افكار سهلة وصحية لوجبات اللانش بوكس في المدرسة

بقلمريهام محمود فيمطبخ visibility402

الامهات كلهم تقريبا بيبقوا في حيرة كل يوم بسبب وجبات اللانش بوكس للمدرسة, وبيحتاروا في تنظيم الوجبات خلال الاسبوع, عشان كده النهاردة هنساعد كل الامهات في المهمة دي وهنقولك افكار لوجبات اللانش بوكس عشان تقدري تنوعي لهم كل يوم وتديهم في نفس الوقت وجبات صحية.

افكار لوجبات اللانش بوكس:

– اولا: السندويتشات:

الساندوتشات تقدري تنوعي فيها بشكل يومي وهنقولك اختيارات كتير تقدري تختاري منهم صنف كل يوم.

جبنة تركي, جبنة فلمنك, جبنة شيدر, جبنة نستو, جبنة كوبايات, جبنة جودة, جبنة بيضا بالفلفل والطماطم, جبنة كيري, جبنة فيتا, جبنة قريش بالزعتر, سلطة جنية باللانشون, بطاطس مهروسة, بطاطس مهروسة بالمايونيز, بطاطس محمرة, سلامي, مربى اي نوع بيفضلوا الطفل, لانشون لحمة او فراخ “والافضل يكون بيتي”, رومي مدخن, بيض بالبسطرمة, بيض مسلوق, بيض مقلي “وممكن تعمليه في قوالب الكب كيك في الفرن”, عجة, فول او فلافل, حلاوة, زبدة فول سوداني, زبدة بندق, حلاوة سبريد بالشوكولاتة, نوتيلا.

ميني بيتزا عليها اي مكونات تفضليها, برجر فراخ, برجر لحمة, ناجتس, بانيه بالخس والطماطم, فاهيتا او شيش طاووق, كفتة او بانية فراخ, تونة بالخضروات.

– ثانيا: الفاكهة:

الموز “ممكن تحطي موزة سليمة او مقطعة طرنشات سادة او تغطيها بالشوكولاتة السايحة وتجمديها في التلاجة”, جوافة, كيوي , اناناس, تفاح, خوخ, عنب, مشمش, فراولة, فواكه مجففة “زي التين والمشمش والزبيب”.

ممكن تجيبي سيخ خشب من اللي بنعمل عليه الكفتة او الشيش طاووق وتقطعي اكتر من نوع فاكهة مكعبات وتحطيهم مع بعض في السيخ ولو مش متوفر عندك ممكن تحطيهم في خلة اسنان وترصيهم في اللانش بوكس.

– ثالثا: الخضروات:

خيار, جزر “قطعيهم عيدان طويلة, طماطم متقطعة جوانح كبيرة, جرجير, خس, بروكلي, فلفل اخضر او الوان.

وممكن تعملي خضار سوتيه على البخار عشان تجمعي اكتر من نوع خضار مع بعض في الوجبة “كوسة, جزر, بطاطس, اي نوع خضروات تختاريها ويكون طفلك بيحبها”.

– رابعا: العصاير:

الافضل يكون العصاير معمولة في البيت وابعدي عن العصاير المحفوظة, واختيار العصير يكون بالتبادل مع ثمرة الفاكهة ممكن تديه يوم عصير ويوم فاكهة متقطعة.

عصير مانجا, اناناس, برتقان, ليمون, عصير جزر, عصير تفاح, عصير فراولة, عصير جوافة باللبن, لبن رايب, عصير بطيخ, عصير خوخ باللبن, زبادو بأطعمة مختلفة.

