افضل 10 مكونات لازم يكونوا عندك للوصفات الطبيعية

ريهام محمود
ريهام محمود
في
بشرة
2087

روتين العناية بالبشرة مهم جدا ومفيد عشان تحافظي على بشرتك صحية ونضرة, والمكونات الطبيعية من الحاجات اللي بتساعد على تغذية البشرة وترطيبها بشكل آمن وطبيعي, وعشان تحافظي على بشرتك لازم يكون عندك على الاقل مكون واحد من المكونات اللي هنتعرف عليها النهاردة من خلال موضوعنا, هنشوف افضل مكونات للوصفات الطبيعية اللي المفروض تكون متوفرة عندك في البيت على طول عشان تستخدميها في الماسكات.

افضل مكونات للوصفات الطبيعية:

1- زيت جوز الهند:

زيت جوز الهند بيحتوي على خصائص مضادة للجراثيم, ومضاد للفطريات, ومضادات الاكسدة ومضادات الشيخوخة, اللي ممكن تفيد بشرتك جدا, وتقدري تدخليه في ماسكات كتير جدا عشان كده هو يعتبر رقم واحد في قائمة المكونات الاساسية اللي المفروض تكون متوفرة عندك, ممكن تستخدمي زيت جوز الهند لتحسين صحة الفم “تقنية المضمضة بالزيت” اللي اتكلمنا عليها قبل كده, ممكن تستخدميه كمزيل مكياج, مرطب للجسم والوش, مرطب للشعر, تستخدميه في خلطات السكراب, في الماسكات المختلفة, كغسول, ودي تعتبر بعض استخداماته والفوايد الجمالية ليه.

افضل مكونات للوصفات الطبيعية 1
افضل مكونات للوصفات الطبيعية 1

2- عسل النحل:

عسل النحل كمان بيحتوي على خصائص مضادة للاكسدة, مضادات البكيتريا, مضادات الالتهابات, مضادات للفطريات, مضادات للشيخوخة, عشان كده يعتبر العسل من اهم المكونات اللي ممكن تستخدميها في الوصفات الطبيعية, العسل كمان ممكن يساعدك في علاج حب الشباب, وتقليل ندبات البشرة, بيرطب البشرة, بينضف المسام, كمان مفيد للشعر بيساعد على ترطيبة ولمعانه.

افضل مكونات للوصفات الطبيعية 2
افضل مكونات للوصفات الطبيعية 2

3- زيت الزيتون:

زيت الزيتون غني بالدهون غير المشبعة الصحية, بيحتوي كمان على خصائص مضادة للاكسدة, ومضادات الالتهابات, وزيت الزيتون من المكونات الطبيعية اللي بتستخدم من زمان جدا في الوصفات الطبيعية, وخصوصا لعلاج الشعر لانه بيساعد على ترطيبه, كمان مفيد للبشرة جدا بيمنع جفاف الجلد, بيحمي البشرة من اشعة الشمس, بيرطب البشرة, ودي مش الفوايد الوحيدة للبشرة, زيت الزيتون كمان ممكن يساعد على علاج الاكزيما, وكمزيل للمكياج, وكمضاد للشيخوخة.

افضل مكونات للوصفات الطبيعية 3
افضل مكونات للوصفات الطبيعية 3

4- الفحم المنشط:

الفحم المنشط معروف انه بيمنع السموم والبكتيريا انها تأذي بشرتك, وده بيخليه مثالي جدا لعلاج حب الشباب, وازالة الاوساخ والزيوت من جلدك وتنقيته, كمان ممكن يساعد على ازالة السموم من شعرك, كمان ممكن تستخدميه لصحة الفم زي تبييض الاسنان ومنع التسوس وامراض اللثة, ولازم نعرف ان الفحم ده مختلف عن الفحم اللي بتستخدمه في الشوي, الفحم اللي ممكن نستخدمه للبشرة بيكون مشتق من قشور الخشب او جوز الهند وهتلاقيه على شكل اقراص او كبسولات في الصيدلية.

افضل مكونات للوصفات الطبيعية 4
افضل مكونات للوصفات الطبيعية 4

5- الكركم:

الكركم بيحتوي على خصائص مضادة للالتهاب ومهدئة للبشرة اللي ممكن تساعدك على علاج حب الشباب, والتقليل من الندوب وعيوب البشرة, وشفاء الجروح, ممكن كمان يساعد على تهدئة الحروق ومعالجة الجلد الجاف والمتشقق, كمان الكركم ممكن يستخدم كمقشر للجلد وازالة الجلد الميت, مفيد كمان للشعر خصوصا لمشكلة القشرة وتساقط الشعر.

