23 نوع اكل هيساعدوكي على التخلص من دهون البطن

ريهام محمود
ريهام محمود
10774

دهون البطن من اكتر المشاكل المنتشرة واللي دايما بنقعد ندورلها على حل, وكلنا بندور على انواع الاكل اللي ممكن تساعد على انقاص الوزن في منطقة البطن, والحقيقة ان بعض الدهون في البطن مفيد لانها بتحمي الاعضاء في المعدة, لكن لو زادت عن الحد المسموح هنا بتكون المشكلة, والخبر الحلو ان في اكلات بتساعد على التخلص من دهون البطن بشكل اسرع هنعرفها النهاردة مع بعض, بالاضافة طبعا للنشاط البدني اللي بيساعد على نتايج افضل.

اكلات بتساعد على التخلص من دهون البطن:

1- اللبن:

كوباية لبن كامل الدسم غنية بالمواد الغذائية كل يوم الصبح هتساعد انها تملى معدتك لفترة طويلة, وانك متجوعيش بسرعة, والكامل الدسم هيكون افضل من الخالي الدسم لانه قيمته الغذائية اعلى.

اكلات بتساعد على التخلص من دهون البطن 1
اكلات بتساعد على التخلص من دهون البطن 1

2- اللوز:

اللوز غني بالاوميجا 3 وبيحتوي على سعرات حرارية منخفضة, كلي على الاقل ½ كوباية لوز قبل التمرين, او كوجبة خفيفة بين الوجبات الاساسية.

اكلات بتساعد على التخلص من دهون البطن 2
اكلات بتساعد على التخلص من دهون البطن 2

3- الافوكادو:

الافوكادو بيحتوي على الدهون الصحية, ممكن تفرديه في الساندوتشات بدل استخدام الزبدة, او تضيفيه للسلطة.

اكلات بتساعد على التخلص من دهون البطن 3
اكلات بتساعد على التخلص من دهون البطن 3

4- الفول:

الفول فعال جدا في انقاص الوزن, لانه مصدر غني بالبروتين والالياف, لو اكلتي كوباية ونص فول في اليوم هيملى معدتك ويخليكي شبعانة لفترة طويلة.

اكلات بتساعد على التخلص من دهون البطن 4
اكلات بتساعد على التخلص من دهون البطن 4

5- البروكلي:

البروكلي كمان من الاكلات الفعالة في حرق دهون البطن, لانه بيحتوي على المغذيات النباتية اللي بتزود عملية التمثيل الغذائي, وتقليل الالتهاب والسموم في الجسم.

اكلات بتساعد على التخلص من دهون البطن 5
اكلات بتساعد على التخلص من دهون البطن 5

6- القرنبيط:

القرنبيط بيساعد جسمك على حرق السعرات الحرارية بشكل اسرع بدل من هضمها وتحويلها لدهون.

اكلات بتساعد على التخلص من دهون البطن 6
اكلات بتساعد على التخلص من دهون البطن 6

7- البطاطس المسلوقة الباردة:

بعد ما تسلقي البطاطس, سيبيها تبرد لانها بالطريقة دي بيبقى فيها نوع نشا مقاوم بيمر في الامعاء من غير ما يتحول لدهون, بعد سلق البطاطس, ضيفي لها فلفل اسود, وزبادي ومسطردة, وحطيها في التلاجة لمدة 24 ساعة وبعدين كليها.

اكلات بتساعد على التخلص من دهون البطن 7
اكلات بتساعد على التخلص من دهون البطن 7

8- الشوربة:

شوربة الفراخ, او شوربة مع الخضروات, او المشروم, بتساعد على تقليل السعرات الحرارية في الجسم, كليها قبل وجبتك الرئيسية هتساعد انك تاكلي كمية اكل اقل.

اكلات بتساعد على التخلص من دهون البطن 8
اكلات بتساعد على التخلص من دهون البطن 8

9- زيت جوز الهند:

زيت جوز الهند بيحتوي على خواص بتساعد على محاربة دهون البطن, واللي تعتبر كمان كويسة لنسبة الكوليسترول والهضم.

اكلات بتساعد على التخلص من دهون البطن 9
اكلات بتساعد على التخلص من دهون البطن 9

10- الجبنة ال Cottage او القريش:

الجبن اللي بتتعمل في البيت زي الجبنة القريش او ال Cottage بتحتوي على بروتين الكازين, اللي هيخليكي متجوعيش, كلي جبنة مع بسكويت قبل النوم بكام ساعة هيخليكي متاكليش وجبة تانية بالليل في وقت متأخر.

