10 عادات تعمليها عشان تحسني من صحتك النفسية حسب علماء النفس

آية حسان

في

6146

صحتك العقلية والنفسية بتأثر على كل حاجة في تفاصيل يومك، ومن كل النواحي فهتلاقيها فيها بتأثر على ازاي بتتصرفي وازاي بتتعاملى مع الناس و حتى أكلك و شربك وشغلك، ومدى صحتك النفسية بيتحكم في ازاي هتقدرى تتحملى وتتعاملى مع التوتر، و توصلى لأهدافك. لأنك لما بتبقى بتفكرة بإيجابية وصحتك النفسية كويسة ده بيساعدك تتعاملى أفضل مع كل حاجة في يومك و بيخليكي تقدرى توصلى لأهدافك أسهل وطبعا العكس لما بتبقى صحتك النفسية مش في وضع جيد أو لما بتكونى بتفكري بسلبية، عشان كده فى المقال ده هنقولك على 10 عادات تعمليها عشان تحسني من صحتك النفسية حسب علماء النفس

10 عادات تعمليها عشان تحسني من صحتك النفسية حسب علماء النفس

1- التمرينات المنتظمة :

من زمان وتأثير العقل على الجسم معروف، يعن لو انتى في مود حلو ورايقة و نفسيتك كويسة هتلاقى نفسك بتلبسي حلو و نشيطة و بتقدرى تعملى مجهود أكبر وبتفكرى بإيجابية أكتر، و التمرينات المنتظمة من أكتر الحاجات اللى بتساعد في تحسين المود و بتزود من المواد الكيميائية اللى بيفرزها المخ و اللى بتتسبب في الإحساس بالسعادة والنشاط و بالتالى هتزود من تركيزك و هتبقى مخرج كويس جدا تتخلصى بيه من التوتر والضغط العصبي.

2- التأمل:

التمرينات اللى بتساعد على الهدوء والإسترخاء زي اليوجا وتمرينات التأمل هتساعدك تصفي ذهنك و تسترخى بشكل كبير جدا وبالتالى تتخلصى من القلق والتوتر وتفكري بشكل أوضح، عشان كده التأمل هيساعدك تحسني بشكل كبير من صحتك النفسية.

3- النوم بعمق :

علم النفس بيقول ان اضطرابات النوم بتعتبر عرض من أعراض قلة الصحة النفسية ووجود مشاكل زي القلق و التوتر اللى بتسبب أرق و بالتالى بتأثر على صحتك النفسية لأن عقلك مابيرتاحش ولا جسمك، يقول دانييل فريمان ، وهو أستاذ في علم النفس السريري في جامعة أكسفورد ، انه في العادي الناس بتتعامل مع مجموعة كبيرة من المشاكل النفسية والعاطفية، لكن مع النوم الكويس او النوم العميق و اللى المفروض مايقلش عن 7 لـ 9 ساعات كل يومي بيقدر معظم الناس يتغلبوا على عدد كبير من مشاكلهم النفسية و العاطفية لأن النوم بيساعدهم يبقى ذهنهم أصفى وبالتالى بيقدروا يفكروا فى مشاكلهم بشكل أفضل.

4- ماتعمليش حاجات كتير في نفس الوقت :

الأحصائيات العالمي بتقول ان اقل من 2% من الناس بيقدروا يعملوا أكتر من حاجة او يـ multitask في نفس الوقت بشكل فعال، وعلم النفس بيقول انه عى الأغلب المخ مابيقدرش يعمل حاجتين معقدتين في نفس الوقت، عشان كده مهم ماتعمليش حاجات كتير في وقت واحد لأن المشكلة في تعدد المهام هى انها بتستنزف طاقات كبيرة من جسمك و عقلك بسرعة والمشكلة التانية انها بتسبب الارهاق بشكل كبير سواء جسديا او نفسيا، علشان كده حاولى تعملى الحاجات اللى وراكى حاجة واحدة في كل مرة ومش أكتر من حاجة وراء بعض، ده هساعدك تركزى اكتر وتتافظى بطاقتك ومودك الحلو فترة أطول.

5- التركيز الكامل:

النقطة دي بتعتبر مكملة للنقطة اللى قبلها، لأن كل ما كان تركيزك كامل على حاجة واحدة بتعمليها من غير ماتشتتي نفسك بحاجة تانية معاها كل ما هتحسي انك بتنجى اسرع وانك إيجابية و سريعة و ده هيخلى مودك حلو و هيفرق معاكي كتير، مهم أوى ماترهقيش نفسك في أكتر من حاجة مع بعض.

6- التوازن بين الشغل والراحة:

الأشخاص اللي بيتمتعوا بصحة عقلية ونفسية كويسة هما اللى بيقدروا يوازنوا بين شغلهم وراحتهم، التوازن ده مهم جدا انه يبقى متحقق لأنه له تأثير إيجابي كبير جا على صحتك النفسية، فلازم تحاولى على قد ما تقدرى انك ماتخديش الشغل معاكي البيت وان وقت الراحة يبقى للراحة بس و تبعدي فيه عن اى حاجة ممكن تفكرك بالشغل او يكون ليها علاقة بيه.

7- ماتأجليش اللي وراكي:

التسويف وتأجيل الحاجات والتاسكات اللي وراكي بيعتبر من أكتر الحاجات اللى بتأثر بشكل سلى على صحتك النفسية،لانها بتسبب ضغط عصبى و توتر كبير جدا بسبب غحساس انك طول الوقت وراكى حاجة ماعملتيهاش، علشان كده حاولى ماتتجنبيش انك تخلصى اى حاجة وراكي، بالعكس اقعدى اعمليها و خلصيها ، ده هيحسسك براجة كبيرة وهيفرق معاكي كتير.

8- ابعدى عن الاجهزة والسوشال ميديا:

استرخى! لازم تحاولى تسترخي بانك تبعدى تماما عن السوشال ميديا والتكنولوجيا ومواقع التواصل الاجتماعي اللى بتخليكي طول الوقت بتراقبى الناس من حواليكي وتخليكي تراقبيهم، استبدلي ده بانك تشوفي فيلم او تسمعى مزيكا بتحبيها او انك تقرأى رواية او تتمشي لفترات طويلة في أماكن هادية عشان تتخلصى من اى توتر او ضغط.

9- كلي كويس:

الأكل الكويس المتوازن و الصحي مفعوله زي السحر على صحتك النفسية، الأبحاث بتقول ان الأكلات اللى فيها كميات متوازنة من الأحماض الأمينية والدهون الأساسية والكربوهيدرات المعقدة والفيتامينات والمعادن بتقدر تخلق مزاج متوازن وشعور عام بالراحة والبهجة. 10- اتكلمى مع حد بترتاحيله:البشر بشكل عام كائنات اجتماعية مابتقدرش تعيش بعيد عن الناس، عشان كده لو فى اى وقت حسيتى انك مضغوطة زيادة وحتاجة تتكلمى اعملى كده فورا من غير تردد، ممكن تتكملى مع حد قريب منك وبترتاحيله زى صاحبتك او والدتك ولو لقيتي برده مفيش التحسن اللى انتى مستنياه اتكلمى مع حد محترف زى دكتور نفسي عشان يقدر يساعدك.