تسريحات شعر اطفال للمدرسة سهلة وسريعة

بقلمريهام محمود فيشعر visibility388

من المهمات الصعبة اللي بتقابل كل ام كل يوم الصبح هي تسريحة الشعر للمدرسة, وبتبقى عايزة تسريحات سريعة وفي نفس الوقت شكلها حلو, والنهاردة من خلال موضوعنا هنساعد كل الامهات في المهمة دي وهنشوف مع بعض تسريحات شعر اطفال للمدرسة سهلة وسريعة.

تسريحات شعر اطفال للمدرسة:

1- تسريحة الفيونكة:

للتسريحة دي هتحتاجي توكة, بنس شعر, ومكوة شعر, مشط سنانه واسعة.

اول حاجة اعملي ديك حصان في مستوى متوسط ولا عالي ولا منخفض اوي, قسمي ديل الحصان 4 اجزاء, خدي جزئين كبار من كل جنب, وخصلة صغيرة من فوق, وباقي الشعر سايب, الجزئين اللي في الجنب كل جزء فيهم اتنيه لجوه بالمكوى وثبتيه كويس تحت الشعر بالبنس, خدي الخصلة الصغيرة اللي فوق ضفريها ولفيها فوق الفيونكة عشان تداري بيها الاستك, وباقي الشعر السايب اعمليه كيرلي واسع بالمكوى.

تسريحات شعر اطفال للمدرسة
تسريحات شعر اطفال للمدرسة

2- ديل حصان على شكل قلب:

قسمي الشعر نصين, اعملي اتنين ديل حصان بارتفاع متوسط, قسمي كل ديل حصان لنصين, خدي كل نص ابرميه ولفية لفوق, وبعدين اشبكيهم مع بعض من تحت باستك.

تسريحات شعر اطفال للمدرسة
تسريحات شعر اطفال للمدرسة

الطريقة بالفيديو:

3- تسريحة Triple low updo:

قسمي الشعر تلات اجزاء, واعملي كل جزء ديل حصان منخفض, اتني كل خصلة لتحت وثبتيها بالبنس, وبعدين امسكي الشعر افرديه على فوق وثبتيه بالبنس.

تسريحات شعر اطفال للمدرسة
تسريحات شعر اطفال للمدرسة

4- تسريحة Faux waterfall:

بتاخدي خصلة شعر صغيرة من قدام وضفريها, واشبكيها باستك من تحت, دلوقتي ابداي افتحي الشعر من بين فروق الضفيرة, وخدي خصلة شعر من جنب الضفيرة دخليها جواها ومرريها للجنب التاني, وهكذا لحد ما توصلي لنص الضفيرة, خدي باقي الضفيرة اشبكيها ببنسة تحت الشعر.

تسريحات شعر اطفال للمدرسة
تسريحات شعر اطفال للمدرسة

الطريقة بالفيديو:

5- تسريحة Under braids:

التسريحة سهلة جدا هتاخدي خصلتين من الشعر من قدام, ضفري الخصلتين ضفرتين جنب بعض, وبعدين خديهم على ورا واشبكيهم ببنس تحت الشعر.

تسريحات شعر اطفال للمدرسة
تسريحات شعر اطفال للمدرسة

6- تسريحة Rose bun:

خدي تقريبا 1/3 الشعر من قدام, قسميه 3 خصل وضفري كل خصلة واحدة واشبكيها باستك من تحت, خدي كل ضفيرة لفيها على شكل كحكة وثبتيها بالبنس.

تسريحات شعر اطفال للمدرسة
تسريحات شعر اطفال للمدرسة

7- تسريحة Elsa’s braid:

خدي 1/3 الشعر من قدام سرحيه بالمشط بالعكس عشان تنفشيه وتعملي له Volume,اعمليه ديل حصان, وبعدين ابدأي ضفرية, ولما تنزلي لنص الشعر كده ابدأي خدي خصل شعر من الجنبين دخليها مع الضفيرة, وافضلي ضفري لحد ما توصلي لنهاية الشعر اشبكيه باستك من تحت.