اكلات بتساعد على التخلص من دهون البطن 10
اكلات بتساعد على التخلص من دهون البطن 10

11- البيض:

البيض غني بالبروتين وده بيساعد انه يملى المعدة فترة طويلة ويخليكي متجوعيش بسرعة.

اكلات بتساعد على التخلص من دهون البطن 11
اكلات بتساعد على التخلص من دهون البطن 11

12- السمك:

الاسماك غنية بالاحماض الدهنية الاوميجا 3 والبروتين, اللي بتساعد على زيادة التمثيل الغذائي في الجسم, يعني هتحرقي الدهون بشكل اسرع وبالتالي ده هيأدي لانقاص الوزن.

اكلات بتساعد على التخلص من دهون البطن 12
اكلات بتساعد على التخلص من دهون البطن 12

13- الشاي الاخضر:

الشاي الاخضر غني بمضادات الاكسدة, وبيساعد على زيادة التمثيل الغذائي في الجسم.

اكلات بتساعد على التخلص من دهون البطن 13
اكلات بتساعد على التخلص من دهون البطن 13

14- الكيوي:

الكيوي بالاضافة لباقي الفواكة الحمضية زي البرتقان والليمون والجريب فروت, غنية بالالياف, تقدري تعملي بيها سلطة فاكهة, او تاكلي كل نوع لوحده, او تعمليها سموزي.

اكلات بتساعد على التخلص من دهون البطن 14
اكلات بتساعد على التخلص من دهون البطن 14

15- الخضروات الورقية الخضرا:

الخضروات الورقية الخضرا زي السبانخ والكرفس وغيرهم بتحتوي على مواد كيميائية طبيعية المفيدة للمعدة, وتقدري تستخدميهم بكل بساطة في طبق السلطة بشكل يومي.

اكلات بتساعد على التخلص من دهون البطن 15
اكلات بتساعد على التخلص من دهون البطن 15

16- المشروم:

المشروم غني بفيتامين D والباحثين اثبتوا ان النظام الغذائي اللي بيحتوي على فيتامين D ممكن يساعدك على التخلص من السمنة في منطقة البطن.

اكلات بتساعد على التخلص من دهون البطن 16
اكلات بتساعد على التخلص من دهون البطن 16

17- الشوفان:

الشوفان بالاضافة انه غني بالالياف, بيحتوي كمان على الكبروهيدرات الكاملة اللي بتساعد انها تملى المعدة لفترة طويلة وبالتالي هتخليكي متحسيش بالجوع بسرعة, اهم حاجة تختاري نوع من غير سكر.

اكلات بتساعد على التخلص من دهون البطن 17
اكلات بتساعد على التخلص من دهون البطن 17

18- محار البحر:

غني بالزنك, وبيتحكم في مستويات الليبتين اللي بتساعد على تنظيم الشهية.

اكلات بتساعد على التخلص من دهون البطن 18
اكلات بتساعد على التخلص من دهون البطن 18

19- زبدة الفول السوداني:

زبدة الفول السوداني بتحتوي على مستويات عالية من الاحماض الامينية اللي بتتحلل للفينيل الانين, وده هرمون بيسساعد على تقليل الشهية وحرق الدهون.

اكلات بتساعد على التخلص من دهون البطن 19
اكلات بتساعد على التخلص من دهون البطن 19

20- البرقوق:

المركبات اللي موجودة في البرقوق بتقلل من امتصاص الخلايا للدهون اثناء عملية الهضم.

اكلات بتساعد على التخلص من دهون البطن 20
اكلات بتساعد على التخلص من دهون البطن 20

21- بذور القرع:

كمية قليلة جدا من بذور القرع بتمد الجسم باحتياجه اليومي من المغنسيوم, والمغنسيوم من العناصر اللي بتساعد على تقليل الدهون في منطقة البطن.

اكلات بتساعد على التخلص من دهون البطن 21
اكلات بتساعد على التخلص من دهون البطن 21

22- الفلفل الحار:

الفلفل الحار بيحتوي على مركب اسمه الكابسيسين, اللي ليه خاصية فعالة جدا في حرق الدهون, وكمان بتساعد انك تحسي ان معدتك مليانة اكتر بعد الوجبة.

