نصايح وأفكار إزاي تلبسي البلوزة الأوف شولدر بأكتر من طريقة

بقلمآية حسان فيموضة وأزياء visibility471

البلوزة الأوف شولدر من وقت ماظهرت وهى موضتها مانتهتش وبتتطور من فصل للتاني، ومع الوقت الستايل أو الموديل ده بقى حاجة اساسية في دولابنا الصيفي أو الشتوي، عشان كده هنقولك نصايح وأفكار إزاي تلبسي البلوزة الأوف شولدر بأكتر من طريقة عشان ماتحسيش انك بتكري نفسك وتبقي دايما على الموضة.. 

نصايح وأفكار إزاي تلبسي البلوزة الأوف شولدر بأكتر من طريقة 

الاوف شولدر من الاستايلات اللى بتكون شيك وبتدى شكل حلو فى اللبس، ممكن نلبسه بكذا طريقة مختلفة سواء بفستان، او قميص، او بلوزة سادة أو منقوشة.

1- لو عندك شغل او انترفيو ممكن تلبسيه على جينز مع كعب هيكون مناسب جدا .

2- تقدرى تلبسيه على جيبة منقطة وصندل بشكل بسيط ومريح جدا .

3- الاوف شولدر اللى بيكون مع الشرايط الرقيقة والجينز الضيق، مع صدنل بلون هادى هيكون لطيف جدا لخروجة سريعة.

4- ممكن تلبسى الاوف شولدر تحته شميز مش هيغير من شكله، هيكون مناسب وشيك جدا

5- بلوزة اوف شولدر واسعة مع بنطلون جينز بتكون شكلها حلو وشيك جدا

6- تقدرى تعملى الاوف شولدر الخاص بيكى بأى تيشرت واسع عندك وتسقطيه من كتف واحد هيبقى شيك وفكرته مختلفة .

7- ممكن لو عندك مناسبة بسيطة ونفسك تلبسى الاوف شولدر، تقدرى تعملى ده بإنك تلبسى مع البلوزة جيبة تكون ماكسى  هتكون شكلها شيك وكمان مريحة.

8- لو محتاجه الاوف شولدر يكون بسيط وشيك، البسيه بلون مميز زى الأزرق مع جينز أبيض وكعب.

9- لو الجو يبدأ يبرد تقدرى تلبسى الاوف شولدر بقماشة تكون خريفى مع جينز وبوت للركب .

10- لو نفسك ترجعى للبس بتاع زمان، ممكن تلبسى الاوف شولدر على جيبة قصيرة منفوشة وجزمة مريحة .

11- ديما الاوف شولدر اللى بيكون مفتوح شوية بيحتاج اكسسوارات كتير عشان شكله يكون أحلى، جربي تلبسي البلوزة الأوف شولدرالمفتوحة مع أكتر من سلسلة أو نيكلاس مع حلق بشكل مميز. 

12- مع برودة الجو تقدرى تلبسيه مع سكارف هيكون شيك جدا وفي نفس الوقت هيديفيكي من غير ما تضطري تلبسي طبقات كتير. 

اعرفي معانا كمان نصايح وأفكار إزاي تلبسي الكارجو جاكت Cargo Jacket