24 وصفة طبيعية لبشرة صحية خالية من العيوب

ريهام محمود
ريهام محمود
في
بشرة
3372

العناية بالبشرة يعتبر اهم حاجة عند كل بنت عايزة تظهر بجمال طبيعي وبشرة نضرة وصحية وخالية من اي عيوب, والنهاردة جايبين لكل بنات حوا مجموعة وصفات طبيعية لبشرة خالية من العيوب, وهتحافظ لك عليها دايما نضرة وصحية.

وصفات طبيعية لبشرة خالية من العيوب:

1- ماسك العسل وزيت جوز الهند:

العسل ليه خصائص مطهرة ومضادة للميكروبات اللي تعتبر علاج فعال جدا للجلد, كمان بيساعد على تفتيح البشرة, وزيت جوز الهند مرطب ومغذي للبشرة وبيجددها.

المكونات:

لو بشرتك حساسة وهتعملي الماسك من غير ليمون يبقى المكونات هتبقى 1 معلقة كبيرة زيت جوز الهند, و1 معلقة كبيرة عسل نحل.

لو هتعمليه بليمون هيبقى 1 معلقة كبيرة زيت جوز الهند, 2 معلقة صغيرة عسل نحل, و 1 معلقة صغيرة عصير ليمون.

الطريقة:

اخلطي المكونات كلها مع بعض كويس, حطي الماسك على البشرة وسيبيه لمدة من 15 – 20 دقيقة, وبعدها اغسليه بمية دافية.

وصفات طبيعية لبشرة خالية من العيوب 1
وصفات طبيعية لبشرة خالية من العيوب 1

2- ماسك الافوكادو:

الماسك ده هيساعد على علاج اي تلف او ضرر في البشرة, وبيمنع التجاعيد والخطوط الرفيعة.

المكونات:

½ ثمرة افوكادو.

½ ثمرة موز مستوية اوي.

1 معلقة كبيرة زيت زيتون.

من 2 – 3 نقط اي زيت عطري من اختيارك زي “زيت اللافندر, زيت الياسمين”.

الطريقة:

هاتي طبق واخلطي الافوكادو مع الموز مع زيت الزيتون والزيت العطري اهرسي المكونات كويس بمعلقة خشب او في البلندر, افردي الخليط على البشرة كلها, وسيبيه من 10 – 15 دقيقة, وبعدها اغسليه بالمية, ونشفيه ورطبي البشرة بكريم مرطب.

وصفات طبيعية لبشرة خالية من العيوب 2
وصفات طبيعية لبشرة خالية من العيوب 2

3- ماسك القهوة والطين:

الماسك ده بيساعد على تنضيف وتقشير البشرة وتجديدها.

المكونات:

2 معلقة صغيرة طين.

1 معلقة صغيرة بن.

من 1 – 1 ½ معلقة صغيرة خل التفاح.

من 2 – 3 نقط زيت شجرة الشاي.

الطريقة:

في طبق ازاز او بلاستيك اخلطي المكونات كلها مع بعض بمعلقة خشب او بلاستيك بردو عشان الطين ميتفاعلش مع المعدن, افردي الخليط على البشرة وسيبيه من 5 – 15 دقيقة لحد ما الماسك ينشف على البشرة, بعدها اغسليه بمية دافية وانتي بتدلكي البشرة في حركات دائرية بالراحة, وبعدين نشفيها ورطبيها بالكريم.

وصفات طبيعية لبشرة خالية من العيوب 3
وصفات طبيعية لبشرة خالية من العيوب 3

4- ماسك الكركم والليمون:

بيساعد على تفتيح البشرة وتوحيد لونها وعلاج التصبغات, علاج حب الشباب والندبات, علاج الالتهابات الجلدية, تنضيف المسام, ترطيب الجلد وتجديده, علاج بقع العمر, تقليل احمرار الجلد, بيساعد على علاج الصدفية والاكزيما.

المكونات:

3 معالق كبيرة دقيق شوفان.

1 معلقة كبيرة عسل نحل.

½ معلقة صغيرة كركم.

عصير ليمونة.

