3 مكونات لو ضفتيهم للقهوة هيخلصوكي من دهون البطن وهيسرعوا حرق الدهون في الجسم

ريهام محمود
ريهام محمود
10190

دهون البطن من اكتر المشاكل اللي بيقابلها كتير من البنات وبيلاقوا صعوبة انهم يتخلصوا منها, وغالبا المشكلة دي بتظهر بسبب نظام غذائي واسلوب حياة غلط, ودايما في حالة بحث عن اسهل الطرق اللي ممكن تقضي على البطن, عشان النهاردة من خلال موضوعنا هنقولك على وصفة للتخلص من دهون البطن مكوناتها بسيطة جدا, والوصفة مش هتخلصك بس من مشكلة البطن كمان بتساعد على تسريع عملية التمثيل الغذائي او حرق الدهون في الجسم.

وصفة للتخلص من دهون البطن:

الوصفة بتتكون من 3 مكونات بس تضيفيهم للقهوة, وهما زيت جوز الهند, والقرفة, وعسل النحل, والكاكاو “اختياري”.

1- زيت جوز الهند: بيعزز عملية التمثيل الغذائي في الجسم, وكمان بيتحكم في معدل استهلاك الطاقة اللي بتساعد على حرق دهون البطن.

2- القرفة: القرفة غنية جدا بمضادات الاكسدة, وخصائص مضادة للالتهابات اللي بتساعد على تعزيز عملية التمثيل الغذائي في الجسم وتحويل السكر بسرعة لطاقة للجسم.

3- عسل النحل: العسل غني بالفيتامينات والمعادن, ولما تضيفي العسل للقهوة, هتساعد كمان على حرق دهون البطن.

وصفة للتخلص من دهون البطن 1
وصفة للتخلص من دهون البطن 1

المكونات:

– ¾ كوباية زيت جوز الهند.

– 1 معلقة صغيرة قرفة بودر.

– ½ كوباية عسل نحل.

– 1 معلقة صغيرة كاكاو “اختياري”.

طريقة التحضير:

في طبق اخلطي كل المكونات مع بعض كويس, وافضلي قلبيهم لحد ما تلاقي الخليط بقى ناعم وسلس معاكي, حطي الخليط في برطمان واحتفظي بيه في التلاجة.

وصفة للتخلص من دهون البطن 2
وصفة للتخلص من دهون البطن 2

طريقة الاستخدام:

اعملي القهوة بالطريقة العادية, وصبيها في الفنجان وضيفي لها وهي سخنة من 1 – 2 معلقة صغيرة من الخليط اللي احنا حضرناه وقلبيها كويس عشان تتأكدي ان زيت جوز الهند داب كويس في القهوة وبعدين اشربيها.

انتظمي على المشروب ده كل يوم الصبح هتلاحظي ان دهون البطن بدأت تختفي بعد كام مرة بس من شربه, وكمان زي ما قولنا هيسرع من عملية التمثيل الغذائي وحرق الدهون في الجسم.

وصفة للتخلص من دهون البطن 3
وصفة للتخلص من دهون البطن 3

8 مشروبات لانقاص الوزن بشكل سريع

مشروبات لانقاص الوزن
مشروبات لانقاص الوزن

مقالات متعلقه

تمارين ونظام غذائي فعال للحصول على بطن مسطحة

تمارين ونظام غذائي فعال للحصول على بطن مسطحة

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

تمرين بسيط للتخلص من ترهل البطن في 3 اسابيع بس

تمرين بسيط للتخلص من ترهل البطن في 3 اسابيع بس