دي مجموعة من الاصناف اللي ممكن تختاري منها بشكل يومي, واللانش بوكس لازم يكون وجبة متكاملة فيه الخضار والفاكهة والبروتين والنشويات, وحاولي تنوعي في العيش كل يوم ما بين الفينو, والتوست الابيض او الاسمر, البيتي بان ريتش بيك, الكيزر, التورتيلا,وحاولي انك تعملي اشكال بالعيش او بالخضار بالقطاعات على شكل نجوم او قلوب او وش, وممكن تزيني اللانش بوكس من بره باستيكر, وممكن تحطي ورقة جوه اللانش بوكس تكتبي فيها انك بتحبيه او اي كلمة حلوة للطفل اول ما يفتح اللانش بوكس هيفرح بيها جدا وهتشجعه انه يرضيكي ويرجع واكل الاكل بتاعه كله.

افكار لوجبات اللانش بوكس
افكار لوجبات اللانش بوكس

تعالوا نشوف مجموعة افكار للوجبات:

1- بيتزا رولز:

المكونات:

اي نوع عجين جاهز, او ممكن انتي تجهزي عجينة البيتزا بنفسك.

شوية دقيق.

صلصة بيتزا.

1/3 كوباية جبنة موتزاريلا.

اي حشو من اختيارك ” خضار, بيبروني, سجق, لحمة مفرومة”.

الطريقة:

سخني الفرن على 350 درجة, رشي العجينة بالدقيق, افرديها بسمك ¼ بوصة تقريبا, وزعي عليها صلصة البيتزا والجبنة والحشو, لفي العجينة على شكل رول لفات ضيقة, ولو حسيتي ان العجينة ساحت او نعمت منك اوي ممكن تحطيها في التلاجة 20 دقيقة قبل ما تسويها, رصي البيتزا في صينية على ورق خبز, او تدهنيها بالزيت, وسيبيها لمدة من 12 – 14 دقيقة لحد ما تستوي ويبقى لونها دهبي.

افكار لوجبات اللانش بوكس
افكار لوجبات اللانش بوكس

2- وافل بالزبدة:

هاتي وافل جاهز افردي عليه طبقة مربى فراولة او اي نوع متوفر عندك, وفوقيها طبقة زبدة اي نوع تختاريه “زبدة فول سوادني, زبدة بندق, زبدة لوز”, وبعدين حطي فوقيه اي نوع فاكهة متقطعة, والافضل تكون الفاكهة نفس نوع المربى اللي هتحطيها.

افكار لوجبات اللانش بوكس
افكار لوجبات اللانش بوكس

3- ساندوتش كباب:

فكرة السيخ الخشب اللي احنا قولناه للفاكهة ممكن تنفذية مع الجبنة والخضار, هاتي قطاعة نجمة او اي شكل متوفر عندك, وقطعي بيها التوست والجبنة, وهاتي السيخ حطي واحدة طماطم شيري وبعدها شريحة توست وبعدين شريحة جبنة وقطعة خس وبعدها قطعة لانشون فراخ او سلامي او رومي مدخن وبعدها شريحة توست تاني وواحدة طماطم شيري يف الاخر, او حطيهم انتي باي ترتيب انتي عايزاه على حسب ذوقك.

افكار لوجبات اللانش بوكس
افكار لوجبات اللانش بوكس

4- مكرونة بالصلصة:

المكونات:

3 كوبايات صلصة طماطم.

3 كوبايات مية.

1 كوب لبن.

2 كوباية جبنة شيدر مبشورة.

1 معلقة صغيرة ثوم بودر.

ملح – فلفل.

226 جرام مكرونة صغيرة.

الطريقة:

اخلطي صلصة الطماطم مع المية واللبن واغليهم مع بعض على النار, بعدها ضيفي الجبنة والثوم والبودر وملح وفلفل, قلبيهم كويس لحد ما الجبنة تسيح, ضيفي المكرونة وسيبيها 20 دقيقة تقريبا على نار هادية وقلبيها كل شوية عشان متلزقش لحد ما تستوي.

افكار لوجبات اللانش بوكس
افكار لوجبات اللانش بوكس

5- ساندوتش جرانولا:

هاتي خبز تورتيلا, افردي عليها زبدة فول سوداني, حطي فوقيها تفاح مقطع شرايح رفيعة اوي, وحطي زبيب واي انواع فاكهة مجففة متقطعة قطع صغيرة, وفوقيهم شوفان, ممكن ترشي على الوش شوية قرفة, وبعدين تلفي التورتيلا على شكل رول.

