5 علامات تقولك ان في شخص بيحبك وانتي متعرفيش

ريهام محمود
ريهام محمود
في
حب
54680

هل ممكن تعرفي امتى ممكن شخص يقع في حبك؟ كتير من البنات ممكن يفكروا انهم يقدروا يكتشفوا ده بسهولة, لكن في الحقيقة ان العلامات اللي تبينلك حب شخص ليكي مش دايما بتكون واضحة او بتاخدي بالك منها, ساعات بتكون في علامات بسيطة يبان منها ان الشخص ده بيحبك, وده اللي هنعرفه النهاردة من خلال موضوعنا هنقول لكل بنات حوا علامات تقولك ان في شخص بيحبك وانتي متعرفيش او مش واخدة بالك.

علامات تقولك ان في شخص بيحبك:

1- دايما بيدور على اي سبب عشان يكلمك:

دايما هتلاقي الشخص اللي بيحبك بيخترع اي عذر او سبب عشان يكلمك او يفتح معاكي حديث, ده غير انه هتلاقيه على طول وقته متاح ليكي لو كلمتيه اي وقت هيكون موجود عشان يسمعك, هتلاقيه دايما ممكن يكلمك في اي موضوع مش مهم ويحاول يطول في المحادثة على قد ما يقدر, يعني هتلاقيه دايما بيلاقي اعذار عشان يكلمك حتى لو كانت مكالمة قصيرة او رسالة نصية.

علامات تقولك ان في شخص بيحبك 1
علامات تقولك ان في شخص بيحبك 1

2- ملامحه بتنور وبيفرح لما بيشوفك:

دايما بنقول كده لما بنشوف الشخص اللي بنحبه وشنا بينور وعينينا بتلمع وبنبقى فرحانين, ده بيحصل بالظبط مع الشخص اللي بيحبك, مجرد ما تمري من المكان اللي هو فيه مهما كان مشغول هيسيب كل اللي في ايده وينتبه له ووشه هينور على طول, ده معناه انه كان مستني انك تدخلي المكان اللي هو فيه ولما دخلتي ما صدق انه شافك, ولو قابلتيه في الشارع او اي مكان عام هتلاقيه متحمس جدا لمقابلتك وده هيبقى واضح عليه اوي لدرجة ان كل اللي حوالية ممكن يلاحظوه فرحتوا لما بيشوفك.

علامات تقولك ان في شخص بيحبك 2
علامات تقولك ان في شخص بيحبك 2

3- هيجيبلك دايما هدايا:

مش شرط تكون الهدية حاجة غالية, هي بس بيكون الهدف منها انه يالقي سبب يقدم بيه هدية ومش شرط تكون في مناسبة, يعني ممكن مثلا لو هو عارف انك بتحبي القراية يجيبلك كتاب في مجال اهتمامك, او يعزمك تشربوا حاجة في مكان, او اي حاجة بسيطة المهم انه يقدملك هدية.

ولو الهدية كانت قيمة مثلا مجوهرات او حاجة سعرها غالي في الحالة دي يبقى هو بيفكر في علاقة جدية, لان خبير العلاقات الدكتور “بام سبر” بيقول “ان الرجال لا يعطون الاشياء الجيدة الا اذا كنتي تعني شيئا خاصا” يعني ده معناه انك مميزة جدا عنده وليكي وضع خاص.

المهم انه هيقدملك في النهاية هدية ولو بسيطة عشان بس يشوفك سعيدة وبتبتسمي, وتأكدي دايما انك بتفكري فيه بنفس الطريقة اللي هو بيفكر بيها فيكي.

علامات تقولك ان في شخص بيحبك 3
علامات تقولك ان في شخص بيحبك 3

4- دايما هتلاقيه بيساعدك:

لو محتاجة مساعدة في اي حاجة هتلاقي دايما الشخص اللي بيحبك موجود في التوقيت ده وبيحاول يقدملك اي مساعدة انتي محتجاها, وهتبقي عارفة انك وقت ما هتحتاجي حاجة هو اول شخص هتروحي له او تطلبي منه المساعدة لانك متأكدة انه مش بيتأخر عنه اي وقت وهو اول شخص دايما بيقدم المساعدة, ودايما متعاون معاكي جدا, وهتلاقيه كمان بيبقى عايز يقضي وقت فراغه معاكي وفي نفس الوقت يتأكد انه مش مسبب لك ازعاج بأي شكل.

علامات تقولك ان في شخص بيحبك 4
علامات تقولك ان في شخص بيحبك 4

5- دايما مهتم بيكي:

ممكن يكون عندك هواية سرية محدش يعرف عنها حاجة او اشخاص قليلين اوي اللي يعرفوا بيها ومحدش عنده مثلا نفس اهتمامك بيها وبتمارسيها لوحدك في اوقات فراغك, لما الشخص ده يكتشف الهواية دي, فده معناه انه مهتم بيكي جدا وبيدور وراكي وبيحاول يعرف كل حاجة انتي بتحبيها, ومش بس كده هيحاول كمان ان هو يجرب معاكي الهواية دي.

وخبراء العلاقات بيقولوا ان الشخص المهتم فعلا هياخد وقته عشان يتعرف عليكي كويس, مش بيسأل بس عن عيلتك وهواياتك واهتماماتك, لا كمان هيكون مهتم يسمع اجاباتك ويركز فيها اوي, وهتلاقيه دايما فاكر اكلتك المفضلة وهوايتك المفضلة, وهيبقى عارف كل الحاجات اللي بتحبيها عشان يبين لك انه مهتم فعلا بطريقة شخصية.

لما شخص يقع في حبك هتلاقيه مهتم يسمع منك اي حاجة حتى لو حكاية مملة, هتلاقيه دايما بيسمعك باهتمام جدا وبيتفاعل معاكي عشان يوصلك انه مهتم وحابب ده حتى لو كان ممل.

علامات تقولك ان في شخص بيحبك 5
علامات تقولك ان في شخص بيحبك 5

في النهاية اننا نحب دي ممكن تكون اكتر حاجة حلوة ومبهجة في الحياة, لكن احيانا الموضوع بيكون مربك لانك مش بتقدري تحددي بالظبط او مش بتكوني متأكدة من تصرفات الشخص ده هل هي حب ولا لا, لكن مع ذلك زي ما قولنا ببعض التصرفات البسيطة زي اللي احنا قولناها دي تقدر تعرفك ان الشخص ده فعلا مهتم وبيحبك.

ليه بترفضي شخص لما تلاقيه مهتم بيكي زيادة عن اللزوم ؟

ليه بترفضي الشخص المهتم بيكي
ليه بترفضي الشخص المهتم بيكي

مقالات متعلقه

ازاي تخلي شريكك يفتقدك ويقدرك اكتر

ازاي تخلي شريكك يفتقدك ويقدرك اكتر

صفات المرأة المثالية اللي دايما بيقدرها الرجل ويحب وجودها في شريكة حياته

صفات المرأة المثالية اللي دايما بيقدرها الرجل ويحب وجودها في شريكة حياته

جمل لو قولتيهم لشريكك هتخليه يدوب في حبك

جمل لو قولتيهم لشريكك هتخليه يدوب في حبك