10 طرق تخلي بيهم هدومك شكلها يبان اقيم

بقلمريهام محمود فيموضة وأزياء visibility5476

مش دايما بيكون عندنا ميزانية اننا نجيب هدوم غالية اوي او براندز معروفة.. لكن في نفس الوقت بنبقى عايزين اللوك بتاعنا يطلع حلو ويبان شيك وقيم, عشان كده النهاردة من خلال السطور اللي جاية هنقولك طرق تخلي هدومك تبان شكلها قيم حتي لو كنتي جيبها بأسعار رخيصة ومش ماركات معروفة.

طرق تخلي بيهم هدومك شكلها يبان اقيم:

1- ظبطيها عند الخياط:

لو اشتريتي قطعة فيها حاجة مش مظبوطة متلبسيهاش زي ما هي, ممكن بكل بساطة تاخديها عند الخياط بغرز بسيطة يقدر يصلحلك اي حاجة فيها ويداري اي عيب ويخليها مناسبة.

طرق تخلي الهدوم الرخيصة تبان غالية
طرق تخلي الهدوم الرخيصة تبان غالية

2- استبدلي الزراير:

عادة القطع الرخيصة بتكون الزراير بتاعتها رخيصة ومعمولة من البلاستيك, بكل بساطة ممكن تغيري الزراير لنوع اغلى واشيك زي المعدن او العضم او اللؤلؤ, تفصيلة بسيطة جدا لكن هتدي قيمة اكتر للقطعة بتاعتك.

طرق تخلي الهدوم الرخيصة تبان غالية
طرق تخلي الهدوم الرخيصة تبان غالية

3- حافظي على شكل الهدوم بتاعتك بشكل مستمر:

دايما حافظي على نضافة الهدوم لو لاحظتي وجود اي بقعة ومقدرتيش تتعاملي معاها في البيت وتتخلصي منها, وديها للدراي كلين بشكل فوري عشان تنضفيها, ولو مافيش اي حاجة ممكن تتعمل للبقعة يبقى تتخلصي منها, لو لاحظتي خيط او زرار مفكوك تخيطيه على طول لان مادام انتي لاحظتيه يبقى اكيد اللي حواليكي هيلاحظوه.

طرق تخلي الهدوم الرخيصة تبان غالية
طرق تخلي الهدوم الرخيصة تبان غالية

4- ابعدي عن الستايل المقطع:

الستايل المقطع نازل موضة في حاجات كتير, لكن نصيحتنا تبعدي عن القطع بالستايل المقطع لانها بتُستَهلك وتبهت بسرعة وخصوصا لو القطعة رخيصة, وبنستثني من ده بس الجينز المقطع اللي ممكن يبان حلو وشكله كوول سواء رخيص او غالي, لكن اي خامة قماش تانية بالستايل ده الافضل تبعدي عنها.

طرق تخلي الهدوم الرخيصة تبان غالية
طرق تخلي الهدوم الرخيصة تبان غالية

5- قللي من غسيل الهدوم كتير:

اكيد عايزة ان هدومك على طول تبان نضيفة وشكلها حلو بس المشكلة ان كتر الغسيل مع الوقت بيخلي الالوان تبهت وتبوظ بسرعة وده بيخليها تبان قديمة ورخيصة, لكن احنا بنقولك في حلول تانية غير الغسيل, لو في بقعة على الهدوم مش لازم انك تغسلي القطعة كلها ممكن تحطي مسحوق على مكان البقعة بس وافركيها بسفنجة او فرشة اسنان, ولا في ريحة مش حلوة في الهدوم ممكن تحطيها في كيس وتدخليها الفريزر وتسيبيها طول الليل, وبعدين طلعيها هتلاقي الريحة اختفت.

