أفضل الوصفات الطبيعية عشان تلاقي حل لكل مشاكل البشرة

بقلمآية حسان فيبشرة visibility1441

معظم البنات ان ماكانش كلهم بيعانوا من مشاكل كتير في البشرة، من حب الشباب لفرط التعرق أو البشرة الدهنية وكمان ظهور التجاعيد بدري وغيرها من المشاكل، وعشان مش دايما نقدر نشترى مستحضرات علاجية و تجميلية غالية وكمان أوقات كتير لو رحنا للدكتور مابنكملش، فى المقال ده بنات حوا هيقولوك على أفضل الوصفات الطبيعية عشان تلاقي حل لكل مشاكل البشرة .. 

أفضل الوصفات الطبيعية عشان تلاقي حل لكل مشاكل البشرة

ماسك جوة الطيب لحب الشباب : 

امزجي جوزة الطيب مع اللبن والعسل كويس وبعد كده افردي الماسك على الوجه كله، بعد 30 دقيقة أغسلي وشك بمياة بارده و جففي وشك بطريقة الطبطبة

حب الشباب
حب الشباب

ماسك الكركم لعلاج البشرة الدهنية: 

امزجي كمية قليلة من الدقيق مع الكركم و الزبادى وقلبيهم كويس لحد ما يكونوا مزيج كريمي، افرديه على الوجه والرقبة و سيبيه نص ساعه وبعد كده اغسلي وشك بمياه فاتره

البشرة الدهنيه
البشرة الدهنيه

ماسك الصبار لعلاج التجاعيد: 

امزجي جل الصبار الخام وممكن تشتريه من الصيدلية أو تستخرجيه بنفسك بانك تقشري الصبار لو عندك في البيت مع العسل و زيت جوز الهند، افردي المزيج على الوجه كله وبعد كده اغسلي وشك بمياه فاتره. 

التجاعيد الخفيفة

ماسك الموز لعلاج البشرة الجافة: 

اهرسي ثمرة موز و حطي عليها عسل ابيض واخلطيهم ببعض، بعد كده افردي المزيج بالتساوي على الوجه كله و سيبيه لحوالي 30 دقيقة.

ماسك الشوفان لعلاج تلون البشرة: 

لعلاج تلون البشرة اهرسي بطاطساية وضيفي عليها شوفان مطحون وعسل أبيض واخلطيهم مع بعض، وبعد كده افرديه على وشك بالتساوي وسيبيه لمدة 30 دقيقة، مع الاستخدام المستمر الوصفة ده هتساعدك على توحيد لون البشرة و هتزيد من نضارتها. 

أفضل الوصفات الطبيعية عشان تلاقي حل لكل مشاكل البشرة
أفضل الوصفات الطبيعية عشان تلاقي حل لكل مشاكل البشرة