7 نصايح تاخدى بالك منها عشان تجيبى درجات أعلى في أي إمتحان

آية حسان

في

1088

بدأنا دراسة خلاص و شوية شوية الشهور هتجرب ونلاقي نفسنا بقينا في الإمتحاناتن وحتى دلوقتي أكيد بيبقى عندك غمتحانات طول الوقت في الكلية و طبعا إمتحانات الدروس و المدرسة اللي مابتخلصش في الثانوية العامة، وكتير هتلاقي المدرس بتاعك كان بيديلك نصايح مهمة عشان تقدري تنجي فى امتحانك، بس أنت بتكوني مركزة أكتر فى الأسئلة اللى ممكن تجيلك فى الامتحان، ورغم إنك ممكن تكوني فعلا عارفه اجابة اسئلة الامتحان بس ممكن تلاقي نفسك مابتحليش كويس وتخسري درجات من القلق أو التوتر، عشان كده في المقال ده قررنا اننا نقولك على نصايح سهلة و بسيطه هتساعدك تركزي و تجيبى درجات أعلى في أي إمتحان ..

7 نصايح تاخدى بالك منها عشان تجيبى درجات أعلى في أي إمتحان

1- بصى على أسئلة الامتحان كلها :

بعض الطلبة بمجرد ما يستلمو ورقة الاسئلة يبدأو فى اول سؤال على طول من غير ما يراجعو الامتحان، الأفضل إنك تراجعى الامتحان بالكامل لان ده هيساعدك إنك تقيمى الامتحان وعدد صفحات الاجابة هتبقى اد ايه، كمان هيساعدك إنك ما تتصدميش من سؤال مجاش قبل كده .

2- حددى وقت معين لكل سؤال :

زى ما قلنا فى اول نصيحة إنك تشوفى الامتحان كله ، فتقدرى تحددى كل سؤال مثلا هياخد وقت أد ايه، لأن ده هيساعدك تخلصى امتحانك فى الوقت اللى حددتيه ومن غير ضغط ضيق الوقت وفي نفس الوقت هيساعدك تخلصي كل سؤال في وقت معين فالوقت مش هايضيع منك ولا يهلص قبل ما تجاوبي على كل الأسئلة.

3- ماتسبيش سؤال فاضى :

أكيد مش هتاخدى أى درجة لو أنتِ مش كاتبة حاجة فى ورقة الامتحان، فأفضل حل دايما إنك تخمنى السؤال وتكتبى الاجابة فى اى موضوع تقريبا، زى مثلا الرياضيات أو التاريخ، العلوم ممكن تلاقى نقط رئيسية تتكلمى فيها، عشان كده متحاوليش تسيبى سؤال فاضى أو مش متجاوب عليه لأن ده ممكن يأثر على درجاتك.

3- ركزي في نقاط القوة الخاصة بيكى :

كل مدرس بيختلف طريقة امتحانة عن غيره، فبعضهم بيبدأو بالاسئلة اللى بتكون إجاباتها متعددة، زي أكمل او اختر وعادة ما بتكون الأسئلة مقالية والنوع ده من الأسئلة بياخد وقت أطول، لو إنتِ عوزة تبدأى بالسؤال المقالى عشان يكون عندك الوقت الكافى لبقية الاسئلة، اعملى كده فورا. وفى البعض الآخر بيفضل أنه يبدأ بالاسئلة القصيرة عشان يقدروا يركزوا وياخدوا وقتهم فى الأسئلة المقالية.

4- دَوًرى على الإجابات فى الأسئلة :

لو قدامك أسئلة اختيارى لازم تخلى بالك لان ممكن الاسئلة يكون ليها كلمات رئيسية أو حتى إجابات لأسئلة تانية، يعنى مثلا، لو مش فاكرة اسم شخصية مهمة،ممكن يكون اسم الشخص ده مكتوب فى سؤال تانى بس محتاجه شوية تفكير .

5- اسألى لو مش فاهمه :

لو فيه نقطه فى السؤال مش مفهومة، أو لو مش متأكدة من اللى طالبُه المدرس بتاعك فى السؤال، اسألى المعنى المطلوب إيه. ماتحوليش تفترضى الغلط لأن ده ممكن يكلفك درجات أقل.

6- اتأكدى من كل حاجة :

قبل ماتسلمى ورقة الأسئلة لازم تكون متأكدة من الأسئلة إنك قرتيها بشكل صحيح وكمان جاوبتى على كل سؤال وعلى كل حاجة كان المفروض يتجاوب عليها، خدى بالك كمان من الأسئلة الفرعية الموجودة فى الأسئلة.