دليل كامل لاختيار البنطلون الجينز اللي يمشي مع كل لوك

ريهام محمود
ريهام محمود
2130

احيانا بيكون صعب اننا نختار البنطلون الجينز المناسب لينا, خصوصا ان بقى في موديلات وستايلات كتير ليه, عشان كده النهاردة من خلال المقالة بتاعتنا هنقول لكل بنات حوا دليل لاختيار البنطلون الجينز المناسب, والموديلات المختلفة ليه وايه الحاجات اللي ممكن تتلبس على كل موديل.

دليل لاختيار البنطلون الجينز:

1- ارتفاع البنطلون:

البنطلون الجينز حسب ارتفاع الوسط فيه منه خمس موديلات مختلفة.

– الوسط العالي High-waisted:

البنطلون الجينز اللي بوسط عالي بيكون ارتفاعه تقريبا عند مستوى السرة او اعلى شوية, والستايل ده من البنطلونات مش شرط يكون ضيق, والنوع ده كان منتشر جدا في التمانينات والتسعينات ورجع موضة تاني من 2010, وكقاعدة عامة ممكن تنسقي معاه شيميز تدخليه جوه البنطلون او Crop top, والموديل ده فيه ميزة انه بيبين الجسم اطول, ولو نسقتيه على حاجة واسعة من فوق بيساعد انه يداري منطقة البطن.

– الوسط الاصلي Original :

ارتفاع الموديل ده تقريبا زي الموديل اللي فات بيوصل لمستوى السرة, وتقدري تنسقي مع الستايل ده نفس الحاجات اللي فاتت اللي مع الوسط العالي, وفي الشتا هيكون مناسب جدا كمان لو نسقتي معاه شيميز, او بلوفر, او سويتر, وفي الصيف ممكن تلبسي عليه Crop tops, او بلوزات خفيفة, او شيميز ابيض كلاسيك.

– العادي او المتوسط Regular or medium:

العادي او المتوسط هو الارتفاع الكلاسيكي للوسط اللي موجود من اول ما ظهر البنطلون الجينز, وبيكون تحت السرة بشوية, والموديل ده مناسب لاي شكل جسم, وتقدري كمان تنسقي عليه اي حاجة من اول الجاكيت الكلاسيك وال bomber جاكيت والتوب.

– الوسط المنخفض Low:

الجينز اللي وسطه منخفض هيكون مناسب بس للبنات اللي بطنهم مسطحة, والموديل ده من البنطلونات مرتبط جدا بلبس الشيميز من جوه البنطلون, او مع ال Oversized sweater.

– الوسط ال Ultra-low:

الجينز المنخفض اوي الوسط بيكون منخفض اكتر عن الموديل اللي فات الموديل ده كمان بننصح بيه للبنات اللي جسمهم صغير وبطنهم مسطحة, لانه محيط الوسط بتاعه منخفض اوي ومش بيداري منطقة البطن, وتقدري تنسقي الموديل ده مع نفس الحاجات اللي نسقناها مع الموديل اللي فات اللي هو الوسط المنخفض.

دليل لاختيار البنطلون الجينز 1
دليل لاختيار البنطلون الجينز 1

2- وسع البنطلون:

البنطلون حسب الوسع متقسم لنوعين الضيق والواسع, وكل نوع فيهم فيه اكتر من ستايل هنشوفهم مع بعض.

– ال Slim:

الجينز ال Slim بيكون اوسع شوية من السكيني لو انتي مش بتحبي لبس السكيني الموديل ده هيكون مناسب ليكي, والموديل ده ميزته انه بيخفي عيوب الجسم لو اخترتيه بارتفاع Regular او Original.

– السكيني Skinny:

الجينز السكيني من الموديلات اللي بقت منتشرة جدا بقاله فترة, وتقدري تنسقيه مع اي حاجة من فوق, ولو عايزاه تلبسيه للشغل او لوك فورمال الافضل تختاري السكيني بارتفاع على الاقل Regular, ومتلبسيهوش ابدا مع ارتفاع منخفض Low, والجينز الضيق اللي بوسط منخفض مناسب بس للبنات اللي جسمهم نحيف او رياضي.

