7 عادات صباحية بتخلي خسارة الوزن صعبة

ريهام محمود
ريهام محمود
4179

الطقوس او العادات الصباحية مهمة جدا لان هي اللي بتحدد ازاي هنكمل يومنا, يعني مثلا لو منمتيش كويس هتلاقي يومك كله مودك مش حلو ومصدعة وحاسه بتعب, ده كمان بينطبق على زيادة الوزن, في عادات صباحية ممكن تكوني بتعمليها وانتي مش واخدة بالك ممكن تسبب زيادة الوزن وتوجه جسمك طول اليوم انه يستهلك سعرات حرارية زيادة, والنهاردة من خلال موضوعنا هنقولك عادات بتخلي خسارة الوزن صعبة عشان تتجنبي تعمليها.

عادات بتخلي خسارة الوزن صعبة:

1- مش بتشربي كوباية مية بعد ما تصحي من النوم:

سواء ده كان بسبب نسيانك او عدم معرفة منك فكتير من الاشخاص بينسوا يعملوا العادة دي الصبح, شرب كوباية مية اول ما تصحي من النوم هي روتين بسيط جدا لكن ليه فوايد كتير, ولو بتنسي تشربي اول ما تقومي ممكن تخلي كوباية المية جنب السرير عشان اول ما تقومي تشربي, المية بتساعد على تسريع عملية التمثيل الغذائي, وبتخلي المعدة مستعدة لاستقبال وجبة الفطار بشكل اسهل, هتساعد على تنضيف الجسم من السموم, لو انتظمتي على عادة شرب كوباية المية كل يوم الصبح هتلاحظي انك بدأتي تفقدي دهون الجسم بشكل اسرع.

عادات بتخلي خسارة الوزن صعبة 1
عادات بتخلي خسارة الوزن صعبة 1

2- مش بتخلي الشمس تدخل المكان:

ضوء الشمس مفيد لاي وقت في اليوم, ولكن هو مفيد بشكل خاص اول ما تصحي من النوم, لان اشعة الشمس بتساعد على عملية التمثيل الغذائي انها تشتغل بشكل صح, وبتساعد جسمك انه يبقى مستعد لوجبة الفطار وكمان تتهضم بشكل صح, كمان هتتفاجئي من الطاقة اللي هتديهالك اشعة الشمس, 20 او 30 دقيقة من اشعة الشمس الصبح هتبقى مفيدة جدا لكتلة الجسم والمساعدة في عملية انقاص الوزن, عشان كده لو انتي بتنامي وانتي قافلة الستاير لازم تخلي من عاداتك الصباحية انك تفتحيها اول ما تقومي من النوم.

عادات بتخلي خسارة الوزن صعبة 2
عادات بتخلي خسارة الوزن صعبة 2

3- الاضافات على المشروب الصباحي:

لو انتي من الاشخاص اللي متعودين يشربوا قهوة الصبح, المشكلة مش هتبقى في القهوة نفسها لانها مفيدة وغنية بمضادات الاكسدة وبتساعد على عملية الهضم, لكن المشكلة هتبقى في الاضافات اللي بتتحط عليها سواء سكر او لبن, لان الحاجات دي هتزود السعرات الحرارية وكمان بتصعب عملية الهضم, عشان كده اشربي قهوتك من غير سكر او اي اضافات, وحتى الافضل كمان انك تستبدلي القهوة بالشاي الاخضر هو كمان يعتبر مضاد طبيعي للاكسدة, وهيساعدك تبقي نشطية طول اليوم.

عادات بتخلي خسارة الوزن صعبة 3
عادات بتخلي خسارة الوزن صعبة 3

4- بتتخطي وجبة الفطار:

في اشخاص كتير مش بيحبوا ياكلوا حاجة الصبح, لكن وجبة الفطار تعتبر اهم وجبة في اليوم ومينفعش تتخطيها لو انتي بتحاولي تخسري وزن, لكن في نفس الوقت حاولي تتجنبي الحاجات اللي فيها سكريات او مواد حافظة كتير, كلي وجبة خفيفة ومغذية في نفس الوقت, ممكن تشربي سموزي لانه سهل التحضير ومغذي وتقدري تاخديه معاكي وانتي بتتحركي عادي, وممكن تاكلي حاجة بسيطة زي طبق صغير من الشوفان او زبادي مع التوت هيكون كافي جدا عشان تبدأي يومك.

عادات بتخلي خسارة الوزن صعبة 4
عادات بتخلي خسارة الوزن صعبة 4

5- بتتخطي التمارين الصباحية:

سواء اليوجا او الجري, حاولي انك تدخلي التمارين في روتينك الصباحي كل يوم, ممكن يكون صعب او ناس كتير بتكسل عن التمرين الصبح اول ما تصحى من النوم, لكن هو مفيد جدا لو عايزة تخسري وزن, لان الرياضة هتساعد على زيادة عملية التمثيل الغذائي وهتنشط جسمك, كمان بتقلل الشهية, يعني لو استبدلتي وجبة الفطار الميانة بالسعرات الحرارية بجلسة يوجا لمدة 15 دقيقة او الجري هتلاقي نفسك بتميلي اكتر انك تاكلي وجبة فطار صحية.

عادات بتخلي خسارة الوزن صعبة 5
عادات بتخلي خسارة الوزن صعبة 5

6- قراية الاخبار الصبح:

قراية الاخبار ممكن تكون مضرة لروتين فقدان الوزن, لان اول ما بتصحي من النوم الخلايا بتشتغل بشكل اسرع من الطبيعي عشان تظبط جسمك انه يوصل لسرعته العادية, والاجهاد اللي عادة بيكون مرتبط بقراية الاخبار, هيحول الخلايا الجذعية لخلايا دهنية هيخليكي تكسبي دهون في الجسم, ونفس الشيء بينطبق لو حاولتي انك تعملي حاجات كتير اول ما تقومي من النوم الصبح, بدل كده حاولي تسمعي شوية موسيقى هادية, او قراية كام صفحة من كتاب, كل ما قلت ضغوطك الصبح هيكون فقدان الوزن اسهل.

عادات بتخلي خسارة الوزن صعبة 6
عادات بتخلي خسارة الوزن صعبة 6

7- النوم الزيادة:

اكيد لازم تنامي كل يوم عدد ساعات متقلش عن 7 – 8 ساعات, ولكن ميكونش اكتر من 10 ساعات, لان النوم الزيادة هيزود مؤشر كتلة الجسم وهيزود دهون البطن, لان الجسم بيكون متوقع تغذية تدخله لكن لما تنامي بدل ما تاكلي ده هيأدي لانتاج خلايا دهنية اكتر عشان يحصل على التغذية اللي لزماه, وكمان النوم المفرط هيأثر على عملية التمثيل الغذائي وعلى ميعاد وجبة الفطار بتاعتك, والحفاظ على اوقات الوجبات منتظم مهم لعملية فقدان الوزن.

عادات بتخلي خسارة الوزن صعبة 7
عادات بتخلي خسارة الوزن صعبة 7

في النهاية لو انتي شايفة ان خسارة الوزن عملية صعبة, احنا بنقولك ان تغيير بعض العادات في روتينك الصباحي هتخلي عملية خسارة دهون الجسم اسهل واسرع.

9 عادات لو عملتيهم هتساعدك على خسارة الوزن وتحسين صحتك بشكل فوري

عادات لتخسيس الوزن
عادات لتخسيس الوزن

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن