7 وصفات حمام علاجية للجسم بيوصي بيها الدكاترة المتخصصين

بقلمريهام محمود فيصحة visibility1

حمام الجسم, هو نوع الحمام اللي بتملي فيه البانيو بمية دافية وتقدري تسترخي فيه وجسمك كله يستفاد منه, والحمام ده ليه فوايد كتير جدا منها تخفيف الاحساس بعدم الراحة خصوصا الجزء السفلي من الجسم, تقليل الالتهاب او التهيج او الالم, والنوع ده من حمام بيوصي بيه الدكاترة المتخصصين لراحة الجسم, والنهاردة من خلال موضوعنا هنقولك على 7 وصفات حمام للجسم.

وصفات حمام للجسم:

1- حمام المية المالحة:

الملح يعتبر علاج مضاد للجراثيم وعلاج ممتاز للجسم, وحمام المية المالحة بيستخدم لاكتر من مشكلة منها الحكة والبواسير والحمام استخدامة وطريقته سهلة جدا, كل اللي هتحتاجيه ½ كوباية ملح ضيفيها لبانيو مليان مية دافية وتكون حرارتها لحد ما جسمك يتحملها, اقعدي فيها لمدة 30 دقيقة على الاقل وغيري المية اول ما تحسي انها بردت.

وصفات حمام للجسم
وصفات حمام للجسم

2- حمام صودا الخبز “الكربوناتو”:

صودا الخبز ليها تأثير مضاد للبكتيريا وبالتالي هتساعد على علاج العدوى وده هيمنع كتير من المشاكل الجلدية زي حب الشباب والبثور.

الوصفة عبارة عن اضاقة من 4 – 5 معالق كبيرة كربوناتو للمية الدافية في البانيو, اخلطي المية كويس لحد ما الكربوناتو تدوب, دلوقتي تقدري تقعدي فيها لمدة 20 دقيقة على الاقل لحد ما المية تبرد.

وصفات حمام للجسم
وصفات حمام للجسم

3- حمام الاعشاب:

الوصفة دي مفيدة جدا للجسم خصوصا لو لسه والدة جديد بتريح جدا, استخدمي كوباية ملح بحر, 4 معالق كبيرة زهرة اللافندر, 4 معالق كبيرة من اوراق الموز, 4 معالق كبيرة مية ورد, 4 معالق كبيرة بابونج, اخلطي المكونات كلها مع بعض وحطيها في اكياس صغيرة, وخلي المية سخنة قدر الامكان, حطي كيس واحد من خلطة الاعشاب والملح ودوبية كويس في المية وسيبي المية لحد ما تبرد شوية ودرجة حرارتها تبقى مريحة بالنسبة لك وجسمك يتحملها وانزلي اقعدي فيها.

وصفات حمام للجسم
وصفات حمام للجسم

4- حمام الزيت:

حمام الزيت مش بس علاجي ومريح للجسم, لكن كمان هيخليكي تحسي باسترخاء بسبب الريحة بتاعته بتبقى حلوة جدا وبتساعد على تهدئة الاعصاب, للوصفة دي هتحتاجي ½ كوباية ملح انجليزي, 2 معلقة كبيرة صودا الخبز, 2 معلقة كبيرة مية ورد, 1 معلقة كبيرة زيت زيتون, 8 نقط من زيت اللافندر, 8 نقط من زيت البابونج, اخلطي الملح وصودا الخبز قلبيهم وبعدين ضيفي عليهم باقي المكونات وقلبي مرة تانية, حطي الخليط كله في المية الدافية في البانيو, اقعدي في المية لمدة من 15 – 20 دقيقة.

وصفات حمام للجسم
وصفات حمام للجسم

5- حمام ورق التوت:

الوصفة دي بتساعد على علاج التهابات المسالك البولية والبواسير, كمان حمام التوت بيساعد على علاج الاسهال وامراض الجهاز الهضمي.

خدي 2 معلقة كبيرة من ورق التوت المجفف, ضيفي لهم كوباية مية واغليهم على النار مع بعض, بعدها ضيفي الخليط ده للمية الدافية في البانيو, واقعدي فيه لمدة 20 دقيقة.

وصفات حمام للجسم
وصفات حمام للجسم

6- حمام عشبة بندق الساحرة “زهرة الشتاء”:

عشبة بندق الساحرة او زهرة الشتاء بتساعد على تقليل الالم والحكة والنزيف المصاحب للبواسير, وفي طريقتين عشان تعملي الحمام, الطريقة الاولى هتاخدي 10 جرام من اوراق بندق الساحرة وضيفي لهم للمية الدافية, او تخلطي ¼ كوباية ملح انجليزي مع مستخلص بندق الساحرة وتضيفيهم للمية الدافية.

وصفات حمام للجسم
وصفات حمام للجسم

7- حمام خل التفاح:

حمام خل التفاح يعتبر علاج طبيعي مضاد للبكتيريا وممكن انه يساعد في علاج كتير من المشاكل الصحية, خدي ½ كوباية من خل التفاح وضيفيه للمية الدافية في البانيو واسترخي فيها لمدة من 15 – 20 دقيقة على الاقل.

وصفات حمام للجسم
وصفات حمام للجسم

وممكن اثناء الحمام مع اي وصفة من الوصفات دي تشغلي موسيقى او تقري كتاب, عشان تزودي فعالية الحمام ويبقى مفيد صحيا ومعنويا لان ده هيساعدك جدا على الاسترخاء وتصفية الذهن.

ديتوكس التوابل: 7 انواع توابل هيساعدوا على تنضيف جسمك من السموم

ديتوكس التوابل لتنضيف الجسم من السموم
ديتوكس التوابل لتنضيف الجسم من السموم