وصفة طبيعية هتوقف تساقط الشعر وهتخلي شعرك ينمو بشكل سريع

ريهام محمود
ريهام محمود
في
شعر
5214

تساقط الشعر هو عملية طبيعية بتحصل لشعرك لما تكون في المعدل الطبيعي لتساقط الشعر, لكن لما تلاحظي ان التساقط بشكل زيادة هنا هتبقى في مشكلة ومحتاجة علاج, والنهاردة من خلال موضوعنا هنقولك وصفة طبيعية لعلاج تساقط الشعر وكمان هتخلي شعرك ينمو بشكل سريع.

– تعالوا نعرف الاول ايه هي اسباب تساقط الشعر:

تساقط الشعر ممكن يحصل لاسباب كتير منها

1- الشيخوخة.

2- مرض في جهاز المناعة.

3- متلازمة المبيض المتعدد التكيسات.

4- اضطراب الغدة الدرقية.

5- عدم التوازن الهرموني.

6- الامراض المزمنة.

7- النقص الغذائي.

8- التدخين بشكل مفرط.

9- التوتر الزيادة.

لكن لحسن الحظ ان المكونات الطبيعية ادتنا حل للمشكلة دي, وده اللي هنشوف من خلال الوصفة اللي معانا النهاردة.

وصفة طبيعية لعلاج تساقط الشعر 1
وصفة طبيعية لعلاج تساقط الشعر 1

– وصفة طبيعية لعلاج تساقط الشعر:

المكونات:

1 صفار بيضة.

2 معلقة كبيرة زيت خروع.

1 معلقة كبيرة عسل نحل.

الطريقة:

في طبق اخلطي كل المكونات مع بعض وقلبيهم كويس, بعدها ابدأي وزعي الخليط على الجذور وعلى الشعر كله لحد الاطراف, غطي شعرك بطاقية الشعر او كيس بلاستيك وسيبيه لمدة ساعتين.

بعدها اغسلي شعرك بشامبو وبلسم خفيف, كرري الوصفة دي مرة واحدة في الاسبوع على الاقل لمدة شهرين, هتساعد على تغذية الشعر بشكل صح وبالتالي ده هيزود نمو الشعر.

وصفة طبيعية لعلاج تساقط الشعر 2
وصفة طبيعية لعلاج تساقط الشعر 2

– فوايد مكونات الخلطة للشعر:

كل المكونات اللي استخدمناها تعتبر تركيبة مثالية جدا لصحة الشعر وسرعة نموه.

1- صفار البيض: غني بالمعادن زي الماغنسيوم, الكالسيوم, الحديد, البوتاسيوم, وكمان غني بالفيتامينات زي فيتامين A, B6, B12, D, E, K, وغني بالاحماض الامينية, وكل المكونات دي مفيدة جدا للشعر.

2- زيت الخروع: بيحتوي زيت الخروع على خصائص مضادة للاكسدة ومضادات التهابات قوية, واللي بتساعد على منع ظهور فروة الراس الجافة, وانقسام اطراف الشعر, وبتساعد على زيادة نمو الشعر.

3- العسل: غني بالفيتامينات زي B1, B2, B6, B12, P, C, PP, وفيتامين K, وبروفيتامين A, وحمض الفوليك وغيرها من الفيتامينات اللي بتوفر المغذيات للشعر وبتخليه اقوى وانعم.

ياللا جربوا الوصفة وشاركوا النتايج, والميزة فيها انها بسيطة وسهلة ومش مكلفة.

وصفة طبيعية لعلاج تساقط الشعر 3
وصفة طبيعية لعلاج تساقط الشعر 3

8 فوايد مذهلة لعلاج الشعر بالمايونيز..وازاي تستخدميه في الوصفات الطبيعية

وصفات طبيعية بالمايونيز لعلاج الشعر
وصفات طبيعية بالمايونيز لعلاج الشعر

مقالات متعلقه

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

افضل زيوت لعلاج اطراف الشعر المتقصفة

افضل زيوت لعلاج اطراف الشعر المتقصفة

ضيفي الملح للشامبو قبل الشاور لحل اكبر مشاكل شعرك

ضيفي الملح للشامبو قبل الشاور لحل اكبر مشاكل شعرك