البيج او الابيض او الرمادي على حسب لون البنطلون اختاري لون القطعة التانية.
7- البنطلون الجلد مع البالطو:
للوك شتوي انيق نسقي البنطلون الجلد مع البالطو وشوز اسود بكعب.
8- البنطلون الجلد مع Oversized sweater:
للوك شتوي مريح, ممكن تنسقي البنطلون الجلد مع ال Oversized sweater.
9- البنطلون الجلد مع البالطو الفرو:
للوك كلاسيك انيق, ممكن تنسقي البنطلون الجلد مع البالطو الفرو.
10- البنطلون الجلد مع البليزر:
نسقي البنطلون الجلد السكيني مع البليزر للوك مناسب للشغل.
11- البنطلون الجلد مع البلوفر:
تقدري كمان تنسقيه مع البلوفر سواء الطويل او القصير.
12- البنطلون الجلد مع شوز ملون:
لو عايزة لوك تلبسيه بالليل ده هيكون مناسب جدا البنطلون الجلد الاسود تنسقي معاه شوز بلوز زاهي.