افكار لاستخدام الحبال في الديكور بطريقة مبتكرة

بقلمريهام محمود فيمنوعات visibility234

اكتر حاجة ممكن تحسسنا بالراحة في البيت هي اختيار الديكورات المناسبة, ومن وقت للتاني اكيد بنحب نغير في الديكورات او نعمل حاجات جديدة غير تقليدية, وواحدة من الافكار الجديدة والمبتكرة اللي ممكن تجددي بيها الديكور بخامات بسيطة جدا, هي استخدام الحبال, والنهاردة من خلال موضوعنا هنشوف مع بعض مجموعة افكار لاستخدام الحبال في الديكور.

افكار لاستخدام الحبال في الديكور:

الحبال بخامتها كلها سواء اللي مصنوعة من الالياف او المصنوعة من الخيط او البلاستيك, تقدري تدخليها في حاجات كتير جدا في ديكور البيت.

ممكن تنزليها من السقف, او تكون بديل للستارة تقفلي بيها مكان, ممكن تستخدميها تعملي بيها مشاية صغيرة على الارض, او تعلقي بيها رف المرايا.

ممكن تستغليها في اعادة تدوير حاجات قديمة عندك وترجعي تستخدميها بشكل جديد زي مثلا كاوتش عربية قديم تلفي عليه حبال حوالين داير وتغطيها كلها وتستخدميها كترابيزة, او لو عندك قصرية زرع قديم شكلها مش حلو تلفي حواليها حبال وتديها مظهر جمالي ممكن تتحط جوه البيت.

ممكن تجددي شكل البراويز والمرايات عندك وتلفي عليها حبال حوالين داير, او تجددي شكل الاباجورة بالحبال, ممكن تستخدميها في الحمام تعملي منها علاقة تحطي عليها الفوط, وفي فكرة عملية جدا لو عندك اي مواسير باينة في الحمام شكلها مش حلو ومبوظة لك الشكل ممكن تلفي عليها حبال عشان تدرايها وفي نفس الوقت هتدي للمكان شكل جمالي مختلف.

لو عايزة تعملي رفوف فوق بعض تحطي عليهم حاجات زينة, او كتب او غيره ممكن تشبكيهم مع بعض بالحبال.

ممكن تستخدميها كمان تعملي بيها سلم للسرير اللي بدورين, تعملي بيها مرجيحة في البلكونة, او في اوضة الاطفال.

تعالوا نشوف مع بعض مجموعة افكار بالصور ازاي تستخدمي الحبال في الديكور:

افضل 10 افكار لتجديد الديكور باستخدام رفوف الكتب

افضل 10 افكار لتجديد الديكور باستخدام رفوف الكتب
افضل 10 افكار لتجديد الديكور باستخدام رفوف الكتب