ازاي تستخدمي زيت الخروع لتخسيس وزنك 4 كيلو في اسبوعين

بقلمريهام محمود فيتخسيس الوزن visibility1087

زيت الخروع كلنا عارفين ان من انواع الزيوت المعروفة اللي بتساعد على نمو الشعر, لكن هل تعرفوا ان زيت الخروع بيساعد كمان على تقليل دهون الجسم والبطن؟ زيت الخروع بيساعد على تقليل الوزن عن طريق زيادة التمثيل الغذائي, ومنع امتصاص الدهون, ومنع الالتهابات, ويعتبر كمان ملين طبيعي, والنهاردة من خلال السطور الجاية هنقولك طريقة استخدام زيت الخروع لتخسيس الوزن 4 كيلو في اسبوعين.

– فوايد زيت الخروع:

1- غني جدا بالاحماض الدهنية الاحادية غير المشبعة, والمغذيات الضرورية زي فيتامين E والمعادن.

2- بيحتوي على خصائص مضادة للالتهابات, ومضادة للفطريات, ومضادة للبكتيريا.

3- بيستخدم غالبا في المواد الحافظة في الاغذية.

4- بيحفز نمو الشعر.

5- يعتبر ملين طبيعي.

6- بيدخل في كتير من الادوية للوقاية من العدوى الفطرية,وفي العلاج الكيماوي.

7- كمان يعتبر عنصر اساسي بيدخل في تصنيع كتير من مستحضرات التجميل الشعبية والصابون.

8- بيساعد على فقدان الوزن لو دخلتيه في نظامك الغذائي.

طريقة استخدام زيت الخروع لتخسيس الوزن
طريقة استخدام زيت الخروع لتخسيس الوزن

– طريقة استخدام زيت الخروع لتخسيس الوزن:

ممكن تاخدي من 2 – 3 معالق من زيت الخروع عن طريق الفم هيساعد على تخسيس الوزن, لانه بيقلل من الشهية, بيعزز عملية حرق الدهون من خلال تحسين حركة الامعاء, ممكن انه يخفف من مشكلة احتباس المية في الجسم وده هيساعدك على تخسيس الوزن, ويعتبر ملين قوي زي ما قولنا, عشان كده المفروض متستخدميهوش لفترة طويلة, لان الاستهلاك المفرط من زيت الخروع ممكن يأدي لاختلال توازن السوايل في الجسم, ويأدي لتهيج الجهاز الهضمي, عشان كده النهاردة هنقولك ازاي تستخدميه بطريقة صح عشان تخسسي وزنك.

1- استخدامه عن طريق الفم:

خدي معلقتين او تلات معالق من زيت الخروع كل يوم على الريق قبل الفطار, ولو مش هتقدري تاخديه لوحده ومش هتتحملي طعمه ممكن تضيفيه لاي نوع عصير, بعد فترة قصيرة من الاستخدام هتلاحظي انك بتدخلي الحمام كتير لانه بيسهل حركة الامعاء, تقدري تمشي على النظام ده لمدة اسبوعين يوميا وتشوفي وزنك بعد الاسبوعين هتلاقي انك فقدتي وزن, لكن زي ما قولنا متستخدموش الزيت لفترات طويلة.

طريقة استخدام زيت الخروع لتخسيس الوزن
طريقة استخدام زيت الخروع لتخسيس الوزن

2- استخدامه بشكل موضعي:

سخني معلقة كبيرة من زيت الخروع على نار متوسطة, ولما يبقى الزيت دافي مش سخن, دلكيه البطن, الطريقة دي هتساعدك على حرق الدهون الزيادة في منطقة البطن, كمان زيت الخروع هيساعد على شد الجلد وتجديد البشرة, سواء الترهل كان بسبب الحمل او لاي سبب تاني.

طريقة استخدام زيت الخروع لتخسيس الوزن
طريقة استخدام زيت الخروع لتخسيس الوزن

– طرق استخدام زيت الخروع للتخلص من دهون البطن:

تقدري تستخدمي زيت الخروع لحرق دهون البطن, سواء للترهلات اللي بعد الحمل, او بسبب الشراهة في الاكل, او عدم ممارسة الرياضة.

1- اللف التنحيفي بزيت الخروع لحرق دهون البطن:

الحاجات اللي هتحتاجيها:

– 3 معالق كبيرة زيت خروع.

– غلاف بلاستيك.

– اربة مية سخنة.

– فانلة قديمة لتغطية البطن.

– فوطة ملفوفة رول.

طريقة الاستخدام:

1- نامي على ضهرك على سطح مريح, وادعمي ضهرك بالفوطة الملفوفة.

2- خدي زيت الخروع باطراف صوابعك, ودلكي بيه البطن في حركات دائرية لمدة 10 دقايق.

3- دلوقتي غطي البطن بالفانلة, وبعدين لفيه بالغلاف البلاستيك.

4- بعدها حطي اربة المية السخنة فوق الغلاف البلاستيك.

5- استرخي وخليكي على الوضع ده لمدة 10 دقايق قبل ما تشيلي الفانلة والغلاف البلاستيك.

6- انتظمي على الطريقة دي بشكل يومي, لحد ما توصلي للنتيجة المطلوبة.