الطريقة:

اخلطي المكونات كلها مع بعض, حطي الماسك على البشرة, سيبيه من 15 – 20 دقيقة, وبعدها اغسلي بشرتك بمية دافية.

وصفات طبيعية لبشرة خالية من العيوب 4
وصفات طبيعية لبشرة خالية من العيوب 4

5- ماسك طين البنتونيت وخل التفاح:

لو بتعاني من الرؤوس السودا وحب الشباب يبقى الماسك ده هو الاختيار المناسب ليكي, كمان بيساعد على ازالة الشوائب والسموم من الجلد, تجديد انسجة الجلد, تقشير البشرة, تنعيم وترطيب البشرة, تقليل حجم المسام.

المكونات:

2 معلقة كبيرة طين البنتونيت.

2 معلقة كبيرة خل التفاح.

الطريقة:

اخلطي المكونات مع بعض كويس, حطي الخليط على البشرة, سيبيه من 10 – 20 دقيقة, وبعدين اغسليه بالمية.

وصفات طبيعية لبشرة خالية من العيوب 5
وصفات طبيعية لبشرة خالية من العيوب 5

6- ماسك بياض البيض:

الماسك ده ليه مفعول سحري على البشرة الدهنية بشكل خاص, بيساعد على شد وتنعيم الجلد, وبيقلل حجم المسام, وبيساعد على تقليل الزيوت الزيادة من البشرة.

كل اللي هتعمليه هاتي بيضة افصلي الصفار عن البياض, خدي البياض وادهني بيه البشرة, سيبيه لحد ما ينشف حوالي 15 دقيقة, وبعدين اغسليه بمية دافية.

وصفات طبيعية لبشرة خالية من العيوب 6
وصفات طبيعية لبشرة خالية من العيوب 6

7- ماسك العسل والقرفة:

الماسك ده مفيد جدا للبشرة المعرضة لحب الشباب.

المكونات:

1 معلقة صغيرة عسل نحل.

1 معلقة صغيرة قرفة مطحونة.

1 معلقة صغيرة جوزة الطيب مطحونة.

الطريقة:

اخلطي المكونات مع بعض كويس, افردي الماسك على البشرة, سيبيه لمدة 30 دقيقة, ولو حسيتي بوخز على البشرة ممكن تسيبيه 15 دقيقة بس, وبعدها اغسليه بالمية.

وصفات طبيعية لبشرة خالية من العيوب 7
وصفات طبيعية لبشرة خالية من العيوب 7

8- ماسك ديتوكس البشرة:

ماسك لتطهير وتنضيف البشرة وازالة السموم من الجلد.

المكونات:

2 معلقة كبيرة طين البنتونيت.

1 معلقة كبيرة زيت جوز الهند.

½ معلقة كبيرة عسل نحل.

عصير ½ ليمونة او نقطة واحدة من زيت الليمون.

الطريقة:

اخلطي المكونات مع بعض كويس, حطي الماسك على البشرة, وسيبيه 10 دقايق, وبعدين اغسليه بالمية, ممكن تكرري الماسك مرة واحدة في الشهر ولو بشرتك دهنية ممكن تزودي تعمليه مرتين او تلاتة في الشهر.

وصفات طبيعية لبشرة خالية من العيوب 8
وصفات طبيعية لبشرة خالية من العيوب 8

9- ماسك ترطيب وتقشير البشرة:

بيساعد على تقشير الخلايا الميتة من البشرة, ومكوناته غنية بمضادات الاكسدة اللي بتغذي البشرة وبترطبها.

المكونات:

¼ ثمرة افوكادو مهروسة.

عصير شريحة ليمون.

½ معلقة كبيرة زيت زيتون.

1 معلقة كبيرة عسل نحل.

الطريقة:

اخلطي المكونات كلها مع بعض, هاتي فوطة مبلولة بمية سخنة واضغطي بيها على البشرة لمدة من 2 – 3 دقايق عشان تفتحي المسام, بعدها افردي الماسك على البشرة, سيبيه من 10 – 15 دقيقة, واغسليه بمية دافية.