تسريحات شعر اطفال للمدرسة
تسريحات شعر اطفال للمدرسة

8- تسريحة Elsa’s coronation bun:

خدي الجزء بتاع القوصة من قدام وابدأي ضفرية ضفيرة جانبية لحد النص بس واشبكيها بتوكة, وبعدين لميها مع باقي الشعر واعمليه كحكة جانبية منخفضة.

تسريحات شعر اطفال للمدرسة

الطريقة بالفيديو:

9- تسريحة Triple braid:

قسمي الشعر تلات خصل, ضفري كل خصلة لوحدها واشبكيها باستك, وبعدين جمعي التلات ضفاير على ورا في ضفيرة واحدة واشبكيهم باستك.

تسريحات شعر اطفال للمدرسة

10- تسريحة Dutch pigtails:

قسمي الشعر نصين وضفري كل جنب بس ابدأي الضفيرة من قدام من اول منطقة القوصة, واشبكيها من تحت باستك.

تسريحات شعر اطفال للمدرسة

الطريقة بالفيديو وهتلاقوا في الفيديو تسريحات تانية:

11- تسريحة Twisty bun:

اقسمي الشعر نصين, اعملي كل نص ديل حصان بارتفاع متوسط, كل نص اقسمية خصلتين ولفيهم على بعض, واشبكيه باستك من تحت, وبعدين خدي كل نص للجنب التاني وثبتيهم بالبنس.

تسريحات شعر اطفال للمدرسة

12- تسريحة Classy pony:

اقسمي الشعر نصين بس خلي النص اللي ورا اكبر من اللي قدام, بعدين خدي النص اللي ورا اعمليه ديل حصان بارتفاع متوسط, والجزء اللي قدام, قسميه نصين بس خلي بردو نص اكبر من نص وابدأي خدي كل نص لورا للجنب التاني فوق ديل الحصان وثبتيه بالبنس.

تسريحات شعر اطفال للمدرسة

13- تسريحة Bubble ponytail:

اعملي ديل حصان بارتفاع متوسط, وبعدين قسميه حسب طول شعرك, وعند كل جزء حطي استك, وحاولي تخلي الشعر منفوش شوية مش محكوم كله بالاستك.

تسريحات شعر اطفال للمدرسة

14- تسريحة Rope twisted ponytail:

اعملي ديل حصان عادي بارتفاع متوسط, قسميه لنصين, وبعدين لفي النصين على بعض واشبكيهم من تحت باستك.

تسريحات شعر اطفال للمدرسة

15- تسريحة Bumped up ponytail:

تسريحة ديل حصان عادية بس هنسرح فيها الشعر بالمشط بالعكس عشان نديها Volume وتبقى واخدة الشكل اللي باين قدامنا في الصورة ده, بس هما هنا استخدموا اكسسوار شعر اتحط تحت الجزء اللي قدام عشان يفضل مرفوع بس لو مش متوفرة ممكن تكتفي بس انك تسرحي الشعر بالعكس.

تسريحات شعر اطفال للمدرسة

16- تسريحة Triple twisted ponytail:

قسمي الشعر نصينو خدي نص واحد منهم قسميه تلات خصل, ابرمي كل خصلة لوحدها, وبعدين جمعيهم مع باقي الشعر في الجنب التاني واشبكيهم مع بعض باستك.

تسريحات شعر اطفال للمدرسة

17- تسريحة Ballerina bow bun:

اعملي الشعر كله ديل حصان مرتفع, طلعي خصلة رفيعة من الشعر وبعدين اعملي باقي الشعر كحكة وثبتيها بالبنس, الخصلة اللي انتي طلعتيها اعمليها ضفيرة ولفيها حوالين الكحكة وثبتيها بالبنس, وبعدين حطي توكة فيونكة تحت الكحكة.

تسريحات شعر اطفال للمدرسة

تسريحات شعر اطفال للمدرسة

18- تسريحة The 2 way braid:

اقسمي الشعر نصين, ضفري كل نص ضفيرة عادية واشبكيها باستك, وبعدين خدي كل ضفيرة للجنب التاني وثبتيها بالبنس, وممكن تحطي توكه على شكل وردة او فيونكة في الشعر من ورا او في الجنب.

