لكل عشاق البطاطس طرق مختلفة لعمل البطاطس المحمرة

ريهام محمود
ريهام محمود
في
مطبخ
19788

مافيش حد فينا مش بيحب البطاطس المحمرة, وتعتبر اسهل واسرع اكلة ممكن تتعمل لما نحس بالجوع, وعشان نجدد ونغير في الطعم النهاردة جايبين لكل عشاق البطاطس طرق لعمل البطاطس المحمرة بشكل مختلف عشان تجددي في طعمها.

طرق لعمل البطاطس المحمرة:

1- بطاطس محمرة بالثوم:

المكونات:

4 ثمرات بطاطس متوسطة الحجم.

1 معلقة كبيرة زيت زيتون.

4 معالق صغيرة ثوم مفروم.

½ معلقة صغيرة ملح.

½ معلقة صغيرة ثوم بودر.

¼ معلقة صغيرة فلفل اسود.

الطريقة:

سخني الفرن ل 450 درجة مئوية, قطعي البطاطس لسمك ربع انش تقريبا, اغسليها وسيبيها تنشف, انقلي البطاطس في طبق كبير, حطي عليها الزيت, وبعدين رشي عليها باقي المكونات كلها, قلبيها كويس عشان تغطي البطاطس كلها بالمكونات, هاتي صينية ممكن تدهنيها زيت او تفرشيها بورق زبدة, وترضي البطاطس وحدات جنب بعض, حطيها في الفرن لمدة من 20 – 25 دقيقة او لحد ما يبقى لونها بني فاتح, ودوري الصينية مرة واحدة عشان كلها تاخد نفس اللون, بعدها طلعيها وممكن تاكليها مع كاتشب او اي صوص بتفضليه.

طرق لعمل البطاطس المحمرة 1
طرق لعمل البطاطس المحمرة 1

2- بطاطا ودجز بالبارميزان:

الوصفة دي بالبطاطا “البطاطس الحلوة”.

المكونات:

3 حبة بطاطا حجمها كبير.

4 بياض بيض كبير.

¾ معلقة صغيرة ملح.

¼ معلقة صغيرة فلفل مطحون خشن.

2 كوباية جبنة بارميزان مبشورة.

مسطردة “اختياري”

الطريقة:

سخني الفرن ل 425 درجة, قشري البطاطا وقطعيها بالطول ودجز بسمك ½ انش تقريبا, في طبق اضربي بياض البيض والملح والفلفل لحد ما يعمل رغوة, في طبق تاني حطي الجبنة الباراميزان, غطسي البطاطا في خليط بياض البيض, وبعدين في الجبنة واضغطي عليها عشان يمسك كويس في البطاطا, هاتي صينية افردي عليها ورق فويل وادهنيه زيت, رصي البطاطا وحطيها في الفرن وسيبيها من 25 – 30 دقيقة او لحد ما البطاطا تبقى طرية والجبنة يبقى لونها دهبي, بعدها طلعيها وممكن تاكليها مع المسطردة.

طرق لعمل البطاطس المحمرة 2
طرق لعمل البطاطس المحمرة 2

3- بطاطا مخبوزة:

المكونات:

2 حبة بطاطا كبيرة متقطعة شرايح رفيعة.

2 معلقة كبيرة زيت.

1 معلقة صغيرة ثوم بودر.

1 معلقة صغيرة بابريكا.

1 معلقة صغيرة ملح.

¼ معلقة صغيرة شطة.

الطريقة:

سخني الفرن ل 425 درجة, اخلطي المكونات كلها مع بعض وقلبي فيها البطاطا, هاتي صينية حطي عليها ورق خبز, حطيها في الفرن وسيبيها من 35 – 40 دقيقة.

طرق لعمل البطاطس المحمرة 3
طرق لعمل البطاطس المحمرة 3

4- بطاطس في الفرن بالبابريكا:

المكونات:

4 حبة بطاطس متوسطة.

1 معلقة كبيرة زيت زيتون.

2 ½ معلقة صغيرة بابريكا.

¾ معلقة صغيرة ملح.

¾ معلقة صغيرة ثوم بودر.

المكونات:

سخني الفرن ل 400 درجة, قطعي البطاطس ودجز, في طبق كبير اخلطي الزيت مع التوابل, قلبي البطاطس كويس في خليط التوابل, رصيها في صينية مدهونة زيت وحطيها في الفرن, سيبيها من 40 – 45 دقيقة او لحد ما تستوي ويتحول لونها للدهبي.

طرق لعمل البطاطس المحمرة 4
طرق لعمل البطاطس المحمرة 4

5- بطاطس في الفرن بالزبدة:

6 حبات بطاطس متوسطة.

2 معلقة كبيرة زبدة سايحة.

2 معلقة كبيرة زيت.

1 معلقة صغيرة ملح.

الطريقة:

قطعي البطاطس بالطول ودجز, وفي كيس كبير ممكن تقفليه اخلطي الزبدة والزيت والملح وحطي معاها البطاطس واقفلي الكيس وهزيه كويس عشان تخلطي كل المكونات, رصي البطاطس في صينية مدهونة بالزبدة, وحطيها في الفرن على درجة حرارة 450 درجة لمدة من 10 – 12 دقيقة لكل جنب لحد ما تستوي.

