التغييرات اللي ممكن تحصل لجسمك لو رفعتي رجلك لمدة 20 دقيقة كل يوم

ريهام محمود
ريهام محمود
في
صحة
13475

مع رتم الحياة السريع وضيق الوقت هنلاقي كتير من الناس بيكونوا محتاجين تمارين فعالة وفي نفس الوقت متاخدش وقت ولا مجهود, ومنها تمرين رفع الرجل اللي معانا النهاردة اللي هيساعدك على التخلص من التعب وتحسين الحالة المزاجية بشكل كبير جدا وغيرها من الفوايد في 20 دقيقة بس في اليوم.

طريقة تمرين رفع الرجل:

– اختاري وضع مريح يكون قريب من الحيطة, وهاتي مخدة او فوطة ناعمة لفيها على شكل اسطوانة وحطيها عند منطقة اسفل الضهر.

– ارفعي رجلك لفوق وافرديها واسنديها على الحيطة, وايديكي تكون مسترخية جنب جسمك.

– خليكي على الوضع ده لمدة من 15 – 20 دقيقة.

الافضل وانتي بتعملي التمرين تكوني لابسة لبس واسع ومريح ومن غير حزام, والتمرين اي حد يقدر يعمله باستثناء الاشخاص اللي عندهم اصابة حديثة مزمنة في الساقين او العمود الفقري.

ولازم نخلي بالنا منبقاش بعيد عن الحيطة اوي ولا قريبين منها اوي يعني تكون المسافة مناسبة, ومتحطيش حاجة تحت الرقبة عشان متسببش توتر للعضلات, لو استمريتي على التمرين ده بشكل منتظم كل يوم بعد فترة قصيرة هتحسي بالتغييرات على جسمك.

تمرين رفع الرجل 1
تمرين رفع الرجل 1

فوايد تمرين رفع الرجل:

1- علاج التورم والتقل في الساقين:

التورم وتقل الساقين مرتبط بضعف الدورة الدموية, ومن الاسباب التانية للمشكلة دي انه ممكن يكون فيه قصور في وظايف القلب او الكلى او زيادة الوزن, او اتباع نظام غذائي غير صحي, واكيد هتكوني محتاجة انك تحددي سبب التورم, لكن في النهاي التمرين ده هيفيدك في كل الحالات لانه بيساعد على تحسين الدورة الدموية.

تمرين رفع الرجل 2
تمرين رفع الرجل 2

2- مش هتحسي بالتعب مع الكعب العالي:

كل البنات بيتعبوا من لبس الكعب العالي خصوصا لو لبستيه فترة طويلة, التمرين ده هيساعدك انك تتخلصي من الم الرجل بسبب لبس الكعب العالي, وبالاضافة للتمرين ده ممكن كمان تعملي تدليك للساقين وتاخدي شاور دافي هيساعد انه يريحك اكتر.

تمرين رفع الرجل 3
تمرين رفع الرجل 3

3- هيحسن الهضم:

تمرين رفع الرجل بيساعد على تحسين الهضم, لانه بيحسن تدفق الدم للاعضاء الداخلية من خلال تصريف الدم من الساقين للعضلات المسئولة عن الهضم في المعدة, وفي نفس الوقت زيادة الدورة الدموية بتحسن من عمل الجهاز الهضمي, ولو انتظمتي على التمرين ده بشكل يومي كل العناصر الغذائية اللي بتستهلكيها الجسم هيمتصها بسرعة.

تمرين رفع الرجل 4
تمرين رفع الرجل 4

4- هيحسن النظام العصبي ومش هتحسي بتوتر وضغط:

التمرين بيساعد على تحسين النظام العصبي وبيخلصك من التوتر والضغط, لان الاسترخاء مع استنشاق الهوا بيخلي انسجة الجسم تحصل على اكسجين اكتر وبيحسن دوران الدم, وبيزود كل الاعضاء الداخلية بالمغذيات, وكل ده مفيد للجهاز العصبي وبيقلل من توتر العضلات حوالين الرقبة والمعدة.

تمرين رفع الرجل 5
تمرين رفع الرجل 5

5- هيحسن نومك:

واحد من اسباب الارق هو ان الساقين ميكونوش مرتاحين بسبب التورم او الحرقان, وتمرين رفع الرجل بشكل منتظم هيساعدك تتخلصي من الاعراض دي, بالاضافة كمان ان المخ هيوصله اكسجين اكتر من خلال التنفس بشكل صحيح وتحسين الدورة الدموية, وبالتالي نومك هيبقى احسن وهتنامي بشكل عميق, لان التمرين يشبة التأمل اللي بيخليكي تحسي باسترخاء وتفصلي عن المشاكل والضغوط, وده بيخلي الجسم والعقل في حالة سلام.

تمرين رفع الرجل 6
تمرين رفع الرجل 6

ياللا جربوا التمرين وشاركونا النتايج.

10 عادات تعمليها عشان تحسني من صحتك النفسية حسب علماء النفس

10 عادات تعمليها عشان تحسني من صحتك النفسية حسب علماء النفس
10 عادات تعمليها عشان تحسني من صحتك النفسية حسب علماء النفس

مقالات متعلقه

7 حيل هتساعدك تنامي بسرعة

7 حيل هتساعدك تنامي بسرعة

10 حيل رائعة للجسم هتغير حياتك

10 حيل رائعة للجسم هتغير حياتك

8 حاجات ممكن تعمليها هتخلصك من التوتر والألم بسهولة

8 حاجات ممكن تعمليها هتخلصك من التوتر والألم بسهولة