وصفات طبيعية لبشرة خالية من العيوب 9
وصفات طبيعية لبشرة خالية من العيوب 9

10- ماسك الخيار:

ماسك مهديء للبشرة, وبيساعد على تقشيرها, وبيقلل حجم المسام, بيرطب البشرة, بيعالج تلف البشرة, وبيساعد على علاج التهاب البشرة.

المكونات:

½ خيارة.

2 معلقة كبيرة زبادي.

1 معلقة كبيرة شوفان.

الطريقة:

اخلطي المكونات كلها مع بعض واضربيهم مع بعض في الخلاط, افردي الماسك على البشرة وسيبيه لمدة 20 دقيقة, وبعدين اغسليه بالمية.

وصفات طبيعية لبشرة خالية من العيوب 10
وصفات طبيعية لبشرة خالية من العيوب 10

11- ماسك ال Peel off:

الماسك ده بيعمل عملية تنضيف فورية للبشرة, بيزيل الرؤوس السودا, وبيقلل المسام, وبينعم البشرة.

المكونات:

½ معلقة كبيرة خل التفاح.

1 معلقة كبيرة جيلاتين.

اي نوع زيت عطري تختاريه.

الطريقة:

اخلطي المكونات مع بعض وحطيهم في الميكروويف لمدة من 10 – 15 ثانية, او سيحيهم مع بعض على حمام مية سخنة, لحد ما الجيلاتين يدوب والمكونات تمتزج مع بعض كويس, افردي الماسك على البشرة, سيبيه لمدة من 5 – 10 دقايق, بعدها قشرية من على البشرة من تحت لفوق واغسلي البشرة بمية دافية, ممكن تكرريه مرة واحدة في الشهر.

وصفات طبيعية لبشرة خالية من العيوب 11
وصفات طبيعية لبشرة خالية من العيوب 11

12- ماسك الفحم وطين البنتونيت:

الماسك بيساعد على ازالة السموم من البشرة, ازالة الدهون الزيادة, بيمنع حب الشباب, بيقلل من البقع, بيشد وبيقلل حجم المسام, بيجدد انسجة الجلد, بيزيل الخلايا الميتة, بيجدد الجلد التالف, بيمنع وبيزيل الرؤوس السودا, بيقلل من ظهور ندبات حب الشباب, بينعم البشرة.

المكونات:

2 معلقة كبيرة طين البنتونيت.

3 كبسولات او حبوب فحم.

مية.

الطريقة:

اخلطي الفحم مع الطين في طبق ازاز او بلاستيك واعجنيهم بالمية وقلبيهم مع بعض بمعلقة خشب او بلاستيك لحد ما يتكون عندك خليط سميك سهل الفرد على البشرة, حطيه على البشرة وسيبيه من 5 – 7 دقايق او لحد ما ينشف خالص, بعدها اغسليه بمية دافية, وبعدها مية باردة عشان تقفلي المسام.

وصفات طبيعية لبشرة خالية من العيوب 12
وصفات طبيعية لبشرة خالية من العيوب 12

13- ماسك القرع:

بيساعد على تهدئة وتقشير البشرة, وتقليل الاحمرار.

المكونات:

¼ كوباية قرع مسلوق ومهروس.

1 بيضة.

1 معلقة كبيرة عسل نحل.

1 معلقة كبيرة لبن.

الطريقة:

اخلطي المكونات مع بعض كويس, افردي الماسك على البشرة, سيبيه لحد ما ينشف حوالي 20 دقيقة, وبعدها اغسليه بمية دافية.

وصفات طبيعية لبشرة خالية من العيوب 13
وصفات طبيعية لبشرة خالية من العيوب 13

14- ماسك ازالة الرؤوس السودا:

لو بتعاني من الرؤوس السودا الماسك ده فعال جدا في علاج المشكلة دي.

المكونات:

1 معلقة كبيرة جيلاتين.

من 2 – 3 معالق كبيرة لبن.

الطريقة:

اخلطي الجيلاتين مع اللبن وحطيهم في الميكروويف لمدة 15 ثانية, او سيحيهم مع بعض على حمام مية سخنة, افردي الماسك على البشرة وسيبيه لحد ما ينشف, وبعدين قشريه من تحت لفوق عكس اتجاه الشعر.

