بالصور .. 25 فكرة فستان تحضري بيه الأفراح في الأماكن المفتوحة
الأفراح الخارجية أو أفراح الـ outdoor اللى بتتعمل بالنهار او بالليل بقت ترند جدا الأيام دي و كتير من البنات بقوا يحبوا يعملوا افرهمبره القاعات المقفولة عشان بتبقى أحلى و دايما بتطلع مختلفة، لكن ده بيخليكي انتى لو كنتى قريبة العروسة او لو من اصحابها ومعزومة في حيرة هلبس ايه يناسب فرح وبالنهار، لأنه طبعا لبس السواريه في الحالة دي ممنوع، وعشان كده بنات حوا هيقولولك على 25 فكرة فستان تحضري بيه الأفراح في الأماكن المفتوحة تختارى منهم الستايل اللي يناسبك ..
بالصور .. 25 فكرة فستان تحضري بيه الأفراح في الأماكن المفتوحة
1- فستان من غير حمالات :
بيعتبر من الموديلات البسيطة اللى ممكن تعتمدي عليها، خصوصا لو كنتى من أصحاب الكتاف الرفيعة مش العريضة.
2- فستان برقبة صغيرة :
الفستان برقبة صغيرة بيديكى لوك لطيف خصوصا لو كنتى من أصحاب الرقبة الطويلة.
3- ميني دريس بألوان البورسلين:
ألوان الموزاييك والبورسلين من الحاجات التريندي جدا السنة دي، فستان من الألوان دي هيديكي لوك منعش و جديد.
4- أوف شولدر بتمويجات :
الاوف شولدر موضة فرضت نفسها ومكملة معانا بقالها فترة، ممكن تلبسي فستان أوف شولدر بتمويجات من على الكتف.
5- فستان سوينج بكم كروشيه :
ممكن كمان تعملى لوك كلاسيكي شوية بفستان واسع وأكمام من الكروشيه.
6- فستان ميدي بشكل A LINE :
الفستان الميدي بستايل الـ A LINE من الاختيارات اللي دايما بتكون حلوة خصوصا لو كنتى من أصحاب الرجل الطويلة.
7- فستان بفتحة صدر واسعة :
الفستان بفتحة صدر واسعة هيدي لرقبتك طول و شكل حلو لأكتافك.
8- فستان فلورال :
طبعا من غير شك نقشة الفلورال من الحاجات اللى مابنستغناش عنها صيف أو شتاء، فستان فلورال هيديكى لوك عفوى وشيك.
9- كوكتيل دريس :
الكوكتيل دريس من ملابس الحفلات الكلاسيكية المعروفة جدا، جربي تلبسيه بلونك المفضل.
10- فستان بكتف واحد :
الفستان بكتف واحد كمان هيديكى لوك إليجانت وحلو، ممكن تلبسيه مع شوز بكعب عالى وحلق صغير.
11- فستان فلورال برقبة عالية:
ممكن كمان تجربي تلبسي الفستان الفلورال برقبة عاليه لو مابتحبيش الفساتين اللي ليها فتحة صدر.
12- فستان TIGHT :
الفساتين الـ TIGHT هتخليكي تظهرى بمظهر عارضات الأزياء خصوصا لو كان جسمك متناسق وحلو، هتبرز رشاقته و تخليكي حاسه بالثقة في نفسك.
13- فستان بفتحة V :
الفستان بفتحة v من على القبة هيخلي رقبتك تبان أطول من لونها الطبيعى و أرفع.
14- فستان بفتحة رقبة مميزة :
الفساتين بقصات غريبة دايما بتكون ملفتة للنظر أكتر ومميزة، جربي تلبسي فستان بفتحة رقبة شكلها مختلف أو الفساتين بتفاصيل مختلفة عموما عشان يبقى حضورك مميز.
15- فستان كتف واحد بحزام :
الفستان اللى بكتف واحد وبحزام هيخليكي تحسي وكأنك آلهه جاية من زمن الإغريق، خصوصا لة لبستيها بلون ناري مميز بس يكون مات من غير أي لمعان.
16- فستان أوف شولدر بأطوال مختلفة :
الفستان الأوف شولدر سواء كان طويل أو قصير أو لو بيجمع بين الطويل والقصير في فستان واحد هيخليكي تعملى لوك عفوي وصيفي من غير مجهود.
17- فستان فلورال بحمالات :
لو مابتحبيش الأوف شولدر ممكن تجربي تلبسي فستان فلورال بحملات.
18- فستان ماكسي فلورال :
الفساتين الماكسي كمان من الأساسيات لما تفكري تلبسي أى فستان، لازم تجربيهم.
19- فستان ميدي :
كمان الفساين الميدي مكملة معانا من زمان أوى، شكلهم دايما حلو وموضتهم مابتروحش ابدا.
20- فستان بـ RUFFLES :
الـ ruffeles من القصات المميزة جدا اللى بتميز أى فستان، ممكن تجربي تلبسي فستان بـ ruffles عشان تعملى حضور مميز.
21- فستان قصير بنقشات صغيرة :
لو كنتى قصيرة شوية الفستان القصير بنقشات صغيرة هيديكى لوك عفوى و طفولي وفي نفس الوقت هيخليكي تباني أطول.
22- ميني دريس واسع :
ممكن كمان تجربي تلبسي ميني دريس واسع للوك أنثوي و مريح.
23- فستان قطن مطرز بالجبير :
الجبير دايما بيدي فخامة لأى حاجة بيتعمل بيها، الفستان القطن المطرز بالجبير هيخليكي تعملى لوك مريح جدا لأن القماش القطن من احسن الخامات اللى ممكن تلبسيها بالنهار و كمان الجبير هيزود من شياكته.
24- فستان كريب منقوش :
لو بتحبي خامة الكريب، ممكن تجربي تلبسي فستان كريب قصير بنقشة بسيطة.
25- فستان جبير بفتحة صدر على شكل V :
أو تجربي تلبسي فستان كامل من الجبير بفتحة رقبة واسعه على شكل حرف V.
شوفى معانا كمان 15 ستايل لـ فساتين الصيف من الستينات هتخليكى دايما على الموضة