طريقة عمل المكرونة باللحمة والمشروم الكلاسيكية classic Beef Stroganoff

آية حسان
آية حسان
1525

الأكلة دى من شكلها تبقى من اصعب الأكلات، ولكنها أسهل من أى طبق ممكن تقدميه لعيلتك، هتحتاج منك بس 20 دقيقة عشان تحضريها، في المقال ده بنات حوا هيقدمولك وصفة سهلة لتحضير المكرونة ورغم انها كلاسيكية الا انها مابتقدمش ابدأ ودايما بتطلع لذيذة ومفيدة، اعرفي معانا في المقال ده ازاي تعملي طريقة عمل المكرونة باللحمة والمشروم الكلاسيكية classic Beef Stroganoff بالمقادير والخطوات خوة بخطوة، يلا نبدأ على طول.. 

المقادير :

كيلو لحم بقرى متقطع

2 كوب ونص من الماشروم متقطع شرائح

2 بصل مقطع شرائح

فص ثوم مفروم ناعم

ربع كوباية زبدة

كوباية ونص من المرقة

نص ملعقة صغيرة ملح

ملعقة صغيرة صلصة

ربع كوباية دقيق

3  كوبايات من المكرونة النودلز المطبوخة

كوباية ونص من كريمة الطبخ

Classic Beef Stroganoff
Classic Beef Stroganoff

طرية التحضير : 

الخطوة الأولى:

نبدأ نقطع قطع اللحم شرايح رفيعه بسُمْك نص بوصة تقريبا، أو حسب السمك اللى تحبيه. 

الخطوة الثانية: 

فى طاسة هنحط الزبدة على درجة متوسط وبعدين نحط الفطر والبصل والثوم المفروم ونقلبهم كل شوية وبعدين نشيل الخليط من الطاسة بعد البصل ما يبقى طرى .

الخطوة الثالثة: 

هنضيف شرائح اللحم فى نفس الطاسة ونحط عليها كوباية المرق والملح والصلصة وبعد ما يبدأ اللحم فى الغليان، نهدى النار لمدة ربع ساعة.

الخطوة الرابعة:

هندوب مقدار الدقيق مع نص كوباية المرق وبعد كده نحط الخليط ده على شرائح اللحم فى الطاسة.

الخطوة الخامسة:

بعد كده هنضيف خليط البصل للحم ونسيب الطبخة تغلى مع التقليب المستمر لمدة دقيقة وبعدين نضيف القشطة لحد ما تسخن من غير غليان .

الخطوة السادسة:

نضيف الخليط على المكرونة النودلز المطبوخة،  وممكن تزينيه بالبقدونس أو الريحان حسب الرغبة، وبالهنا والشفا .

اعرفي معانا كمان طريقة عمل وصفة اللحمة والاسباجيتي مع نودلز الكوسة

مقالات متعلقه

طريقة عمل صدور الفراخ بالسبانخ والجبنة Hasselback Chicken

طريقة عمل صدور الفراخ بالسبانخ والجبنة Hasselback Chicken

طريقة عمل رول البطاطس باللحمة المفرومة والجبنة

طريقة عمل رول البطاطس باللحمة المفرومة والجبنة

وصفة يخنة الفراخ مع السجق الاسبانية السهلة

وصفة يخنة الفراخ مع السجق الاسبانية السهلة