وصفات طبيعية لبشرة خالية من العيوب 14
وصفات طبيعية لبشرة خالية من العيوب 14

15- ماسك الزبادي:

الماسك بيساعد على تنضيف مسام البشرة, وازالة خلايا الجلد الميتة, وبيقلل من حجم المسام.

المكونات:

¼ كوباية زبادي.

½ معلقة صغيرة قرفة.

2 معلقة صغيرة عسل نحل.

الطريقة:

اخلطي المكونات مع بعض, افردي الماسك على البشرة, سيبيه لمدة من 10 – 15 دقيقة, وبعدين اغسليه بالمية.

وصفات طبيعية لبشرة خالية من العيوب 15
وصفات طبيعية لبشرة خالية من العيوب 15

16- ماسك الزبادي والكاكاو:

الماسك بيساعد على ترطيب البشرة وتقشيرها, وبيشدها, وبيحد لونها, وبيعالج البقع.

المكونات:

من 2 – 3 معالق كبيرة زبادي.

1 معلقة صغيرة كاكاو خام.

1 معلقة صغيرة لبن رايب.

من ¼ – ½ ثمرة موز مهروسة.

1 معلقة صغيرة عسل نحل.

1 معلقة صغيرة عصير ليمون.

الطريقة:

اخلطي المكونات كلها مع بعض, افردي الماسك على البشرة, سيبيه لمدة من 20 – 30 دقيقة, وبعدها اغسليه بمية باردة.

وصفات طبيعية لبشرة خالية من العيوب 16
وصفات طبيعية لبشرة خالية من العيوب 16

17- ماسك تفتيح وشد البشرة:

الماسك بيساعد على تفتيح وشد البشرة, بيساعد على ترطيبها, بيفتح البقع الغامقة, وبيسرع شفاء الجلد.

المكونات:

1 بياض بيضة.

½ معلقة عسل نحل.

½ معلقة عصير ليمون.

الطريقة:

اخلطي المكونات مع بعض واضربيهم كويس بالشوكة لمدة من 1 – 2 دقيقة, ادهني بشرتك بالماسك, سيبية لمدة 30 دقيقة او لحد ما ينشف خالص وتحسي ان بشرتك مشدودة, وبعدها اغسليه بمية دافية, وبعدها مية باردة.

وصفات طبيعية لبشرة خالية من العيوب 17
وصفات طبيعية لبشرة خالية من العيوب 17

18- ماسك الموز:

لو عايزة تجددي شباب الجلد بطريقة سريعة وبشكل فوري, يبقى الماسك ده هو المناسب ليكي.

المكونات:

2 معلقة صغيرة زيت جوز الهند.

1 بياض بيضة.

½ ثمرة موز.

قرفة “اختياري”.

عسل “اختياري”.

افوكادو “اختياري”.

الطريقة:

اخلطي الموز مع بياض البيضة وزيت جوز الهند, اضربيهم مع بعض في الخلاط لحد ما يبقى الخليط عندك ناعم, افردي الماسك على البشرة وسيبيه لحد ما ينشف, وبعدين اغسليه بمية دافية, كرريه مرتين في الاسبوع.

وصفات طبيعية لبشرة خالية من العيوب 18
وصفات طبيعية لبشرة خالية من العيوب 18

19- ماسك البرتقان:

الماسك ده مناسب جدا للبشرة الجافة لانه بيساعد على ترطيبها بشكل فعال جدا.

المكونات:

½ كوباية شوفان.

عصير برتقانة.

3 معالق كبيرة زبادي.

2 معلقة كبيرة عسل.

2 معلقة صغيرة قشر برتقان مجفف ومطحون.

الطريقة:

اخلطي المكونات كلها مع بعض كويس, ولو حسيتي ان الماسك سايل ممكن تزودي شوية شوفان, افردي الماسك على البشرة وسيبيه لمدة من 15 – 30 دقيقة, وبعدين اغسليه بمية دافية.

وصفات طبيعية لبشرة خالية من العيوب 19
وصفات طبيعية لبشرة خالية من العيوب 19

20- ماسك للتجاعيد:

الماسك ده بيساعد على تنعيم البشرة, وبيعالج التجاعيد, وبينضف البشرة من السموم.

المكونات:

2 معلقة كبيرة كاكاو خام.

1 معلقة كبيرة عسل.

1 ½ معلقة كبيرة زيت جوز الهند.

الطريقة:

اخلطي المكونات كلها مع بعض كويس, افردي الماسك على البشرة وسيبيه لمدة من 15 – 20 دقيقة, وبعدها اغسليه بمية دافية.

وصفات طبيعية لبشرة خالية من العيوب 20
وصفات طبيعية لبشرة خالية من العيوب 20

21- ماسك الشاي الاخضر:

الماسك بيساعد على تجديد البشرة وتنعيمها, وبيخليها مشرقة وصحية, بيساعد على تفتيحها, بيرطب البشرة, بيعالج علامات الشيخوخة, بيقلل من احمرار الجلد.

المكونات:

1 معلقة كبيرة شاي اخضر مطحون.

½ معلقة صغيرة صودا الخبز “الكربوناتو”.

من 1 – ½ معلقة صغيرة عسل.

الطريقة:

اخلطي المكونات مع بعض, افردي الماسك على البشرة سيبيه لمدة 10 دقايق او 5 دقايق بس للبشرة الجافة والحساسة, وبعدين اغسليه بالمية واثناء الغسيل دلكي البشرة في حركات دائرية.

وصفات طبيعية لبشرة خالية من العيوب 21
وصفات طبيعية لبشرة خالية من العيوب 21

22- ماسك القهوة واللبن:

ماسك القهوة واللبن بيساعد على علاج حب الشباب, وبيمنع شيخوخة الجلد, وبيساعد على تفتيح البشرة وترطيبها.

المكونات:

3 معالق صغيرة بن.

3 معالق صغيرة حليب جوز الهند.

الطريقة:

اخلطي البن مع لبن جوز الهند, افردي الماسك على البشرة, سيبيه لمدة من 15 – 20 دقيقة, بوعدين اغسليه بمية باردة مع التدليك في حركات دائرية.

وصفات طبيعية لبشرة خالية من العيوب 22
وصفات طبيعية لبشرة خالية من العيوب 22

23- ماسك تجميل الوجه الطبيعي:

الماسك ده ليه تأثير فعال وفوري في تجديد شباب البشرة وشدها, وتفتيحها, وترطيبها.

المكونات:

1 بياض بيضة.

عصير ليمونة.

1 معلقة صغيرة عسل.

الطريقة:

اخلطي المكونات مع بعض كويس, افردي الماسك على البشرة, سيبيه لمدة 20 دقيقة او لحد ما ينشف وتحسي بشرتك مشدودة, وبعدها اغسليه بمية باردة.

وصفات طبيعية لبشرة خالية من العيوب 23
وصفات طبيعية لبشرة خالية من العيوب 23

24- ماسك الشوكولاتة:

الماسك ده بيساعد على علاج علامات الشيخوخة, وبيشد البشرة, وبيجدد الجلد.

المكونات:

¼ كوباية كاكاو خام.

½ كوباية Sour cream او ¼ كوباية Heavy cream.

2 معلقة كبيرة شوفان.

3 معالق كبيرة عسل.

الطريقة:

اخلطي المكونات كلها مع بعض كويس, وسيبيها 5 دقايق تستريح, وبعدين افردي الماسك على البشرة وسيبيه لمدة 15 دقيقة, وبعدين اغسليه بمية فاترة.

وصفات طبيعية لبشرة خالية من العيوب 24
وصفات طبيعية لبشرة خالية من العيوب 24

افضل 10 مكونات لازم يكونوا عندك للوصفات الطبيعية

افضل مكونات للوصفات الطبيعية
افضل مكونات للوصفات الطبيعية

مقالات متعلقه

تحدي اليوم الواحد لتوهج بشرتك قبل الفرح

تحدي اليوم الواحد لتوهج بشرتك قبل الفرح

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب