ازاي تدخلي اللون التيل والمسطردة في الديكور
في
منوعات
5364
اختيار الالوان في الديكور مهم جدا, زي ما قولنا قبل كده هو مش بس عشان يبقى في تناسق لكن كمان الالوان ليها تأثير على المود, ومن الالوان التريندي جدا والمريحة في الديكور هي التيل والمسطردة, والنهاردة من خلال موضوعنا هنشوف مع بعض افكار تنسيق التيل والمسطردة في الديكور وايه الالوان التانية اللي ممكن تدخل معاهم.
افكار تنسيق التيل والمسطردة في الديكور:
ممكن تجيبي الاثاث باللون التيل والحيطة تبقى الدرجة الاغمق, والمسطردة تستخدميه كاكسسوار او اضافات على الاثاث.
ممكن تجمعي ما بين التيل والمسطردة في مخدات الانتريه.
او تعملي لون الحيطة تيل ويبقى الاساس باللون المسطردة.
وتقدري تنسقي التيل بكل درجاته من الغامق للفاتح مع اللون المسطردة بكل درجاته.