طريقة عمل الكرواسون بالخطوات والفيديو

بقلمريهام محمود فيمطبخ visibility260

لكل عشاق المعجنات وبشكل خاص الكرواسون, النهاردة جايبين لكم طريقة عمل الكرواسون هنشوفوا مع بعض خطوة بخطوة وكمان فيديو لطريقة تحضيره, والكرواسون من المخبوزات اللذيذة جدا اللي ممكن تاكليها كوجبة فطار.

طريقة عمل الكرواسون:

المكونات:

– 1 ¼ معلقة صغيرة خميرة.

– 3 معالق كبيرة مية دافية.

– 1 معلقة صغيرة سكر ابيض.

– 1 ¾ كوباية دقيق.

– 2 معلقة صغيرة سكر ابيض.

– 1 ½ معلقة صغيرة ملح.

– 2/3 كوب لبن دافي.

– 2 معلقة كبيرة زيت او زبدة.

– 2/3 كوباية زبدة غير مملحة, باردة.

– بيضة.

11- 1 معلقة كبيرة مية.

المكونات دي تقريبا هتعمل 12 واحدة كرواسون.

طريقة عمل الكرواسون
طريقة عمل الكرواسون

طريقة التحضير:

1- اخلطي الخميرة, مع المية الدافية, و1 معلقة صغيرة سكر, وسيبيه لحد ما الخليط يتخمر كويس ويفور.

طريقة عمل الكرواسون
طريقة عمل الكرواسون

2- في طبق حطي الدقيق, هاتي اللبن الدافي دوبي فيه 2 معلقة صغيرة والملح, بعدها اخلطيهم مع الدقيق والخميرة وضيفي عليهم الزيت, واعجني كل المكونات مع بعض كويس لحد ما يبقى قوامها ناعم وسلس معاكي, ممكن تعجنيها بايدك او في العجان, غطي الخليط وسيبيه لحد ما يخمر وحجمة يزيد تقريبا 3 مرات, حوالي 3 ساعات تقريبا, بعدين فرغيها من الهوا بالراحة, وسيبيها تخمر تاني لمدة 3 ساعات كمان, وبعدين فرغي منها الهوا وسيبيها تهدى 20 دقيقة.

طريقة عمل الكرواسون
طريقة عمل الكرواسون

3- اثناء ما احنا سايبين العجينة تهدى, هنحضر الزبدة عشان نستخدمها في الفرد, حطي الزبدة بين طبقتين من كيس بلاستيك, وافرديها بالنشابة لسمك مناسب.

طريقة عمل الكرواسون
طريقة عمل الكرواسون

4- هاتي العجينة افرديها بالنشابة على شكل مستطيل, حطي على العجينة مربع الزبدة “ولو لقتيه طري اوي ممكن تحطيه في التلاجة شوية”, افردي الزبدة على العجينة بالنشابة, بعدها اتني العجينة نصين واضغطي عليها بايدك افرديها, وبعدين افرديها بالنشابة تاني على شكل مستطيل عشان الزبدة تدخل في العجينة كويس, كرري تني المستطيل تاني زي الصورة اللي قدامنا كده, وبعدين لفي العجينة في غلاف بلاستيك, وحطيه في التلاجة لمدة من 1 – 2 ساعة تقريبا.

طريقة عمل الكرواسون
طريقة عمل الكرواسون

5- بعدها طلعيه من التلاجة, وافرديه تاني بالنشابة وبعدين طبقيه على بعضه تاني, وسيبيه في التلاجة 24 ساعة قبل ما تبدأي في تشكيله.

6- طلعي العجين من التلاجة ورشي شوية دقيق على الرخامة, قسمي العجينة لنصين, وافرديه بالنسابة على شكل مستطيل, وحطيه في التلاجة لمدة 20 دقيقة, اقطعي اطراف العجينة عشان تبقى متساوية, وابدأي قطعيه على شكل مثلثات.

7- ابدأي لفي المثلت من الطرف العريض عشان تاخد شكل الهلال, بعد ما تخلصي العجينة كلها, رصيهم في صينية, وغطيهم بكيس بلاستيك وسيبيهم يرتاحوا شوية قبل ما يدخلوا الفرن.

طريقة عمل الكرواسون
طريقة عمل الكرواسون

8- ادهني وشهم بالفرشة بخليط من البيض واللبن عشان ياخدوا اللون الدهبي, سخني الفرن لمدة 10 دقايق وبعدين دخليهم على درجة حرارة 200 درجة, حطيهم الاول على الرف اللي فوق لمدة 15 دقيقة, وبعدها انقليهم للرف اللي تحت, وبمجرد ما ياخدوا اللون الدهبي طلعيهم من الفرن وسيبيه يبرد.

طريقة عمل الكرواسون
طريقة عمل الكرواسون

 الطريقة بالفيديو:

بالصور والخطوات: طريقة عمل العيش الفينو في البيت

بالصور والخطوات طريقة عمل العيش الفينو في البيت
بالصور والخطوات طريقة عمل العيش الفينو في البيت