8 اطعمة هتساعدك على تجديد الكبد وفقدان الوزن

بقلمريهام محمود فيتخسيس الوزن visibility995

كلنا عارفين ان الوصفة المثالية لفقدان الوزن هي الجمع ما بين التمارين والاكلات المناسبة, حاولي تركزي على الاكلات الصحية المفيدة للكبد بشكل خاص, لان الكبد هو المسئول عن حرق معظم دهون الجسم, فلو انتي ساعدتي الكبد انه يشتغل بشكل صح من خلال اختيار الاطعمة المناسبة, هيأدي وظيفته في حرق الدهون بشكل كبير جدا, عشان كده النهاردة من خلال المقال بتاعنا هنقولك افضل 8 اطعمة لصحة الكبد وفقدان الوزن.

اطعمة لصحة الكبد وفقدان الوزن:

1- الثوم:

الثوم واحد من الاطعمة المليانة بمجموعة من الفوايد الصحية, لانه غني بالسيلينيوم والليسين اللي بتساعد في تجديد وتطهير الكبد, وعشان الثوم يفيد الكبد بشكل كويس الافضل انه يتاكل الصبح قبل الفطار مباشرة, ممكت تبلعي كام فص ثوم مع كوباية مية, وعشان الريحة بكل بساطة ممكن تاكلي نعناع بعده هتضيع الريحة.

اطعمة لصحة الكبد وفقدان الوزن
اطعمة لصحة الكبد وفقدان الوزن

2- الجريب فروت:

الجريب فروت من الاطعمة المغذية جدا, بيحتوي على مستويات عالية من مضادات الاكسدة وفيتامين C والجريب فروت زي الثوم بيساعد على الحفاظ على الكبد نضيف وخالي من السموم والمواد المسرطنة, وبالنسبة لازاي وامتى تاكليه, حاولي تدخليه في وجبتك الصباحية سواء متقطع شرايح او عصير.

اطعمة لصحة الكبد وفقدان الوزن
اطعمة لصحة الكبد وفقدان الوزن

3- الشاي الاخضر او القهوة:

لو انتي من النوع اللي بيحب المشروبات طول اليوم, بننصحك انك تبعدي عن المشروبات الغازية وتستبدليها بالشاي الاخضر او القهوة, لان الشاي الاخضر والبن فيهم فوايد صحية كتير لما تستهلكيهم باعتدال, وواحدة من فوايدهم انهم بيساعدوا على صحة الكبد لانهم بيحتوا على مضادات الاكسدة زي البوليفينول اللي بتساعد على منع امراض الكبد وبالتالي ضمان ان الكبد مش هيتوقف عن حرق الدهون.

اطعمة لصحة الكبد وفقدان الوزن
اطعمة لصحة الكبد وفقدان الوزن

4- الافوكادو:

الافوكادو غني بالاحماض الدهنية الاوميجا 3, وده يعتبر نوع صحي من الدهون بيحتاجه الجسم, كمان الافوكادو بيساعد الكبد في انتاج مركبات زي الجلوتاثيون اللي بيساعد الكبد في حرق الدهون والتخلص من السموم, وهنلاقي كتير من خبراء التغذية والصحة بينصحوا بنظام غذائي غني بالافوكادو لانه بيساعد على فقدان الوزن.

اطعمة لصحة الكبد وفقدان الوزن
اطعمة لصحة الكبد وفقدان الوزن

5- الحنطة السوداء او القمح الاسود:

الحنطة السوداء او المعروفة كمان بالقمح الاسود او القمح الروسي غنية بمركب الاينوزيتول اللي بيساعد على تنظيم عملية التمثيل الغذائي, وكمان بيساعد على حماية الكبد, كمان اثبتت الدراسات انها بتمنع دهون الكبد, بالاضافة انها بتحتوي على الاحماض الامينية اللي بتحافظ على طاقة ونشاط الجسم اثناء ممارسة التمارين الرياضية.

اطعمة لصحة الكبد وفقدان الوزن
اطعمة لصحة الكبد وفقدان الوزن

6- الخرشوف:

الخرشوف من انواع الخضروات اللي بتساعد على فقدان الوزن وبتحافظ على صحة الكبد, ومش بس كده كمان بتحافظ على صحة البنكرياس, والانزيمات الطبيعية اللي موجودة في الخرشوف بتساعد على ازالة السموم من الكبد, وبتساعد على تحسين عملية الهضم بشكل صح وخصوصا الدهون.

اطعمة لصحة الكبد وفقدان الوزن
اطعمة لصحة الكبد وفقدان الوزن

7- الكركم:

الكركم من انواع التوابل المفيدة جدا للكبد, لانه بيحتوي على خصائص مضادة للالتهاب بتضمن صحة الكبد, وبيمنع امراض الكبد الدهنية, ممكن ترشيه على الاكل بشكل يومي, او تعملي شاي الكركم بخلطه مع العسل والمية الدافية  لفقدان الوزن.

اطعمة لصحة الكبد وفقدان الوزن
اطعمة لصحة الكبد وفقدان الوزن

8- البنجر والزبيب:

واحد من افضل العلاجات الطبيعية للكبد عشان يأدي وظايفة بشكل صح هو خليط البنجر والزبيب, والمشروب ده مش بس هيحافظ على الكبد ويساعد على انقاص الوزن, لكن كمان هيديكي جرعة كبيرة من المعادن والفيتامينات ومضادات الاكسدة, وطريقته بسيطة جدا.

اغلي 2 كوب مية وارفعيهم من على النار وضيفي لهم 300 جرام بنجر مفروم ناعم, و ½ كوباية زبيب, غطي الخليط وسيبيه لمدة 45 دقيقة, بمجرد ما يبرد حطيه في الخلاط واضربيه كويس لحد ما يبقى مشروب ناعم وكريمي, ضيفي له كام نقطة من عصير الليمون, واشربيه كل يوم الصبح لمدة 5 ايام ورا بعض.

اطعمة لصحة الكبد وفقدان الوزن
اطعمة لصحة الكبد وفقدان الوزن

23 نوع اكل هيساعدوكي على التخلص من دهون البطن

اكلات بتساعد على التخلص من دهون البطن
اكلات بتساعد على التخلص من دهون البطن