طرق لعمل البطاطس المحمرة 5
طرق لعمل البطاطس المحمرة 5

6- بطاطس بالجبنة الشيدر:

المكونات:

4 كوبايات بطاطس على شكل وافل “موجودة في الهايبر ماركت” لو مش متوفرة ممكن تستخدموا بطاطس شيبسي عادية.

من ½ – 1 ½ معلقة صغيرة اي خلطة توابل تفضلوها.

كوباية جبنة شيدر مبشورة.

2 معلقة كبيرة بصل اخرخضر مقطع.

2 معلقة كبيرة سوسيس متقطع شرايح رفيعة او مشروم او سجق يعني الاضافات دي حسب ذوقك.

الطريقة:

رصي البطاطس في صينية مدهونة, حطيها في الفرن على درجة حرارة 450 درجة لمدة من 20 – 25 دقيقة او لحد ما يبقى لونها بني خفيف, طلعيها ورشي عليها التوابل وباقي المكونات, ورجعيها تاني في الفرن لمدة من 2 – 3 دقايق او لحد ما الجبنة تسيح.

طرق لعمل البطاطس المحمرة 6
طرق لعمل البطاطس المحمرة 6

7- بطاطس ودجز بالبارميزان:

المكونات:

4 حبات بطاطس متوسطة الحجم.

¼ كوباية جبنة بارميزان مبشورة.

1 معلقة صغيرة ثوم بودر.

½ معلقة صغيرة زعتر مجفف.

½ معلقة صغيرة بابريكا.

الطريقة:

سخني الفرن على 400 درجة, قطعي البطاطس ودجز, اخلطي المكونات كلها مع بعض, رصي البطاطس في صينية مدهونة وبعدين رشي عليهم المكونات وقلبيها كويس, حطيها في الفرن حوالي 30 دقيقة.

طرق لعمل البطاطس المحمرة 7
طرق لعمل البطاطس المحمرة 7

8- بطاطس بالصلصة والجبنة:

المكونات:

5 كوبايات بطاطس متقطعة كيرلي او حلزونية متحمرة نص تحميرة في الزيت.

425 جرام “حوالي كوباية ونص” اي نوع صلصة حراقة.

كوباية جبنة شيدر.

كريمة طبخ, وبصل اخضر مقطع, وافوكادو مكعبات “اختياري”.

الطريقة:

سخني الفرن على 450 درجة, قسمي البطاطس وابدأي حطي طبقات طبقة بطاطس وفوقيها الصلصة والجبنة, وبعدين طبقة تانية بطاطس وهكذا لحد ما الكمية تخلص, حطيها في الفرن لمدة من 5 – 7 دقايق او لحد ما الجبنة تسيح, بعد ما تطلعيها من الفرن ممكن تحطي على الوش كريمة طبخ وبصل اخضر وافوكادو متقطعين لو عايزة ده اختياري.

طرق لعمل البطاطس المحمرة 8
طرق لعمل البطاطس المحمرة 8

9- بطاطا بالروزماري:

المكونات:

3 حبات بطاطا متقطعة شرايح بحجم ¼ بوصة.

3 معالق كبيرة زيت زيتون.

1 معلقة كبيرة روزماري مفروم.

1 فص ثوم مفروم.

1 معلقة صغيرة نشا.

¾ معلقة صغيرة ملح.

1/8 معلقة صغيرة فلفل اسود.

الطريقة:

سخني الفرن على 425 درجة, في كيس بلاستيك كبير ممكن يتقفل, اخلطي المكونات كلها مع بعض وحطي  معاهم البطاطا واقفلي الكيس وهزيه جامد لحد ما تغطي البطاطا بالمكونات كلها, رصي البطاطا في صينية مدهونة, حطيها في الفرن لمدة من 30 – 35 دقيقة, لو لحد ما لونها يبقى دهبي.

طرق لعمل البطاطس المحمرة 9
طرق لعمل البطاطس المحمرة 9

10- بطاطا بالكاري:

المكونات:

2 حبة بطاطا متوسطة الحجم.

2 معلقة كبيرة زيت زيتون.

1 معلقة صغيرة كاري.

½ معلقة صغيرة ملح.

½ معلقة صغيرة بابريكا.

1/8 معلقة صغيرة فلفل اسود مطحون خشن.

كزبرة خضرا مفرومة.

الطريقة:

سخني الفرن على 425 درجة, حطي البطاطا في طبق كبير وضيفي لها الزيت مع التوابل وقلبيها كويس, رصي البطاطا في صينية مدهونة, دخليها الفرن لمدة من 15 – 20 دقيقة, او لحد ما تستوي, بعدها طلعيها ورشي عليها الكزبرة الخضرا.

طرق لعمل البطاطس المحمرة 10
طرق لعمل البطاطس المحمرة 10

طريقة عمل دوناتس البطاطس بالجبنة

دوناتس البطاطس بالجبنة
دوناتس البطاطس بالجبنة

مقالات متعلقه

طريقة عمل حلوى اللدو الهندية

طريقة عمل حلوى اللدو الهندية

طريقة عمل شوربة العدس بالبطاطس

طريقة عمل شوربة العدس بالبطاطس

طريقة عمل كيك الصفوف اللبنانية

طريقة عمل كيك الصفوف اللبنانية