افضل مكونات للوصفات الطبيعية 5
افضل مكونات للوصفات الطبيعية 5

6- الشاي الاخضر:

الشاي الاخضر بيحتوي على مستويات عالية من مضادات الاكسدة, كمان بيحتوي على خصائص مضادة للالتهابات, ومضادات الجراثيم, ومضادات الشيخوخة, ويعتبر من المشروبات الصحية جدا المفيدة داخليا وخارجيا, الشاي الاخضر ممكن يمنع سرطان الجلد عن طريق اصلاح الحمض النووي, بيحمي البشرة من الاشعة فوق البنفسجية وبيعزز نمو خلايا الجلد الجديدة, بيساعد على تلطيف وتهدئة البشرة, بيساعد على ابطاء علامات الشيخوخة ومنع الاحمرار والتورم, كمان مفيد جدا للشعر بيساعد على تحفيز نمو الشعر, وبيمنع الشعر الابيض, كمان الشاي الاخضر معروف انه بيساعد على تعزيز عملية التمثيل الغذائي في الجسم وبالتالي ده بيساعد على تخسيس الوزن.

افضل مكونات للوصفات الطبيعية 6
افضل مكونات للوصفات الطبيعية 6

7- خل التفاح:

خل التفاح بالاضافة انه بيساعد على ازالة السموم من الجسم وانقاص الوزن, مفيد كمان للعناية بجمالك, ممكن يستخدم كمنظف للفم لانه بيساعد على قتل بكتيريا الفم السيئة, وبيزيل بقع الاسنان وبيساعد على تبييضها, بيساعد على تهدئة حروق الشمس, علاج حب الشباب وازالة الزيوت من الجلد وتنضيف البشرة, كمان بيحتوي على خصائص مضادة للشيخوخة اللي بتساعد على ابطاء علامات التقدم في السن, خل التفاح مفيد كمان للشعر بيساعد على منع التساقط وبيعالج جفاف فروة الراس والقشرة.

افضل مكونات للوصفات الطبيعية 7
افضل مكونات للوصفات الطبيعية 7

8- الشوفان:

الشوفان مفيد لروتين الجمال زي ما هو مفيد في النظام الغذائي اليومي, لان هو اكتر من انه مكون صحي ممكن نستخدمه في الاكلات, الشوفان ليه خصائص تطهير وتوازن البشرة وده بيساعد على ازالة الاوساخ والزيوت من الجلد وده بيخليها صحية, بيساعد على اصلاح خلايا الجلد وازالة البقع, كمان مفيد للشعر بيساعد على علاج حكة فروة الراس, جربي دايما استخدام منتجات الشعر اللي بتحتوي على دقيق الشوفان.

افضل مكونات للوصفات الطبيعية 8
افضل مكونات للوصفات الطبيعية 8

9- الزيوت الاساسية:

في انواع كتير من الزيوت الاساسية اللي ممكن تشتريها ولكل نوع فوايد واستخدامات خاصة بيه, تقدري تختاري نوع زيت على الاقل على حسب احتياجك, وبالانتظام عليه هتلاحظي الفرق , مثلا لو عايزة شعر قوي وبيلمع يبقى استخدمي زيت الارجان, لو عايزة مقشر لطيف على البشرة ممكن تستخدمي زيت اللوز الحلو, لو بتعاني من حب الشباب استخدمي زيت شجرة الشاي واللي ممكن كمان تستخدميه في علاج قشرة الشعر وفطريات الاظافر.

افضل مكونات للوصفات الطبيعية 9
افضل مكونات للوصفات الطبيعية 9

10- زبدة الشيا:

زبدة الشيا غنية بالفيتامينات وده بيخليها مفيدة لمختلف الاستخدامات الجمالية للبشرة والشعر والجسم, زبدة الشيا بتحتوي على خصائص مضادة للشيخوخة, وغنية بفيتامينات A, E, اللي بتحمي البشرة من الجذور الحرة والاشعة فوق البنفسجية, كمان ممكن تستخدم في علاج مشاكل الجلد زي حب الشباب, والاكزيما, والتهاب الجلد, كمان تعتبر مرطب رائع جدا للبشرة بتساعد على استعادة مرونة البشرة وتهدئة البشرة الجافة, وللشعر بتمنع حكة فروة الراس, وبتزيل القشرة وبتحسن من نسيج الشعر.

افضل مكونات للوصفات الطبيعية 10
افضل مكونات للوصفات الطبيعية 10

روتين سهل للعناية بالبشرة هيخلي بشرتك صحية ونضرة

روتين للعناية بالبشرة
روتين للعناية بالبشرة

مقالات متعلقه

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

10 نصايح جمالية دخليهم في روتينك هيفرقوا معاكي

10 نصايح جمالية دخليهم في روتينك هيفرقوا معاكي