ليه بترفضي شخص لما تلاقيه مهتم بيكي زيادة عن اللزوم ؟

ريهام محمود
ريهام محمود
10944

تقريبا معظم البنات بيمروا بالمشكلة دي, انك بعد ما تتعرفي على شخص ومع الوقت يبدأ يقرب منك اكتر, ويهتم بيكي ويبعت رسايل ويبقى في اتصالات اكتر بينكم, في اللحظة دي انتي بتلاقي نفسك خوفتي وبتحاولي تبعدي من غير اسباب وبتبدأي تشوفي اهتمامه ازعاج, والنهاردة من خلال موضوعنا هنقولك ليه بترفضي الشخص المهتم بيكي وبتبدأي تخافي وتبعدي.

التفكير التقليدي او الكلاسيكي للموضوع ده ان كتير مننا بيحب ان يبقى مطارد من شخص او يحس ان في شخص بيعمل المستحيل عشان يوصله, وبمجرد ما ده يحصل انتي بتبدأي تفقدي الاهتمام, والطبيعي اننا بنشوف الاشخاص اللي حوالينا جذابين اكتر طول ما احنا حاسين انهم مش عايزنا او احنا مش في دايرة اهتمامهم.

– لكن ليه بترفضي الشخص المهتم بيكي فعلا وايه الاسباب لده ؟

1- الخوف من العلاقة الحميمية:

لو بيحصل معاكي دايما انك بتبعدي باي شخص تحسي انه مهتم بيكي زيادة عن اللزوم, ده ممكن يرجع ان انتي عندك مشكلات في العلاقة الحميمية وخايفة انك تاخدي خطوات جدية وتكملي لانه اهتمامة ده اشارة على تقدم العلاقة وانها ممكن تاخد شكل رسمي, وبالتالي ده بيخليكي تبعدي.

ليه بترفضي الشخص المهتم بيكي 1
ليه بترفضي الشخص المهتم بيكي 1

2- الخوف من الجرح او الاذيه من العلاقة:

كمان لما الشخص بيقرب اكتر, ده بيخليكي معرضة انك تتجرحي بسهولة وبشكل اصعب, عشان كده بتنسحبي عشان تحمي نفسك انك ممكن تتجرحي او تتأذي من العلاقة, بعض الاشخاص ممكن يلاقوا الامان في الرفض وبيفضلوا انهم يبقوا في ال Safe side.

ليه بترفضي الشخص المهتم بيكي 2
ليه بترفضي الشخص المهتم بيكي 2

3- دايما بتدوري على الشخصية والنضج:

دايما اي بنت بتكون محتاجة في حياتها راجل شخصيته قوية وناضح, في الحالة دي بتبقي مش عايزة تربطي حياتك بشخص انتي محور حياته كلها او مافيش احداث او اهتمامات كتير في حياته, وبالتالي ده بيخليكي تبعدي عن الشخص ده لما تلاقيه مهتم بيكي زيادة عن اللزوم.

لان النضج والشخصية القوية بتظهر لما بتلاقي الشخص مستقل, لكن لما بتلاقيه مهتم زيادة عن اللزوم ده بيتفسر عندك انه احتياج وانه شخص مش مستقل ولا ناضج.

ليه بترفضي الشخص المهتم بيكي 3
ليه بترفضي الشخص المهتم بيكي 3

– ازاي تعرفي السبب الحقيقي ورا رفضك لشخص:

انتي تقدري تعرفي ليه بتبعدي لما تحسي ان الشخص اللي معاكي مهتم زيادة عن اللزوم, لو فكرتي كده في ارتباطك بحد قبله وتحاولي تعرفي ليه كنتي بتبعدي او سبب رد فعلك ده لانه غالبا هيكون واحد, فكري كده هل هي العلاقة الحميمية, ولا بتخافي انك تتجرحي او تتأذي, ولا شخصيته.

وممكن اصحابك او الاشخاص المقربين منك يقولولك انك مجرد ما هتلاقي الشخص الصح او المناسب مش هتهربي منه, بس هل ده صحيح فعلا؟ ولا المشكلة فيكي انتي, لازم تفكري في ده وتراجعي ماضي علاقاتك عشان تقدري تعرفي, ممكن تلاقي نفسك انك هربتي من شخص كان مناسب وفيه كل اللي انتي عايزاه.

عشان كده لازم تحاولي انك متخافيش مجرد ما تلاقي شخص مهتم ولا حتى متواصل معاكي على السوشيال ميديا بلايكات او كومنتات بس, لان في النهاية ممكن يكون المشكلة مش فيهم لكن عندك انتي انك دايما بتخافي زيادة عن اللزوم اول ما تحسي انك شخص بيقرب منك باي طريقة.

ليه بترفضي الشخص المهتم بيكي 4
ليه بترفضي الشخص المهتم بيكي 4

10 حاجات بتعمليهم تقولك انك فقدتي الاهتمام في العلاقة ولازم تنهيها

علامات تقولك انك فقدتي الاهتمام في العلاقة
علامات تقولك انك فقدتي الاهتمام في العلاقة

مقالات متعلقه

تفضلي سينجل افضل من المحاربة في علاقة غلط ، اعرفي السبب

تفضلي سينجل افضل من المحاربة في علاقة غلط ، اعرفي السبب

صفات المرأة المثالية اللي دايما بيقدرها الرجل ويحب وجودها في شريكة حياته

صفات المرأة المثالية اللي دايما بيقدرها الرجل ويحب وجودها في شريكة حياته

هل الصمت هيخليه يشتاقلك؟ اعملي ال 12 حاجة دول عشان تتأكدي ان ده هيحصل

هل الصمت هيخليه يشتاقلك؟ اعملي ال 12 حاجة دول عشان تتأكدي ان ده هيحصل