نصايح وأفكار إزاي تلبسي الجاكت الجلد القصير في الشتاء
عالم الموضة مؤخرا بقى يهتم بالملابس والتفصيل اللي تقدر تخلي الستات في العالم كله يقدروا يواجهوا يومهم وتحديات كل يوم براحة و بثقة من النفس اللي جزء منها بييجي أكيد من إحساسك انك لابسه حلو وشكلك شيك، وعشان احنا بنهتم دايما اننا نعرفك تفاصيل كل جديد في عالم الموضة والأزياء كان لازم نتكلم معاكي عن قطعة مهمة في خريف وشتاء 2019 مش لازم أبدأ تستغني عنها وهي الجاكت الجلد القصير، خلينا نبدأ على طول ..
نصايح وأفكار إزاي تلبسي الجاكت الجلد القصير في الشتاء
-الجاكت الجلد القصير بيعتبر قطعة مهمة جدا في دولابك لستيلاتك في الخريف والشتاء، ولو كنتى مش متعودة عليه ماتقلقيش عشان في المقال ده هنقولك إزاي تلبسيه صح وعلى الموضة، المهم انك لو بتحبي تجربي الحاجات الجديدة في ستايلاتك يبقى ضروري تشتري واحد.
-لون الـ Olive Green بيعتبر من الألوان اللى هتسير بشكل كبير على موضة الألوان الشتوية السنة دي، عشان كده جاكت جلد قصير من اللون ده هيفرق كتير في دولابك وهياخده لمستوى أعلى في 2019، جربي تلبسيه باللون ده أو بأي لون مع تيشرت وبنطلون جينز فاتح بأي ستايل تحبيه وبيبقى مناسب جدا مع تيشيرت بلون basic وجينز بلون أزرق فاتح، الستايل ده هيخليكي تعملى لوك كاجوال وكيوت في نفس الوقت.
– ممكن تجربي الجاكت الجينز القصير يألوان تانية زي الرصاصي والاسود، النبيتي ، البرجاندي والأبيض، ممكن تلبسيه مع بلوفر و جينز بلون أزرق غامق و سكارف منقوش لو كنتي محجبة، او ممكن تربطي الأسكارف على رقبتك علشان تدي للوك بتاعك لمسة كلاسيكية خفيفة تليق مع جو الخريف. ممكن كمان تجربي تلبسي الستايل ده من الجواكت على ميني سكيرت.
-البسي الجاكت الجلد مع قميص و دخلي القميص في الجيبة او البنطلون عشان تعملى لوك عفوي وشبابي أكتر، وممكن تلبسي معاه شوز فلات منقوش.
-كملى اللوك بتاعك بانك تلبسي معاه عقد او سلسلة وهاند باج مناسبة.
-ممكن تلبسي كمان معاه حزام رفيع على البنطلون و سكارف بلون mustard وتيشيرت منقوش، وشنطة ايد جلد بلون أصفر و كاجوال سكيني جينز عشان تعملى لوك منور وجرئ.
ودلوقتى اتفرجي معانا على ألبوم كامل بستايلات مختلفة تلهمك للوك بتاعك الجاي..
شوفي معانا كمان كل اللى محتاجة تعرفيه عن الجاكت الجلد قبل ما تقررى تشترى واحد