– ال Jeggings:

من اسمه كده باين ان الموديل خليط من ال Regular وال leggings, وده معناه انه ضيق كمان عن البنطلون السكيني, وتقدري تلبسيه في لوك كاجوال او فورمال للشغل لو اختارتي اللون المناسب, ولما تيجي تختاري البنطلون ال Jeggings اعتمدي على معيارين اساسين في الاختيار وهو انه يكون قريب للجينز من انه ليجينج, وميكونش شفاف.

دليل لاختيار البنطلون الجينز 2
دليل لاختيار البنطلون الجينز 2

– العادي Regular:

الموديل ده بتكون الرجل بتاعته Straight, وهنلاقيه موجود في كل الماركات تقريبا, والموديل ده مناسب لاي شكل جسم, وتقدري تنسقي معاه اي حاجة من فوق من القطع الكلاسيك للسبورتي, وممكن تلبسي عليه شوز بكعب عالي او شوز رياضي, عشان كده الموديل ده تقدري تشتريه وانتي مش قلقانة لانه هيليق على كل حاجة.

– ال Relaxed:

الموديل ده تقريبا شبه الموديل اللي فات, الفرق الوحيد ان ال Relaxed بيكون الوسط بتاعه دايما منخفض ورجله واسعة شوية, الافضل انك تتجنبي الموديل ده للشغل, ممكن تلبسيه في لوك كاجوال وتنسقي معاه شيميز كلاسيك, او توب من غير اكمام في الصيف, وفي الشتا ممكن تلبسي عليه بالطو او Puffer جاكيت.

– الواسع Loose:

الموديل ده كمان هنلاقيه في معظم الماركات العالمية المهتمة بال Street style, والموديل ده هيكون مناسب جدا لو نسقتيه مع القطع ال Oversized والشوزات الرياضية الضخمة.

– ال Boyfriend:

الموديل ال Boyfriend هنلاقي منه بوسط عالي او منخفض, وهنلاقيه مقطع او بألوان باهتة وغيرها من الستايلات عشان كده بيمشي مع اي شخصية, ودايما طوله بيكون الطول الكلاسيكي للبنطلون, وتقدري تنسقيه مع اي توب واي ستايل شوز, لكن الستايل ده مش مناسب بس للشغل او للمكتب.

دليل لاختيار البنطلون الجينز 3
دليل لاختيار البنطلون الجينز 3

3- قصة البنطلون:

– ال Tapered or tailored:

الموديل ده بيكون ضيق من اول الركبة لحد تحت عشان كده هو مناسب جدا للبنات اللي عندهم السيقان رشيقة, وتقدري تنسقيه مع اي ستايل شوز من الكلاسيك للرياضي.

– ال Straight:

الموديل ده بيكون كله وسع واحد من اول فوق لحد تحت, والستايل ده يعتبر كلاسيكي, وبيساعد في اخفاء عيوب الساقين, وبيليق على اي ستايل توب واي شوز.

– ال Boot:

الموديل ده موجود تقريبا من ايام الستينات, وتقدري تميزيه عن اي موديل تاني لانه بيكون نازل على واسع من تحت منطقة الركبة, وعادة الوسع بتاعه بيكون بنفس عرض الوركين, عشان كده هو مناسب جدا للبنات اللي عندهم منطقة الوركين عريضة لانه هيوازن من بين الجزء اللي فوق واللي تحت.

دليل لاختيار البنطلون الجينز 4
دليل لاختيار البنطلون الجينز 4

ازاي تختاري البنطلون الجينز المناسب ليكي حسب شكل جسمك

البنطلون الجينز المناسب حسب شكل جسمك
البنطلون الجينز المناسب حسب شكل جسمك

مقالات متعلقه

15 غلطة بتعمليها مع البنطلون الجينز

15 غلطة بتعمليها مع البنطلون الجينز

8 نصايح هتساعدك تختاري الجينز المناسب من غير ما تقيسيه

8 نصايح هتساعدك تختاري الجينز المناسب من غير ما تقيسيه

10 نصايح هتساعدك تختاري الجينز المثالي

10 نصايح هتساعدك تختاري الجينز المثالي