ازاي تستخدمي الكوكاكولا عشان تخلي شعرك ناعم وبيلمع في 10 دقايق بس

بقلمريهام محمود فيشعر visibility15296

معظمنا تقريبا بنحب الكوكاكولا وبنشربها بشكل مستمر, لكن احنا النهاردة هنقولكم استخدام مختلف خالص ليها, هنستخدمها للشعر, عن تجارب بنات كتير للكوكاكولا على الشعر لاحظوا انها بتنعم الشعر وبتديه لمعه وكمان بتمنع هيشان الشعر, ومن خلال السطور الجاية هنقولكم طريقة استخدام الكوكاكولا للشعر, وليه بتعمل التأثير ده على الشعر.

طريقة استخدام الكوكاكولا للشعر:

– ليه الكوكاكولا بتساعد على تنعيم الشعر وبتديه لمعة ؟

الكوكاكولا غنية بحمض الفوسفوريك, وده بيخلي مستوى الحموضة اقل من المستوى اللي موجود في الشامبو اللي بيكون فيه مواد كيميائية, وتقريبا ازازة الكوكاكولا بتحتوي على درجة حموضة 2.5.

عشان كده لما بتحطيها على الشعر بتقبض الطبقة الخارجية للشعر, وده بيدي للشعر ملمس ناعم ولمعة.

طريقة استخدام الكوكاكولا للشعر
طريقة استخدام الكوكاكولا للشعر

– طريقة استخدام الكوكاكولا للشعر:

طريقة الاستخدام بسيطة جدا, كل اللي هتعمليه, هاتي حجم الكوكاكولا اللي يكفي طول وكثافة شعرك, جيبي الشعر كله على قدام وحطي الكوكاكولا على الشعر كله من الجذور للاطراف, سيبيه على الشعر من 5 – 10 دقايق, وبعدين اغسليه كويس بالشامبو بالطريقة العادية, هتلاحظي الفرق بشكل فوري هتلاقي شعرك ملمسه ناعم وفيه لمعة.

لو انتي عايزاه كيرلي بعد ما تغسليه سيبيه ينشف على طبيعته, الكوكاكولا هتدي شكل حلو جدا للكيرلي وهتثبته, ولو عايزاه مفرود ممكن تلفيه او تفرديه بالسيشوار بالطريقة العادية وهتلاحظي قد ايه الملمس بتاعه ناعم وفيه لمعة واضحة جدا.

طريقة استخدام الكوكاكولا للشعر
طريقة استخدام الكوكاكولا للشعر

الطريقة بالفيديو:

ولو انتي مش من محبات الكوكاكولا اوي, هنقولك كام وصفة كمان هتساعد انها تدي لمعة حلوة للشعر بشكل فوري وهتحسن ملمسه.

– الشاي الاسود:

الشاي الاسود مفيد جدا للشعر خصوصا لو انتي شعرك اسود او بني او بني غامق, كل اللي هتعمليه حطي 2 باكيت شاي في كوباية مية, وسيبيه منقوع من بالليل للصبح, بعد ما تغسلي شعرك بالشامبو بالطريقة العادية, حطي الشاي على الشعر, وسيبيه من 15 – 30 دقيقة وبعدها اغسليه بالمية والبلسم.

وصفات لشعر صحي
وصفات لشعر صحي

– الجيلاتين:

الجيلاتين بيحتوي على بروتين هيدروليزي, اللي بيساعد على علاج تلف الشعر وبيديه لمعان طبيعي, اخلطي 1 معلقة كبيرة جيلاتين في كوباية مية دافية لحد ما الجيلاتين يدوب خالص في المية, وبعدين ضيفي 1 معلقة صغيرة خل تفاح وقلبيهم مع بعض, بعدين خدي الخليط دلكي بيه الشعر وفروة الراس كويس, سيبيه لمدة 20 دقيقة, بعدها اشطفيه بالمية الدافية والشامبو والبلسم.

وصفات لشعر صحي
وصفات لشعر صحي

– زيت جوز الهند:

زيت جوز الهند مثالي جدا للشعر الجاف والتالف, لانه بيساعد انه يرجع الرطوبة تاني للشعر وبينعمه جدا بشكل فعال.

سخني كمية من زيت جوز الهند حسب طول وكثافة شعره, دلكي الشعر وفروة الراس, غطي الشعر بكيس بلاستيك او طاقية الحمام, وسيبيه لمدة 30 دقيقة تقريبا, وبعدين اغسليه بالمية الدافية والشامبو والبلسم بالطريقة العادية.

وصفات لشعر صحي
وصفات لشعر صحي

وبغض النظر عن الطريقة اللي اختارتيها من الطرق اللي قولناها فوق عشان تستخدميها, كرريها مرة كل اسبوع عشان توصلي لافضل النتايج, وزي ما بنقول دايما مع الوصفات الخارجية لازن تهتمي باكل صحي وتنامي كفاية لان كل ده بينعكس على صحة الشعر.

وصفة طبيعية هتوقف تساقط الشعر وهتخلي شعرك ينمو بشكل سريع

وصفة طبيعية لعلاج تساقط الشعر