10 أفكار مختلفة تستخدمي بيهم ستيكر الحائط عشان تزيني بيتك

آية حسان
آية حسان
1902

بتدورى على أفكار جديدة وبسيطة تغيرى بيها من ديكور بيتك أو أوضتك بس عاياها في حدود ميزانيتك وتكون تكلفتها بسيطة، احنا لقينالك الحل، في المقال ده بنات جوا هيعرفوكي على 10 أفكار مختلفة تستخدمي بيهم ستيكر الحائط عشان تزيني بيتك، خلينا نعرفهم مع بعض .. 

10 أفكار مختلفة تستخدمي بيهم ستيكر الحائط عشان تزيني بيتك

1- ستيكر النجوم : 

ستيكر بسيط وسهل تلاقيه في أى محل للوازم الديكورات أو ورق الحائط، طريقة ترتيب النجوم المنتشرة حلوة اوي وبتدي شكل لطيف مهما كانت لونها، بس طبعا تقدري ترتبيها في أي شكل تحبيه. 

ستيكرز النجوم
ستيكرز النجوم

2- ستيكر النقط الذهبية: 

النقط أو الدواير باللون الدهبي أو في الحقيقة أيا كان لونها بيبقى شكلها حلو، وسهل جدا تنفذيها بإيدك في البيت، رتبيهم في أي شكل تحبيه. 

3- ستيكر الأشكال الهندسية: 

ديزاينز الأشكال الهندسية بتدي دايما أبعاد جديدة للمساحة في أوضتك وممكن تخليها تبان أوسع ومودرن أكتر، جربي الستيكرز الهندسية بأشكالها المختلفة. 

الأشكال الهندسية
الأشكال الهندسية

4- ستيكرز الزهور: 

الزهور والورود طبعا بتدي شكل جميل في أي حاجة، سواء لو كانت في ستارة أو في أنتريه أو طبعا في ستيكرز وورق الحائط، جربي ستيكرز الزهور بألوانها وأشكالها المختلفة. 

5- ستيكرز الفراشات:

الفراشات كمان من الأشكال اللي بتدي منظر جميل للمكان، ممكن تجربي ستيكرز الفراشات بألوانها المختلفة. 

الفراشات
الفراشات

6- ستيكر المراية: 

 هتبقى حاجة حلوة لما تبصي في المراية كل يوم الصبح أول ما تصحى من النوم وتلاقي جملة حلوة مستنياكي، جربي ستيكر المراية بأي جملة تحبيها وإلزقيه على مراية الحمام أو مراية أوضتك.

ستيكر المراية
ستيكر المراية

7- ستيكر المراية والإضاءة : 

ممكن كمان تجربي مع ستيكر المراية تزودي إضاءة في أوضتك، جو الإضاءة المخلتف هيغير من مود الأوضة وهيخليكي تحبيها أكتر. 

البرواز
البرواز

8- ستيكر أشكال الطيور:

أشكال الطيور المختلفة على زاوية الباب أو الشباك هتدي شكل جميل وجديد لبيتك. 

الطيور
الطيور

9- ستيكر الريشة: 

ممكن كمان تجربي ستيكر الريشة لو مابتفضليش الزهور أو الفراشات وبتدوري على حاجة مختلفة. 

ستيكر الريشة
ستيكر الريشة

10- ستيكر البرواز: 

جربي تجمعي الستيكرز المفضلة عندك في برواز واحد وتستخدميه كلوحة أو ديكور في أوضتك، دي تعتبر فكرة جديدة وحلوة جدا. 

برواز
برواز

اعرفي معانا كمان 8 تغييرات في ديكور البيت هتخليه مريح اكتر وهتساعدك على تقليل التوتر

مقالات متعلقه

تغيير وتطوير.. اعرفي إزاي تجددي بيتك من غير فلوس كتير

تغيير وتطوير.. اعرفي إزاي تجددي بيتك من غير فلوس كتير

55 نصيحة ديكور من الخبراء..اعرفيها معانا

55 نصيحة ديكور من الخبراء..اعرفيها معانا

افكار ديكور لغرفة المعيشة Living Room بستايلات مختلفة

افكار ديكور لغرفة المعيشة Living Room بستايلات مختلفة