افكار مميزة ومختلفة لديكور البلكونة

بقلمريهام محمود فيمنوعات visibility401

البلكونة هي جزء اساسي في اي بيت ووظيفتها الاساسية اكيد هي تهوية البيت ودخول الشمس ليه, لكن كمان هي تعتبر مكان ممكن نستخدمة للاسترخاء نقعد فيها ونشرب مشروبنا المفضل او نقرا كتاب, او نفطر فيها الصبح تحت ضوء الشمس ونشم هوا الصبح المنعش اللي يساعدنا اننا نفوق ونبدأ يومنا بنشاط, لكن للاسف ان في كتير مش بيهتموا بيها ولا بديكورها وبيهملوها وبالتالي مش بيعرفوا يستفادوا منها, عشان كده النهاردة هنشوف مع بعض مجموعة افكار لديكور البلكونة بتصاميم مميزة جدا ومختلفة.

افكار لديكور البلكونة:

زي ما قولنا ان البلكونة ممكن تبقى مكان للاسترخاء وعشان ده يتحقق لازم تهتمي بديكورها وتضيفي لها لمسات تغيرها وتخليها مكان مريح.

– ممكن تضيفي شوية زرع تدي شكل حلو وفي نفس الوقت هيكون لون مريح جدا للعين وانتي قاعدة, ولو مساحة البلكونة صغيرة ممكن تستخدمي قصاري زرع معلقة عشان متاخدش من المساحة وتضيقها اكتر.

– اهتمي بالاضاءة عشان لو حابه تقعدي فيها بالليل شوية تقري مثلا تبقى اضاءة كويسة ومريحة ليكي.

– اختاري الوان زاهية ومبهجة وخصوصا لو مساحة البلكونة صغيرة الافضل تختاري الوان فاتحة وزاهية عشان تدي وسع للبلكونة, واتجنبي الالوان الغامقة.

– الارضيات ممكن تحطي سجادة صغيرة بألوان زاهية او رسومات, او ممكن تعملي ارضية عشب صناعي عشان تحسسك كأنك قاعدة في مكان مفتوح بره البيت.

– بالنسبة للقعدة ممكن تعملي قعدة ارضية بمخدات صغيرة جنب بعض وترابيزة صغيرة او تخلي الترابيزة معلقة لو مساحة البلكونة صغيرة عشان توفري في المساحة, او تحطي كرسين وترابيزة صغيرة, ولو مساحة البلكونة كبيرة هيبقى متاح قدامك كل الاختيارات تقدري تحطي اللي انتي عايزاة, كمان اختاري الالوان تكون زاهية ومبهجة.

– ممكن كمان تعملي فكرة مختلفة بدل الكراسي العادية او الكنبة تعملي مرجيحة, بتبقى حلوة جدا في البلكونة وهتعملك مود مختلف.

تعالوا نشوف مع بعض بالصور مجموعة افكار لديكور البلكونة:

افكار لاستخدام الحبال في الديكور بطريقة مبتكرة

افكار لاستخدام الحبال في الديكور
افكار لاستخدام الحبال في الديكور