افكار لوجبات اللانش بوكس
افكار لوجبات اللانش بوكس

6- بطاطس مخبوزة بالجبنة:

هاتي حبة بطاطس تكون كبيرة اغسليها كويس جدا, ادهنيها زيت ولفيها في ورق فويل وحطيها في الفرن تتشوي, بعد ما تستوي, طلعيها واقسميها نصين بالطول, فرغي منها شوية في طبق واهرسيها وضيفي عليها ثوم بودر وملح وفلفل وزبدة قلبيهم مع بعض كويس وبعدين رجعي الخلطة دي جوه البطاطس تاني ورشي عليها من فوق جبنة شيدر او موتزاريلا ورجعيها في الفرن لحد ما الجبنة تسيح.

افكار لوجبات اللانش بوكس
افكار لوجبات اللانش بوكس

7- كوباية سلطة:

ممكن تعملي سلطة بمجموعة خضار وتحطيهم في كوباية, ممكن تحطي خس, خيار متقطع, جزر متقطع, طماطم شيري, بيضة مسلوقة متقطعة, كرفس, فلفل اخضر او الوان, وتبليها بالملح والفلفل.

افكار لوجبات اللانش بوكس
افكار لوجبات اللانش بوكس

8- طبق تاكو:

ممكن تعملي طبق تاكو, تحطي لحمة مفرومة تضيفي عليها جبنة مبشورة, خس, فاصوليا بيضا او حمرا مسلوقة, طماطم شيري, ذرة حلوة, وتحطي فوقيهم اي نوع صلصة.

افكار لوجبات اللانش بوكس
افكار لوجبات اللانش بوكس

9- ساندوتش سلطة حمص:

هاتي خبز تورتيلا, افردي عليه سلطة الحمص وحطي فوقيها شرايح خيار, خس, طماطم متقطعة, افوكادو متقطع شرايح, بروكلي متقطع, وبعدين لفيه على شكل رول.

افكار لوجبات اللانش بوكس
افكار لوجبات اللانش بوكس

10- اسياخ الجبنة مع الطماطم:

هاتي سيخ خشب حطي فيه جبنة موتزاريلا قطع, وفوقيها ريحان او خس وفوقيهم واحدة جبنة شيري, ورشي عليهم زيت زيتون وملح وفلفل.

افكار لوجبات اللانش بوكس

11- سلطة مكرونة:

اسلقي مكرونة اي شكل اطفالك بيحبوه وضيفي عليها, طماطم شيري متقطعة, بصل متقطع, بروكلي متقطع, فلفل الوان متقطع, خيار متقطع, جبنة مبشورة, تقدري تضيفي اي انواع خضار متوفرة عندك, وتبيلها بالملح والفلفل وشوية زيت زيتون.

افكار لوجبات اللانش بوكس

12- ساندوتش فراخ بالخضروات:

اهرسي افوكادو وضيفي عليه عصير ليمون وملح وبعدين ضيفي لها طماطم شيري متقطعة وقلبيهم مع بعض, هاتي خبز التورتيلا حطي عليه ورقة خس, افردي فوقيها خلطة الافوكاو, وفوقيها شرايح فراخ.

افكار لوجبات اللانش بوكس

13- مافن السوسيس والجبنة:

المكونات:

2 كوباية دقيق.

2 معلقة كبيرة سكر.

1 معلقة كبيرة بيكنج بودر.

1 معلقة صغيرة ملح.

2 بيضة مخفوقة.

1 كوباية لبن.

¼ كوباية “4 معالق كبيرة” زبدة غير مملحة سايحة.

1 كوب جبنة شيدر مبشورة.

½ كوباية سوسيس متقطع او سجق او مشروم.

فلفل اسود.