طريقة استخدام زيت الخروع لتخسيس الوزن
طريقة استخدام زيت الخروع لتخسيس الوزن

2- زيت الخروع وعصير التوت لانقاص دهون البطن:

الحاجات اللي هتحتاجيها:

– من 15 – 60 مل من زيت الخروع.

– 1 كوباية عصير توت.

طريقة التحضير والاستخدام:

1- حطي زيت الخروع في كوباية عصير التوت وقلبيه كويس.

2- اشربيه على الريق على معدة فاضية.

طريقة استخدام زيت الخروع لتخسيس الوزن
طريقة استخدام زيت الخروع لتخسيس الوزن

3- زيت الخروع وشاي الجنزبيل لانقاص دهون البطن:

الحاجات اللي هتحتاجيها:

– 1 بوصة من جذور الجنزبيل مفرومة.

– 1 كيس شايا اخضر.

– 1 معلقة كبيرة زيت خروع.

– 1 كوباية مية.

طريقة التحضير والاستخدام:

1- هاتي كوباية المية , حطي فيها الجنزبيل المفروم وسيبيه يغلي على النار لمدة 3 دقايق.

2- ارفعيه من على النار وصبيه في الكوباية وحطي كيس الشاي الاخضر, وسيبيه منقوع لمدة دقيقة.

3- طلعي كيس الشاي من الكوباية, وضيفي زيت الخروع وقلبيه كويس واشربيه.

طريقة استخدام زيت الخروع لتخسيس الوزن
طريقة استخدام زيت الخروع لتخسيس الوزن

– فوايد تانية لزيت الخروع:

1- ازالة السموم:

زيت الخروع ممكن يساعد على ازالة السموم من الجسم بالاضافة لفقدان الوزن, لانك لما بتاخدي زيت الخروع بيبدأ في تحفيز الجهاز الهضمي المسؤول عن ازالة السموم وتطهير الجسم, وده بيحافظ على صحة الجسم.

2- خصائص مضادة للبكتيريا:

زيت الخروع بيحتوي على خصائص مضادة للبكتيريا, هتساعد على منع الالتهابات الفطرية, وهتلاحظي كمان ان زيت الخروع هيقلل من الالم والحكة.

3- بيساعد على تقليل حب الشباب:

زيت الخروع غني بفيتامين E  اللي بيحتوي على خصائص مضادة للالتهاب, وبما ان حب الشباب بيحصل بسبب التهاب نتيجة عدوى فطرية, فاستخدام زيت الخروع ممكن يقلل من حب الشباب.

4- بيمنع الامساك:

يعتبر زيت الخروع ملين طبيعي, وبيساعد في تحسين حركة الامعاء وازالة السموم, وبالتالي هيكون مفيد جدا للاشخاص اللي بيعانوا من الامساك المزمن, لو ضافوا زيت الخروع لعصير التفاح كل يوم الصبح.

5- بيعزز المناعة:

لما تطبقي زيت الخروع بشكل موضعي, بيساعد على تعزيز الخلايا المناعية او خلايا T-11 اللي بتساعد على تشكيل الاجسام المضادة اللي بتمنع مسببات الامراض.

6- منع تساقط الشعر:

زيت الخروع بيمنع القشرة, وفروة الراس الجافة, وكل الاسباب اللي ممكن تأدي لتساقط الشعر, كمان تدليك فروة الراس بزيت الخروع بيساعد على زيادة كثافة وطول الشعر.

7- بيأخر شيخوخة الجلد:

زيت الخروع بيحفز انتاج الكولاجين والايلاستين, وبيرطب البشرة وبالتالي بيمنع تشكيل الخطوط الرفيعة والتجاعيد, ومضادات الاكسدة اللي موجودة في زيت الخروع بتساعد على تنضيف الجذور الحره, واللي بدورها بتساعد ان البشرة تفضل صحية وشباب.

طريقة استخدام زيت الخروع لتخسيس الوزن
طريقة استخدام زيت الخروع لتخسيس الوزن

– نوع زيت الخروع اللي تستخدميه:

مهم جدا اختيار نوع كويس من زيت الخروع يكون عضوي وقابل للاكل, عشان تضمني انه هيجيب معاكي النتيجة المطلوبة.

– نصايح لاستخدام زيت الخروع:

1- الافضل استشارة دكتور قبل استخدام زيت الخروع لو بتعاني من اي حاجة.

2- اشتري زيت الخروع القابل للاكل.

3- متستخدميش زيت الخروع لاكتر من اسبوعين ورا بعض.

في النهاية مع وصفات زيت الخروع حاولي انك تغيري العادات السيئة او اسلوب الحياة الغلط, حاولي تاكلي اكل صحي, مارسي الرياضة بانتظام, ومع الحاجات دي زيت الخروع هيسرع من عملية فقدان الوزن, وهيساعد في تحسين صحتك بشكل عام.

طريقة استخدام زيت الخروع لتخسيس الوزن
طريقة استخدام زيت الخروع لتخسيس الوزن

23 نوع اكل هيساعدوكي على التخلص من دهون البطن

اكلات بتساعد على التخلص من دهون البطن
اكلات بتساعد على التخلص من دهون البطن