تسريحات شعر اطفال للمدرسة

19- تسريحة Dutch fishtail braids:

قسمي الشعر نصين بس خلي جنب اكبر من جنب, خدي الجنب الاكبر خدي خصلة منه ابدأي ضفريها وانتي بتضفري خدي خصل الشعر دخليها مع الضفيرة, افضل ضفريها لحد ما توصلي بيها للجنب التاني, خدي الشعر اللي في الجنب التاني ضفرية ديل سمكة وبعدين لمي الاتنين مع بعض وضفري باقي الشعر ديل سمكة, اشبكيهم باستك من تحت, وحطي توكه من فوق.

تسريحات شعر اطفال للمدرسة

20- تسريحة الضفرتين:

بكل بساطة هتاخدي خصلة شعر صغيرة من كل جنب وتعمليها ضفيرة, وبعدين تجمعيهم مع بعض على ورا وتشبكيهم بتوكة فيونكة.

تسريحات شعر اطفال للمدرسة

21- تسريحة ضفيرة مع ديل حصان:

خدي الجزء بتاع القوصة من قدام, قسميه تلات خصل, خدي اول خصلة اشبكيها مع الخصلة اللي بعدها بالاستك, وبعدين خديهم الاتنين اشبكيهم مع الخصلة الاخيرة, وضفريهم ولمي الضفيرة مع باقي الشعر بتوكة فيونكة ديل حصان منخفض.

تسريحات شعر اطفال للمدرسة

22- تسريحة تلات ضفاير مع ديل حصان:

هتاخدي الجزء اللي من قدام من الشعر تقسميه تلات خصل, ضفري كل خصلة لوحدها, وبعدين جمعي التلات ضفاير على ورا مع باقي الشعر واعمليه ديل حصان منخفض واربطيه بتوكة فيونكة.

تسريحات شعر اطفال للمدرسة

23- تسريحة ضفاير مع كحكة:

قسمي الشعر نصين وضفري كل جنب ضفيرة عادية, بعدين جمعي الضفرتين مع بعض على ورا اعمليهم كحكة منخفضة وثبتيها بالبنس, وحطي فوق الكحكة توكة فيونكة كبيرة.

تسريحات شعر اطفال للمدرسة

24- تسريحة الضفيرة التاج:

لمي الشعر كله على ورا واعمليه ضفيرة, اشبكيها باستك, وبعدين خدي الضفيرة لفيها على الشعر من قدام وثبتيها بالبنس, وممكن تحطي توكة من الجنب على شكل وردة او اي شكل متوفر عندك.

تسريحات شعر اطفال للمدرسة

25- تسريحة الضفاير:

خدي 1/3 الشعر من قدام قسمية تلات خصل, ضفري كل خصلة لوحدها, وجمعيهم مع بعض على ورا مع باقي الشعر واعمليهم ضفيرة كبيرة واشبكيهم باستك من تحت, وحطي توكة على الضفيرة من فوق.

تسريحات شعر اطفال للمدرسة

26- تسريحة ديل حصان:

خدي 1/3 الشعر من قدام قسمية تلات خصل, ولمي كل خصلة لوحدها بتوكة صغيرة, وبعدين جمعي التلات خصل على ورا مع باقي الشعر واعملي ديل حصان بارتفاع متوسط.

تسريحات شعر اطفال للمدرسة

27- تسريحة ضفيرة جانبية:

خدي خصلة من الشعر من الجنب, وانتي بتضفري خدي معاكي باقي الشعر دخليه في الضفيرة, وضفري لحد ما يخلص الشعر اشبكيه من تحت بالاستك.

تسريحات شعر اطفال للمدرسة

ودي مجموعة تسريحات شعر للاولاد:

تسريحات شعر مناسبة للشغل سريعة وسهلة وعملية

تسريحات شعر مناسبة للشغل