اكلات بتساعد على التخلص من دهون البطن 22
اكلات بتساعد على التخلص من دهون البطن 22

23- الزبادي:

الزبادي بتحتوي على البروبيوتيك المعروف انه بيساعد على انقاص الوزن, كمان بيملى المعدة ببكتيريا الامعاء اللي بتساعد على الهضم, وبالتالي ده بيخليها من افضل الاطعمة اللي ممكن تساعد على انقاص الوزن في منطقة البطن.

اكلات بتساعد على التخلص من دهون البطن 23
اكلات بتساعد على التخلص من دهون البطن 23

– ايه الاسباب اللي ممكن تخليكي متفقديش الوزن في منطقة البطن:

بيحصل في بعض الاوقات اننا ممكن ناكل الاكل الصح وبنمارس رياضة لكن مش بيكون كافي بردو لخسارة الدهون في منطقة البطن, وحسب كلام الخبراء ان ممكن تلاقي صعوبة في فقدان دهون البطن لاكتر من سبب:

1- مش بتمارسي الجري على ال Treadmill او زومبا:

تمارين الكارديو بتساعد على حرق السعرات الحرارية, وتحويل الدهون لعضلات خصوصا حوالين منطقة البطن والوركين, وممكن تمارسي رياضة برفع اوزان عشان تشكلي عضلات جسمك.

2- القلق والاكتئاب:

الباحثين اثبتوا ان القلق اوالتوتر والاكتئاب بيرفع من مستويات الكورتيزول, اللي بيخليكي تتجهي لاكل اكلات غير صحية وانتي مودك مش حلو وبالتالي ده بيأدي لتراكم الدهون في منطقة البطن, التفكير الايجابي مفيد ليكي عقليا وجسمانيا, ممكن تكوني محتاجة لمجهود عشان تتخلصي من مشاعر القلق والاكتئاب وتحوليها لمشاعر ايجابية.

3- مش بتنامي كويس:

حسب خبراء الصحة اثبتوا ان قلة النوم ممكن يزود من مستوى الليبتين في الجسم ويقلل من مستوى هرمون الجريلين, وده بيخليكي تميلي اكتر لاكل الاكلات عالية السكر والسعرات الحرارية عشان تحافظي على طاقتك, عشان كده لازم تبدأي تنامي كويس, تدربي جسمك على مواعيد ثابتة للنوم كل يوم, والاهم انك تخلي اوضة النوم مهيئة تماما وابعدي اي اجهزة الكترونية عن مكان نومك.

شوفي من هنا ازاي تستعدي للنوم..والحاجات اللي تعمليها وتتجنبيها قبل النوم.

4- المشروبات الغازية الدايت:

كتير من اللي بيمشوا على دايت وفي نفس الوقت بيحبوا المشروبات الغازية بيشربوا النوع الدايت او الخالي من السكر لكن مع ذلك هو في الحقيقة بيفضل فيه نسبة سكر عالية, وبعض الدراسات اثبتت ان السكر الصناعي في المشروبات الدايت بتسبب زيادة الوزن في منطقة البطن, والافضل انك تبدأي تشربي مية بدل المشروبات الغازية, ولو هتشربي عصير اشربي العصاير الطبيعية اللي معمولة في البيت وخالية من السكر بدل العصاير المعلبة الجاهزة.

في النهاية ممكن يكون فقدان الوزن مش سهل ومحتاج وقت, لكن لو التزمتي بالاكلات المناسبة هتساعدك على انقاص الوزن في منطقة البطن, جنب العادات الصحية اليومية والانشطة البدنية بشكل منتظم, هتلاحظي النتايج بشكل اسرع.

اكلات بتساعد على التخلص من دهون البطن 24
اكلات بتساعد على التخلص من دهون البطن 24

3 مكونات لو ضفتيهم للقهوة هيخلصوكي من دهون البطن وهيسرعوا حرق الدهون في الجسم

وصفة للتخلص من دهون البطن
وصفة للتخلص من دهون البطن

مقالات متعلقه

تمارين ونظام غذائي فعال للحصول على بطن مسطحة

تمارين ونظام غذائي فعال للحصول على بطن مسطحة

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

تمرين بسيط للتخلص من ترهل البطن في 3 اسابيع بس

تمرين بسيط للتخلص من ترهل البطن في 3 اسابيع بس