موضة البلايز الكاروهات Plaid Blazer و أفكار إزاي تلبسيه

بقلمآية حسان فيموضة وأزياء visibility698

البلايز الكاروهات من القطع اللي هتبقى موجودة بقوة و هتلاقي البنات مهووسة بيها كل ما الشتاء يبدأ يقرب علينا، وده لأنها مش بس بديل للجاكت تقدري تدفي بيه، لكن كمان هتديلك الفرصة انك تدفي بشياكة أو زي الأجانب بيقولوا وانتى in style و كمان في النفس الوقت هتساعدك تعملى لوك بيزنس كاجوال مناسب جدا للمكتب و الشغل و الجامعة، عشان كده في المقال ده هتعرفي معانا ايه هي موضة البلايز الكاروهات Plaid Blazer وهنقوكل على  أفكار إزاي تلبسيه وكمان هنقولك بالصور على نصايح وأفكار لتنسيقات مختلفة

موضة البلايز الكاروهات Plaid Blazer و أفكار إزاي تلبسيه

1- الأوفرسايز :

بلايز كاروهات بحجم كبير أو أوفر سايز مع جينز slim وسكيني هيعملوا التوازن المناسب للوك بتاعك لو بتحبي تعملى ستايل الأوفرسايز، ممكن تلبسيه مع بوت مفضل عندك أو سنيكرز أخضر. 

الأوفرسايز

2- على سويتر :

لما الجو يبرد أكتر من كده ممكن تلبسي سويتر مش طويل أوى تحت البلايزر عشان تعملى كاجوال لوك يبقى مناسب لأي من مشاويرك اليومية، و لو البلايز مليان ألوان ممكن يبقى السويتر اللي تحته بلون basic زي الأبيض أو الأسود، عشان ده هيخلي البلايزر يبان بألوانه أكتر و هيخليكي تعملى لوك بروفاشينال. 

على سويتر

3- مع توب أسود و كعب عالي :

لو رايحة مشوار محتاجك تبقي شيك أكتر بس عملية في نفس الوقت، تقدرى تلبسي البلايز مع قميص أسود وشوز بكعب عالي و ripped jeans. 

مع توب أسود و كعب عالي

4- على جيبة و بوت :

ممكن كمان تلبسي البلايز الكاروهات الطويل مع جيبة قصيرة و تيشيرت أبيض تحتهم، الستايل ده هيساعدك تعملى لوك كاجوال و مختلف. 

على جيبة و بوت

5- كجزء من بدلة :

البدلة خيار بديهي ومنطقي طبعا، ممكن تجربي تلبسي البلايزر والبنطلون من نفس شكل الكاروهات و بنفس الألوان عشان تبقي لبستي بدلة سيمي فورمال أو بيزنس كاجوال لإجتماعاتك المهمة و الشغل، وعشان تخليها ستايلش أكتر ممكن تلبسي معاها تيشيرت أبيض وحزام و شوز فلات كلاسيك، وعشان تلبسي نفس اللوك لبلليل بدلي الشوز الفلات بشوز كعب عالى مع straps.

كجزء من بدلة

6- مع تيشيرت مخطط :

امزجي بين نقتشين بانك تلبسي التيشيرت المخطط مع  البلاير الكاروهات و يبقى شكلهم حلو ويمشوا مع بعض، لكن عشان يبقى شكلهم متناسقين التزمي بانهم يكونوا من عيلة الألوان الأحادية زي الأبيض و الأسود و البني ودرجات الجراي، و لو حابة تدخلي لون في اللوك بتاعك، ممكن تلبسي سكارف بلون مطرقع بس يكون لايق برده، ولو الكاروهات اللي في البلايزر كبيرة يبقى البسي تيشيرت الخطوط فيه رفيعة شوية. 

مع تيشيرت مخطط

7- مع دريس قصير :

ممكن كمان تلبسي البلايزر لأي مناسبة مع دريس قصير تحته و تخليه مناسب للجو بإنك تلبسي معاه بوت برقبة طويلة، الطريقة دي ممكن تمشي كمان مع أي سويتر دريس تحبيه. 

مع دريس قصير
مع دريس قصير

8- مع توب برقبة :

بسبب اللوك الكلاسيك للبلايزر ممكن تلبسي معاه توب برقبة و حلق مميز بحجم كبير، التوب برقبة تحت البلايزر هيخلي باقى اللوك سيمبل و الرقبة العالية للتوب هتلفت الاهتمام للحلق. 

مع توب برقبة

9- مع بوي فريند جينز :

واحد من أحلى ستايلات الصيف و الربيع اللي ممن تلحقيهم دلوقتي هو انك تلبسي البلايزر مع  سكيني جينز بلون فاتح و توب ناعم من الحرير أو الشيفون، اللوك ده سهل تعمليه و خفيف ومش هيضايقك فى الجو و كمان مناسب لمناسباتك و خروجاتك بالنهار والبلايز بالطريقة دي هيساعدك تحولي أي لوك صيفي بتحبيه لشتوي، ببساطة البسيه وق أي بلوزة صيفية بتحبيها.

مع بوي فريند جينز

10- مع اللون الأسود :

اللون الواحد موضة مابتنتهيش أبدا، ومعروف ان اللوك الي كله أسود دايما سهل وشيك بأقل مجهود، في المرة الجاية اللي تقرري تعملي فيها لوك كله أسود جربي تلبسي معاه البلايز عشان يساعدك تعملى لوك مميز و فريد و كلاسيك ة طبعا هيبينك أرفع وأطول مع الشوز العكب المناسب. 

مع اللون الأسود

اعرفي معانا كمان نصايح وأفكار إزاي تلبسي البلوزة الأوف شولدر بأكتر من طريقة