طرق تخلي الهدوم الرخيصة تبان غالية
طرق تخلي الهدوم الرخيصة تبان غالية

6- اتخلصي من تجاعيد الهدوم:

الهدوم المكرمشة بتبان رخيصة وشكلها مش حلو, لكن احيانا المكوى العادية مش بتدينا النتيجة المطلوبة ومش بتفرد الهدوم كويس مع القطع المصنوعة من خامات صناعية, والحل في الحالة دي هي المكوى اللي بالبخار, اكوي الهدوم من بالليل وعلقيها على شماعة وسيبيها متهوية في مكان متحطيهاش في الدولاب, والصبح هتبقى جاهزة للبس.

في ناس كتير بيستخدموا طريقة بخار المية السخنة في الحمام عشان يفردوا الهدوم, لكن الطريقة دي مش هتجيب نتيجة مرضية لو الهدوم متكرمشة اوي ممكن تنفع مع التجاعيد البسيطة.

طرق تخلي الهدوم الرخيصة تبان غالية
طرق تخلي الهدوم الرخيصة تبان غالية

7- خليكي بسيطة:

لما تيجي تعملي شوبنج خليكي دايما بسيطة واختاري قطع من غير زخرفة ولا تفاصيل كتير زي الستراس او الاكسسوارات او الفصوص, وبسطي مظهرك كله بشكل عام مع اللوك متلبسيش اكسسوارات كتير عشان تحاولي تظهري اللوك اكتر لانه ممكن يجي بنتيجة عكسية يعني مثلا بدل ما تلبسي تلات اساور رخيصة فوق بعض, البسي واحدة بس بحجم مناسب.

طرق تخلي الهدوم الرخيصة تبان غالية
طرق تخلي الهدوم الرخيصة تبان غالية

8- خلي القطع الاساسية هي الاغلى في اللوك بتاعك:

حطي الفلوس بشكل صح في اللوك بتاعك, تقريبا معظم الناس بيقعوا في الغلطة دي, يعني متشتريش مثلا شوز غالي واللي ممكن تشتري زيه بسعر ارخص شوية لان في الغالب محدش هيلاحظ الفرق بين الشوز الغالي والرخيص, وفي المقابل تشتري بلوزة او بنطلون او جيبة بسعر ارخص من سعر الشوز ده غلط, دايما خلي القطعة القطع الاساسية هي الاغلى وهي اللي تاخد الاهتمام وتلفت النظر.

طرق تخلي الهدوم الرخيصة تبان غالية
طرق تخلي الهدوم الرخيصة تبان غالية

9- اختاري الاسود بدل البني:

البني وكل الالوان الدافية او الترابية زي الموف والزيتوني, اللوك بيبان كئيب اوي وخصوصا لما الالوان دي بتستخدم في الطبعات او الخامات الرخيصة, بدل اختيار الالوان دي ركزي مع الاسود والابيض, والالوان المشرقة النقية زي الوان الباستيل الجريئة, والوان الاحجار الكريمة الغنية.

طرق تخلي الهدوم الرخيصة تبان غالية
طرق تخلي الهدوم الرخيصة تبان غالية

10- داري الملابس الداخلية:

خطوط حمالة الصدر او تفاصيل الملابس الداخلية عموما لما بتكون تفاصيلها واضحة من تحت الهدوم بتخلي اللوك يبان رخيص اوي, والمشكلة ان خامات القطع الرخيصة في الغالب بتبين التفاصيل دي, عشان كده حاولي تلبسي برا وملابس داخلية ناعمة وخفيفة بحيث تفاصيلها متبانش تحت الهدوم, هيخلي اللوك بتاعك يطلع شكله حلو ميبانش انه رخيص.

طرق تخلي الهدوم الرخيصة تبان غالية
طرق تخلي الهدوم الرخيصة تبان غالية

10 نصايح هتساعدك وانتي بتشتري هدوم جديدة تختاري قطع جودتها عالية

نصايح هتساعدك تشتري هدوم جودتها عالية
نصايح هتساعدك تشتري هدوم جودتها عالية