الطريقة:

سخني الفرن على 400 درجة, في طبق اخلطي الدقيق والسكر والبيكنج بودر والملح, في طبق تاني اخلطي البيض واللبن والزبدة, بعدها ضيفي المكونات دي لخليط الدقيق, اخلطيهم مع بعض بالراحة بمعلقة خشب لحد ما المكونات كلها تمتزج كويس والعجينة تبقى ناعمة معاكي, وبعدين ضيفي لها الجبنة والسوسيس او اي مكون انتي اختارتيه, هاتي صينية المافن او الكب كيك, خدي معلقة من الخليط حطيه في الصينية بحيث تملى ¾ القالب بس, رشي على الوش جبنة مبشورة وفلفل اسود, دخليها الفرن لمدة 17 دقيقة تقريبا, وبعدين طلعيها وسيبيها تبرد لمدة 10 دقايق وبعدين طلعيها من القوالب.

افكار لوجبات اللانش بوكس

14- بيتزا بالببيروني:

طريقة سريعة لعمل بيتزا بالخبز العادي, هاتي اي نوع خبز ابيض مسطح, اسمي الرغيف نصين, حطيه على الشواية لحد ما يعلم, حطي طبقة من صلصة البيتزا على النصين, فوق نص منهم حطي شرايح جبنة موتزاريلا وفوقيها شرايح الببيروني وفوقيهم ريحان او خس وبعدين شريحة جبنة تانية, اقفلي الساندوتش حطي النصين فوق بعض, وحطيه فوق الشواية شوية لحد ما الجبنة تسيح حوالي من 5 – 6 دقايق.

افكار لوجبات اللانش بوكس

15- موز بزبدة الفول السوداني:

بنفس فكرة ساندوتش الهوت دوج بس هنعمله بالموز, هاتي رغيف فينو ادهنية بزبدة الفول السوداني, وحطي الموزة, وزينيها من فوق بمربى فراولة او اي نوع مربى متوفرة عندك.

افكار لوجبات اللانش بوكس

16- مكرونة بالجبنة:

المكونات:

226 جرام مكرونة صغيرة.

2 معلقة كبيرة زبدة.

2 معلقة كبيرة دقيق.

1 ½ كوباية لبن.

2 معلقة كبيرة جبنة كريمي.

1 ½ كوباية جبنة شيدر مبشورة.

ملح – فلفل.

الطريقة:

اسلقي المكرونة وصفيها وخليها على جنب, في طاسة او حلة على النار حطي الزبدة على نار متوسطة ولما تسيح ضيفي لها الدقيق وقللي النار وقلبيهم مع بعض لمدة من 1 – 2 دقيقة لحد ما يتحول للون الدهبي, بعدين ضيفي اللبن واحدة واحدة وقلبيهم لمدة من 1 – 2 دقيقة لحد ما الخليط يبقى سميك, ضيفي الجبنة الكريمي وقلبيهم لحد ما تدوب, بعدها ارفعيها من على النار وضيفي لها الجبنة الشيدر وقلبيها لحد ما تسيح.

افكار لوجبات اللانش بوكس

17- شرايح رومي مدخن مع الجبنة:

هاتي خبز تورتيلا, افردي عليه جبنة كريمي, وحطي فوقيها شريحة رومي مدخن, لفي التورتيلا وقطعيها شرايح بحجم متوسط.

افكار لوجبات اللانش بوكس

18- مافن البيض:

اضربي البيض وصبيه في قوالب المافن او الكب كيك مدهونة زيت وضيفي عليه طماطم متقطعة صغير, بقدونس, فلفل متقطع, سوسيس متقطع, سجق, مشروم, اي مكونات متوفرة عندك ممكن تحطيها, تبليه بالملح والفلفل, دخليه الفرن وسيبيه لحد ما يستوي, طلعيه وسيبيه يبرد وبعدين طلعيه من القوالب.

افكار لوجبات اللانش بوكس

لكل عشاق البطاطس طرق مختلفة لعمل البطاطس المحمرة

طرق لعمل البطاطس المحمرة